السلام عليكم
او سمحتم يا جماعة حد يعرف أسعار قطع غيار الأبيزا 94 لأن قدمنا واحدة بحالة كويسة و مرعوب من حكاية قطع الغيار الغالية فلو حد يعرف الأسعار ياريت يقول
شكرااا
السلام عليكم
او سمحتم يا جماعة حد يعرف أسعار قطع غيار الأبيزا 94 لأن قدمنا واحدة بحالة كويسة و مرعوب من حكاية قطع الغيار الغالية فلو حد يعرف الأسعار ياريت يقول
شكرااا
لا مش غالية
اسعارها معقولة جدا و منها الالملني و الاسباني و غيرة و غيرة
فية واحد اسمة سامح في شارع دمشق في ناصية متفرعه منة عندة كل حاجتها و احسن اسعار في السوق و امين يقولك الالماني و الاسباني و غيرة مين احسن و سعرة اية من غير اشتغالات
شكرا على درك يا أدهم بس أنا فى الأسكندرية :roll:
بصراحة مش عارف بس ممكن تنزل صلاح الدين تبص بصة على مدى التوافر و الأسعار
أسعار قطع غيار الإبيزا من وجهة نظرى هى رخيصة جدا جدا بالمقارنة بعمرها الإفتراضي ، فهي معمرة جدا إذا جبت الأصلي الالمانى أو الأسبانى ، و هى بشكل عام مش غالية خالص و برضه مش زى الكورى مثلا فهي أغلى حاجة بسيطة
انا مش عارف ليه بسمع إن فيه ناس كتير فاكره عن الإبيزا إن قطع غيارها نار
و أى حد ييجي يسألنى إنه عايز يجيب عربية فبنصحه بالإبيزا فورا الاقيه يقوللى لأ طبعا لإنى قطع غيارها عاليه اوى و أفضل أقنع فيه ساعة مثلا و افهمه ، نفسي أعرف مين اللى مطلع الإشاعة دى على الإبيزا !!
هى مثلا أرخص بكتيير جدا من قطع غيار الأوبل مع إنى الاتنين ألمانى
بالنسبة لقطع الغيار فهى متوفرة جدا و مفيش حاجة مش هتلاقيها
لو عايز إكسسوارات عليك و على الحرفيين او وكالة البلح هتلاقي العربية متفككة هتاك حتت
لو عايز قطع غيار ( عفشة أو حاجة في الموتور و خلافه ) عليك و على شارع دمشق أو التوفيقية و هتلاقي متوفر منها أنواع كتير أوى و أسعار متفاوتة زى أى عربية منتشرة و الأحلى فيها إنى ميش منها قطع غيار مضروبة
بس بصراحة مش عارف تلاقي فين حاجاتها في الإسكندرية ، بس أكيد طبعا فيه هناك ، بس صدقنى نزلة واحدة للقاهرة تجيب كل اللى إنت عايزه ممكن تقعد عليها سنتين مش محتاج حاجة رئيسية للعربية
نصيحة : هاتها فورا لو حالتها كويسة و إوعى تقلق من النقطة دى خالص
شكرا جدا على رودوكم يا جماعة
طب ممكن امثلة لاسعار قطع غيارها؟
معنديش حاجة بالتحديد اقولهالك ، إسألعن حاجة معينة و انا لو كنت غيرتها هقوللك على سعرها
يعني مثلا اسعار الفوانيس.........سعر اسطوانة البرياج........سعر ماستر الفرامل............الحاجات الاساسية دي
ماستر فرامل عمومي ألماني مايل سعره حوالي 220 جنيهاقتباس:
المشاركة الأصلية كتبت بواسطة thegoodhacker
سعر الفانوس valeo حوالي 265 , وسعر طقم الدبرياج valeo كامل حوالي 550 جنيه في الغالب الحاجات دي مابتعرفش صناعة ايه حتى لو كان مكتوب عليها اتحاد اوروبي او اسباني بس عموما جودتها مش بطالة.
تحياتي
مشكوووووووووورين يا شباب علي المشاركة باسعار قطع الغيار....... و نرجو المزيد
الفانوس الخلفي الحقيقة مرة جبته بس غستيراد ( و كان أحسن من الجديد ) كان أسبانى بيتاع العربية و الراجل قاللى 150 جنيه خدته ب 70 جنيه في الآخر
المساعدين مثلا لسع مغيرها الأمامي عاملة 380 جنيه ، و علبة الدركسيون الأسبانى 340 جنيه
بص انا مشفتش حاجة في العربية دى غالية غير حاجة واحدة بس هى تقريبا أغلى حاجة في العربية ( الموبينة ) دى الهيللا الألمانى عاملة 850 جنيه ، غير كده مفيش حاجة في العربية دى عدت معايا ال 500 جنيه
والله هاتها و انت مطمئن الحاجت دى بتعيش جدا
و على فكرة أنا بجيب كل الحاجات اللى مكتوب عليها ألمانى و أو أسبانى من عند فتح الباب و ليس الإتحاد الأوروبي
اللي مطلع اشاعة الغلو هو توكيلها لان التوكيل بتاعها الشركة الهندسية من اسواء التوكيلات في تمن قطع الغيار
بيعملها زي ما تكون هامر وهارلي ديفدسون اللي هو وكيلهم برضه
لكن بصفة عامة العربية دي اتبهدلت جامد لو تحت ايد شاب بيخربها لان موتورها 1300 حلو على جسمها وهيا ايرو ديناميك قوي فبتجري جامد لكن صالونها من ورا صغير شوية وواطية حبة
بس غير كدة روعة بس اكشف عليها كويسبس انا افضل اجيب جولف 2 حالتها كويسة عنها
طب محدش يعرف التوليدو 96 نظامها أية
والله على حد علمي ان التوليدة و الكوردوبا هما هما الإبيزا بس سيدان مش هاتش باكاقتباس:
المشاركة الأصلية كتبت بواسطة eng_mkhalaf
و الاختلافات بينهم بسيطة
طقم دبرياج ( أسطوانة + ديسك + رلمان بلى ) valeo أسبانى ب530
الاخ دوجلاس بالنسبه للاسعار الى انت كتبتها اغلبها مش صح
مفيش مساعدين ب 380 لان صاحبى اشتراها بحوالى 500 و العلبه ارخص منتا قولت
لو عايز تعرف منين
اولاد احمد صالح فى التوفيقيه و أسأل لو مش مصدق
25755382
يا عاطف ، كل ما هتنزل مكان هتلاقي فيه أنواع مختلفة و ماركات مختلفة ، انا بتكلم على الحاجات اللى انا جبتها فعلا ، و كان فيه ساعتها حاجات أرخص و حاجات أغلى ، ده حسب خبرتك بالماركات و شطارتك في الفصال يعنى ممكن تكون ماركة بتستريحلها عن التانية ، لإنى كل ماركة و ليها سعر و لو إنه بيكون متقارب برضه
الاسعار بتختلف حسب الماركة والمكان اللي بتشتري منه ، يعني مثلا المساعدين البرازيلي امامي حوالي 450 وممكن تفاصل فيها ، واللي زيها بالضبط الماني ب 500 ، والمونرو 650 ، علبة الدركسيون الاصلية عليها العلامات بالبارات والدراعات وجميع مستلزماتها 1000 جنيه مقفوله ، والعلبة اللي بيتقال عليها اسباني 350 ، وفي واحدة عند فتح الباب 600 جنيه ، الموبينة عند فتح الباب 850 وفيه واحده اتحاد اوروبي عند سامح او في التوفيقية بسعر من 450 الى 500 .اقتباس:
المشاركة الأصلية كتبت بواسطة Atef Saleh
عموما لما تعوز تشتري قطع غيار لازم تلف شوية و تعرف الاسعار وتشوف الجوده قبل ماتشتري خصوصا ان الابيزا في ناس كتير بتجيب لها قطع غيار والعبرة في النهاية بالتجربة .
الفوانيس فليوا كورى الواحد 180
طقم الدبرياج انا كنت جايبة من زمان بس كان فاليوا اصلى 360
انا لسة شارى كابل بنزين عامل 55 جنية وعايز مكنة ازاز كهربة لسة بقة مش عارف بكام
يا جماعة انا من سنتين غيرت القوانيس اللي ادام اللي هما hella اساسا و جبت 2 فاليو تايواني ب 400 جنيه الاتنين و شغالين زي الفل و سلك الدبرياش جبته بس شايله مغيرتش بتاع الفابريفة الاسباني الاصلي مكتوب عليه made in spain و عليه علامات seat vw audi skoda ب 250 جنيه و البلي الادماني الماني اصلي ماركة(مايلي) الواحدة ب 115 انا غيرت بتوع الافابريقة بعد 14 سنة استخدام و بلي الابيزا الوراني الماني اصلي الواحدة ب65 جنيه انا غيرت واحدة بس الصيف اللي فات و الحاجات دي انا بجيبها من فولكس هاوس في شار مراد جنب شاهين الفسخاني الحقيقة الراجل حاجته زي الفل و بتعامل معاه علي طول و عمر ما حاجته خيبت معايا نهائي صاحب المحل اسمه الحاج حسن عبد الرحمن اللي عايز حاجة يروحله و علي ضمانتي
IBIIIIIIIIIIIIIIIIIIIIIIIIIIIIIIIIIIIIIZZZZZZZZZZZ ZZZZZZZZZZZAAAAAAAAAAAAAAAAAAA FOR EVER
عربيه جميله و قطع الغيار رخيصه مش عاليه بس متفتكرش انك راكب 128 لو لادا رخيصه بالنسبه لعربيه محترمه
قطع غياره رخيصة عند واحد فى الاسكندرية استعمال خارج رقمه منقول للا فادة 0120564842
مشكوررررررررررررررررررر
افادكم الله
شكر علي المعلومة
عايز اعرف سعر طلمبة الباور و الاسكاترا 99
شكرا علي الموضوع .... احب ابدي برأيي ... الابيزا من 94 الي 99 هي احسن اختيار في رينج الفلوس بتاعتها
عربيه شبابيه و شكلها مش قديم و الماني و قطع غيارها رخيصه و فيها
احب اضيف نقطه في موضوع قطع الغيار ده
انا اشتريت نص ابيزا 98 اوروبي 1600 abf 99 hpكامل ( موتور + سدر + طقم تبريد كامل + عفشه كامله +فيتس + طابوه بالايرباج+بالعدادات +..... يعني نص امامي كامل من غير جنوط بس )
المهم بكام الليله دي علي بعضها ؟؟ 7000 جنيه بعد الفصال و التظبيط و المعارف و الكلام ده ... و لو ماتعرفش سكه هاتجيبه ب 8500 اخر
و ممكن يجي ارخص من 7000 جنيه كمان
من الاخر كده اللي ناقص عشان ينزل في العربيه حاجات بسيطه
1- طرمبه بنزين 1600 و يا سلام لو اتركبلو طرمبه vr6 ... الموتور ده بيتعفرت ( في حدود 800 بالمصنعيه)
2-شاكمان كامل ( لو حاجه كويسه يعني علبتين استيراد بالمصافي بالديل 800 بالمصنعيه )
3-تانك بنزين للطرمبه و العواميه الكلام ده ( 500 تقريبا بالتركيب)
[color="rgb(65, 105, 225)"]يعني هاتجيب عربيه جديده تحطها في عربيتك لو مشنه او كنبه ب 10000 لحلوح ... و هاتركب حاجه محترمه عن تجربه
طولت عليكو بس اتمني اني اكون ضفت معلومه [/color]