السى دى راسه والف سيف ماهو طالع

الموضوع ايها الاخوة الاعزاء انى عندى كاسيت بيونير سى دى المهم انا معتمده على السى دى بشكل اساسى لانه مفيهوش usb دخلت سى دى شغال عادى وجايه اغيره مش راضى يطلع :what: وايه بقى اول مااضغط على الزرار اللى بيطلع السى دى يفصل كهربا وميطلعش اشغل تانى واحاول نفس الموضوع مش عارفه بقى ده ايه !!!

وخايفة اوديه لحد بتاع كاسيت يعك الدنيا خاصة انهم مبوظنلى واحد قبل كده مش عارفة المشكلة فين

موضوع فصل الكهربا ده غريب شوية
حاولى تخرجى السى دى ده بحاجة رفيعة لو بيخرج منه طرف

إفصلي البطاريه 10 د ووصليها تاني والدنيا هتظبط

وحصلت معايا وبرده بيونير

اقتباس:

---

المشاركة الأصلية كتبت بواسطة yoko

إفصلي البطاريه 10 د ووصليها تاني والدنيا هتظبط

وحصلت معايا وبرده بيونير

---

غريبة دى هجرب بكره ان شاء الله يارب يكون كلامك صح:star1:

اقتباس:

---

موضوع فصل الكهربا ده غريب شوية
حاولى تخرجى السى دى ده بحاجة رفيعة لو بيخرج منه طرف

---

غالبا مبيخرجش طرف اصلا

اقتباس:

---

المشاركة الأصلية كتبت بواسطة Rerii

غريبة دى هجرب بكره يارب يكون كلامك صح:star1:





غالبا مبيخرجش طرف اصلا

---

إن شاء الله هتنفع أصل حصل معايا ومتسبيش الcd كتير في الكاسيت يعني وغنتي نازلة من العربيه شيليه

اقتباس:

---

المشاركة الأصلية كتبت بواسطة yoko

إن شاء الله هتنفع أصل حصل معايا ومتسبيش الcd كتير في الكاسيت يعني وغنتي نازلة من العربيه شيليه

---

ان شاء الله تنفع بس هو سؤال ملوش علاقة بالموضوع خالص :star1: هو انت اشتركت فى العضوية ازاى بعت من اى موزع معتمد لفودافون صح؟؟ المشكلة بقى اى حد فاتح محل وعليه يافطة فودافون يبقى موزع معتمد وللا ايه اصلى عاوزه اشترك ومش فاهمة:star1:

اي سنترال قوليله هحول رصدي مبيعات
وأنا سلمت كريم الإشتراك يدا بيد لإنه جاري :w6266d

افتكر فيه حاجة لازم يتغير عشان كان عندي نفس المشكلة بس كاسيت كنوود و غيروه بي 200 جنيه مش فاكر كان ايه بصراحة عشان كان من سنتين

اقتباس:

---

المشاركة الأصلية كتبت بواسطة chicobon

افتكر فيه حاجة لازم يتغير عشان كان عندي نفس المشكلة بس كاسيت كنوود و غيروه بي 200 جنيه مش فاكر كان ايه بصراحة عشان كان من سنتين

---

200 جنيه !!! والله لو كده هسيبه لحد مايبقى معايا فلوس اجيب واحد بيونير فيه usb

فيه حاجه انا كنت بعملهه في الكاسيت القديم اني بجيب سي دي تاني وبدخل حته صغيره منه في الفتحه وأشيله علطول فالكاسيت بيطرد السي دي التاني وطبعا معرفش هتنفع عندك ولا لا

انا معايا بيونير 2050 و حصلت مرتين معايا اول مرة عمل كدة اجي اطلع ال cd يفصل باور و ديتوا لواحد بتاع كاسيتات ( تناتيش) غيرلي ترس كان مكسور جوة ب 90 جنية من ثلاث سنين . ثاني مرة الحمد لله الترس متكسرش فدخل حديدتين رفيعين كدة و طلع ال cd و اشتغل قشطة

اقتباس:

---

المشاركة الأصلية كتبت بواسطة cyborg_ift

فيه حاجه انا كنت بعملهه في الكاسيت القديم اني بجيب سي دي تاني وبدخل حته صغيره منه في الفتحه وأشيله علطول فالكاسيت بيطرد السي دي التاني وطبعا معرفش هتنفع عندك ولا لا

---

برافو هو دة الحل الامثل أنا بعمل كدة .

بصى حا أقولك السبب السبب أنك بتسيبى ال cd فترة طويلة جوة الكاسيت فبالتالى من السخونة بيعمل تعريجات بسيطة فمبيرضاش يخرج بيسهولة الحل الامثل هاتى أسطوانة أخرى و دوسى على زرار تخريج ال cd من الكاسيت بيظهر جزء صغير من الاسطوانة الى بداخل الكاسيت و الموتور بيزن و بعدين يطفى أول ما يظهر جزء من الاسطوانة القديمة الى جوة حطى الاسطوانة الاخرى فى نفس الوقت و بصى بعينك عليها الاسطوانة الاخرى الجديدة حطى الطرف بتاعها تحت الاسطوانة المحشورة مش من فوق لآ من تحت حا تخرج أن شاء الله و أبقى أرمى الاسطوانة القديمة ما تدخليهاش تانى . و نصيحة لو أنتى الى بتنسخى الاسطوانات فى البيت حاولى لما تشترى سيديهات فاضة تكون من النوع الرفيع مش التخين يعنى لو لقيتى سيديهات gigamax يكون أفضل و ما تسيبيش الاسطوانة كتير فى الكاسيت و لا تعرضيها للشمس أحفظيهم فى العلبة المدورة البلاستيك بتاعت السيديهات الى بتتباع فيهم هية علبة صغيرة فيها 10 اسطوانات حطى السيديهات فيها و شيليهم فى التابلوة بعد كدة

اقتباس:

---

المشاركة الأصلية كتبت بواسطة heshamzaky

بصى حا أقولك السبب السبب أنك بتسيبى ال cd فترة طويلة جوة الكاسيت فبالتالى من السخونة بيعمل تعريجات بسيطة فمبيرضاش يخرج بيسهولة الحل الامثل هاتى أسطوانة أخرى و دوسى على زرار تخريج ال cd من الكاسيت بيظهر جزء صغير من الاسطوانة الى بداخل الكاسيت و الموتور بيزن و بعدين يطفى أول ما يظهر جزء من الاسطوانة القديمة الى جوة حطى الاسطوانة الاخرى فى نفس الوقت و بصى بعينك عليها الاسطوانة الاخرى الجديدة حطى الطرف بتاعها تحت الاسطوانة المحشورة مش من فوق لآ من تحت حا تخرج أن شاء الله و أبقى أرمى الاسطوانة القديمة ما تدخليهاش تانى . و نصيحة لو أنتى الى بتنسخى الاسطوانات فى البيت حاولى لما تشترى سيديهات فاضة تكون من النوع الرفيع مش التخين يعنى لو لقيتى سيديهات gigamax يكون أفضل و ما تسيبيش الاسطوانة كتير فى الكاسيت و لا تعرضيها للشمس أحفظيهم فى العلبة المدورة البلاستيك بتاعت السيديهات الى بتتباع فيهم هية علبة صغيرة فيها 10 اسطوانات حطى السيديهات فيها و شيليهم فى التابلوة بعد كدة

---

والله بعمل كده

بس اصلا السى دى بقاله 5 ايام مش راضى يطلع بركب العربية النهاردة وبطلعه طلع ربنا يستر بقى ومفيش واحد تانى يركب دماغه وميطلعش :what:

اقتباس:

---

المشاركة الأصلية كتبت بواسطة Rerii

والله بعمل كده

بس اصلا السى دى بقاله 5 ايام مش راضى يطلع بركب العربية النهاردة وبطلعه طلع ربنا يستر بقى ومفيش واحد تانى يركب دماغه وميطلعش :what:

---

يبقى غيرى نوع السيديهات الى بتنسخى عليها الاغانى فية سيديهات بتبقى تخينة شوية هاتى ال Gigamax أو melody أو lg

بصي بقي هحللك المشكلة ديه و بكل سهولة جدا و السبب ان السي دي اللي بيبقي ملزوق فوقيه ورقة بيكون تقيل نوعا ما علي مكنة خروج السي دي فبيكون صعب خروجه فلما تيجي تطبعي سي دي حاولي تشتري مثلا اسطوانات سوني او سامسونج عشان مش بيكون ملصوق فوقيها ورقة الاعلان
الحل بقي عشان تطلعي الاسطوانة و بكل سهولة
و انتي بتضغطي علي زرار خروج الاسطوانة تقومي رزعة بقبضة ايديك علي فيبرة طابلوه العربية اللي علي حرف يمين الكاسيت كذا مرة في نفس وقت خروج الاسطوانة هتلاقي الاسطوانة طلعت علي طول و متحاوليش بعد كده تدخليها تاني و الافضل انك تستخدمي اسطوانة مش عليها ملصقات تاني
جربي و قوليلنا ايه الاخبار