مشكلة سخونة المتور والعربية دايرة وواقفة المتور بيولع - إيبيــزا موديل 1994

**eldrk** · 16-03-2008 05:50 PM

مشكلة سخونة المتور والعربية دايرة وواقفة المتور بيولع غيرت المروحة والردياتير
ومفيش فايدة بس لحظت دخان ابيض بيخرج من الشكمان ممكن دة يكون السبب
رجاء لو حد يعرف يقول وعشمى كبير فى المنتدى

شكراا

**SEATLOVER** · 16-03-2008 06:34 PM

ماكنش فى داعى تغير لا المروحة و لا الريداتير ..دول بيبقى تأثيرهم فى السخونة بطىء و متزايد مع مشى العربية و السرعة ..لكن مش و العربية واقفة
1-شيك على فيوز المروحة (شيلة من مكانة وحطة تانى ) على الاقل
2-شيك على سينسور الحرارة (الثيرموستات ) و تأكد انة بيشغل المروحة بعد ال 90 درجة ..وشوف محتاج تنضيف فقط ولا يتغير
3- اذا كل اللى فات سليم ...اكشف على طلمبة المياة
(بتشتغل ببطىء ضعيفة يعنى -فاصلة -عايزة تتغير )

بس اوعى تتحرك بالعربية وهى فوق ال 90 حتى و تروح بيها للميكانيكى -لازم ونش

و ان شاء الله خير ..و طمنا عليك

**eldrk** · 16-03-2008 08:21 PM

اخى العزيز اشكرك على اهتمامك وسرعة الرد
بلنسبة للسنسور قمت بتغيرة ولاجدوى حيث اننى عملت شورتعلية وشغلت المروحة باستمرار اما الطلمبة بصراحة مجتش جمبها بس انا خايف من الخان الابيض الى بيخرج من الشكمان باستمرار حتى والعربية سخونة

اشكرك جدا على اهتمامك وكان الله فى العون

شكرااا

**pcegypt** · 16-03-2008 09:03 PM

المشاركة الأصلية كتبت بواسطة eldrk

اخى العزيز اشكرك على اهتمامك وسرعة الرد
بلنسبة للسنسور قمت بتغيرة ولاجدوى حيث اننى عملت شورتعلية وشغلت المروحة باستمرار اما الطلمبة بصراحة مجتش جمبها بس انا خايف من الخان الابيض الى بيخرج من الشكمان باستمرار حتى والعربية سخونة

اشكرك جدا على اهتمامك وكان الله فى العون

شكرااا

ممكن تخلي الميكانيكي يشيك على طلمبة المياه ، بس الدخان الابيض المستمر ده معناه ان فيه مياه بتدخل على غرف الحريق ممكن تشوف قربة الميه لو لقيتها معكرة زيت او الزيت عامل طحينة - ويارب ما يطلع كلامي صح - يبقى فيه مشكلة في جوان وش السلندر.

تحياتي

**eldrk** · 17-03-2008 02:15 AM

اخى الصالح انا ممنون جداا باهتمامك بموضوعى برغم انشغالك وكثرة مشاغلك
وجعللك الله عونا لنا
اخى انا بلفعل كشفت على الزيت وغيرتة وكان عادى معلهوش طحينة بس المية بلغم من عدم وجود اى تسريب بتنقس بمعدل كل يوم حوالى لتر وكبس المحرك تمام
ممكن يكون حاجة فى وش السلندر
خبرنى بللة عليك من اين ابدا

شكراا جزيلا

**eldrk** · 17-03-2008 02:17 AM

طب هوة ممكن يكون الكربراتير

**zeyad1810** · 17-03-2008 03:22 AM

انا الموضوع دة حصل معايا واتضح ان الرادياتير كان فية هواءوبعد ما طردت الهوا من الرادياتير الحرارة ظبطت فيا ريت تروح لبتاع ريادتير وتجرب ومش هتخسر حاجة ومش مكلفة خالص وبالمرة خلية يشوفلك الريادتير لو مخروم يلحمة لان الخرم ممكن يدخل هوا الريادتير ويعمل كدة

**doglas** · 17-03-2008 12:41 PM

انا كانت الميه بتنقص عندى فعلا من غير سبب ، و طلع في الآخر طرمبة الميه ، و بعد ما غيرتها بقى كله تمام
انت مفيش قدامك غير طريقين
إما طريق دورة التبريد : ريدياتير - طرمبة - خراطيم
او طريق الموتور : وش السلندر و الجوانات ممكن يسخنه العربية جدا ،

ربنا معاك

**shady_elkady** · 17-03-2008 01:51 PM

اولا فى صمام فى شجرة المية اتاكد انوا مش بايظ و لو عاوز تتاكد شيلة خالص و جرب
ثانيا شغل العربية الصبح و زود مية و انت بتزود شيل صباع الحراراة الى فى الشجرة لحد ما الهوا يطلع و بعدين ركبة و اقفل القربة
و انا اعتقد ان مشكلتك فى صمام المياة انوا مصدى و مغلق علشان كدا الدورة و قفة انا كان معايا ابيزا 94 7 سنوات و ياما حصلى الحجات دة الدخان ممكن سببة كوتش الصباب نشف بسسب سخوتة المتور