بجد بجد تحفة بسم الله ماشاء الله بس الحاجات دى كلها تتجاب منين وتتعمل فين ومين يعملها لأن الواحد مش هايفضى يعمل كل الكلام ده بنفسه
بجد بجد تحفة بسم الله ماشاء الله بس الحاجات دى كلها تتجاب منين وتتعمل فين ومين يعملها لأن الواحد مش هايفضى يعمل كل الكلام ده بنفسه
السلام عليكم
شغل الكهربه ده عند اى كهربائى شاطر زى الليدات اللى فى الكوبيه فى التابلوه و الابواب
و الكاربون للاسف هتدوخ لحد متلاقى حد يركبوهلك صح و هتصرف كتير على الفاضى و هتضيع وقت اكتر
ممكن انت تعمله بنفسك و انا اعلمك ازاى
على فكره دى اول عربيه امتلكها و اول مره اعدل اصلا فى العربيات عموما و اى حاجه تتعمل بسهوله و الكاربون او الاستيكر عموما زى اللغه ممارسه كل ما تعمل اكتر ايدك تبقى احسن و تبقى احرف
انا رحت لكذا محل اكسسوارات عربيات و معرفوش يلفوا الكاربون و لا يلزقوه كويس على المرايات و حرقوه و بهوقوه و ملزقش كويس + فى ناس منهم شيلونى تمنه مع انهم هما اللى بوظوه و معرفوش يركبوه انا ملجأتش انى اشترى و اعمل بنفسى الا لما تعبت و جبت اخرى منهم +انهم غاليين اوى فى المصنعيه
و فى الاخر الحمد لله العبد لله عملتها احسن منهم هههههههه و رحت ورتهالهم هههههههههه
بس الشبكه الكاربون عملتها اخر حاجه و كانت احسن فنش فيهم لان ايدى الحمد لله بقت كويسه مع التمرين فى اول مرايتين
و طبعا مينفعش تعملهم لوحدك لازم حد يساعد فى الكاربون و يمسكلك الهوت جن على الاقل و يشد معاك الكاربون و يلفه
و الفرامل البريمبو ب 80 تقريبا الاربعه بس دى ارخص حاجه و هتلاقيها عند ابراهيم بتاع الاستيكر
و فى انضف منهم بس بلاستيك اقوى شويه و فتش اعلى ب 350 او 400 جنيه غير التركيب و ده فى بور سعيد و هيفتحوا محل هنا فى القاهره و بيجهزوه لسه و عنده فعلا من الابره للصاروخ على حسب كلامه
انا مشفتش حاجه اصلا من عنده لسه بس كلامه بيقول انه جامد
و باقى الحجات من التوفيقيه و رخيصه باخد بسعر الجمله لانى من كتر ما بروح هناك اشترى منظفات الناس عرفتنى و بقوا يبيعولى بسعر الجمله (المحلات مش من الشارع )
على فكره لو عاوز تعمل حاجه انا ممكن اعلمهالك و اساعدك فيها و مش هتاخد وقت
يوم للشراء و يوم تركيب بالكتير اوى
لا بجد بسم الله ماشاء الله عليك لفة الكربون على المريات بجد تقول ان صنايعى هو اللى عملها عشان كده سألتك
بس بينى وبينك اعلى حاجة فعلا هو شغل الليدات جميل جدا ومدى منظر مش عادى
ربنا يباركلك فيها ويكفينا كلنا شرها
ياباشا ميرسى اوى لذوقك كلك ذوق بجد واكيد لو احتجت اى مساعده مش هاتردد
انا تحت امرك فى ناس تانيه هننزل مع بعض نجيب كاربون و مط و نعمله على كبوت العربيه بتاع محمد شوقى ان شاء الله
و انا ناوى اعمل الجنوط اسود مط بس هتبقى صعبه اوى اوى عشان هعملها اسود مط استيكر انت عارف الجنط ال 17 كله ريش و صعب
و الفكره ختها من bmw x6
هى حلوه لو عاوز ترجع اللون الاصلى هتشيل المط و خلاص
على فكره انا مش شغال فى العربيات اصلا
انا واخد الموضوع هوايه و ترويش فقط
لو عاوز مساعده هساعدك زى اخويا بالظبط و مش هاخد فلوس من اى حد لان ده مش شغلى اصلا ,دى مجرد هوايه و انا بكون مبسوط و انا بعدل و اروش فى العربيه و من دواعى سرورى انى اساعد اى حد (بس طبعا لما اكون فى اجازه و اكون مبسوط و طبعا ايدك بايدى فى كل حاجه و تعمل معايا و تساعدنى فى كل حاجه او ممكن اوريك حته و انت تعمل الباقى و انت بعد كده هتعمل كل حاجه وحدك,)لان فى ناس علمتنى حجات كتيييييييييييييييير اوى فى المنتدى ده و استفدت كتير منه
ما شاء الله يسلم ايدك على الموضوع