الموضوع: الى شباب الامتحانات :(

المشاركة الأصلية كتبت بواسطة Mzeid

بص يا خالد

اكيد عندك اصحابك مذاكرين و عارفين المنهج روح اقعد مع اي حد فيهم و خليه يحكيلك على المنهج يبدأ يحكي من اول فصل لحد أخر حاجة اخدتوها كأنها حكاية و اعرف هتكون فكرة عن المنهج و كمان صاحبك أو اصحابك اللي بيحكولك هتكون مراجعة بالنسبة لهم
و بعدين روح البيت و افتح الكتاب و اقعد اتسلى فيه و اقرأ و اكيد هتعدي على الكلام اللي اصحابك قالوه لك ( اه دة محمد كان بيحكيلي عن كذا ... )

يعني خد الموضوع كحكاية
جرب و قولي النتيجة و ربنا معاك و معانا و مع الكل

للاسف اصحابى الى معايا فى الكليه ...وصلو 3 وانا لزقت بغرا فى 2 :(
انا معرفش حد معايا خااااااالص خصوصا انى مش بنزل الكليه غير ايام الامتحانات ..حتى فى الامتحانات تلاقينى بوصل على الامتحان بالظبط ...وبخلص وامشى على طول ..مفيش فرصه انى اعرف حد اصلا :(
انا فاهم الفكره الى انت بتتكلم فيها ...كانت فين من السنه الى فاتت دى يا عم

المشاركة الأصلية كتبت بواسطة A7MED_PHARMA

منت مش متابع بقالك فترة
dr.mohamed معانا في المنتدى ..أستاذ في بني سويف
بس راجل سكرة
بيراقب على الامتحانات ..وحسب كلامه
أبوه لو بيبرشم في الامتحان ...هيعمله محضر غش

الحمد لله انا فى طنطا

المشاركة الأصلية كتبت بواسطة medomaster

بص هو انا مش طالب دحاح أوي بس في نظام ماشي عندنا في الجامعة بيخليني أجيب جيد مرتاح أوي ..انا في العادي جيد جدا أو امتياز
مثلا مادة زي الإلكترونيكس دي قول مثلا انهم 4 chapters
اول ماخد اول chapter هوب الآقي المعيد بيقول في بكرة كويز ..بضطر اقعد اذاكر بيبقو كام ورقة كدة وحاجات بسيطة واروح اجيب درجة حلوة ...هووووب وكام يوم فريت ميد تيرم بيبقى 2 chapters وطبعا انا ذاكرت واحد منهم قبل كدة فبذاكر واحد بس وأخش الإمتحان أجيب درجة حلوة بفضل الله ...بعديها ب اسبوعين الىقى كويز تاني ف 3 chapters وانا كدة كدة مذاكر اتنين منهم هراجعهم بس واذاكر الثالث دا لوجدة ...برده بعديها بكام يوم ألاقي الsecond ميد تيرم في نفس التلت شباتر ..ف ببص عليهم بس ...وبهد كدة الفاينال في 4 chapters وطبعا انا مذاكر تلاتة قبل كدة فهذاكر واحد بس ..وبكدة أخش تكون الدنيا كلها لوووووز والحمد لله
لو جمعنا الايام اللي انا قولتها اني بذاكر فيها هتلاقيها حوالي 10 بالكتيــــر اوي في التيرم :) بس كدة ..فالفكرة هنا انك لو قدرت كدة في نص الترم بما انك كلية نظري تبص بس كدة على نص المنهج ولا حاجة كأن عندك امتحان قريب ..وبكدة لما تيجي تفتحها اخر السنة هتبقى قريت عنها قبل كدة وان شاء الله تفتكر ..... بالنسبة للغش بقى دا فأنا فيه غبي اوي ..مبعرفش اغش خالص وساعات بتبقى قدامي فرص بس مبعرفش تحس ان هو ليه ناسو بس الحمد لله عمري ما ندمت على سؤال انا نقصت فيه وكان ممكن أغشه ..بحس ان انا مكتوبلي الدرجة دي من قبل ما أدخل الغمتحان فا هوجع قلبي ليه بس :)

كلامك جميل بس فى مشكلتين :
1-الكليه عندنا لو حضرت طول السنه ملوش لازمه ..الدكاتره مش بتدخل المحاضرات اصلا !! و لو دخلت بتقول اى كلام ملوش علاقه بالمنهج ..زى مثلا انت يا ابنى بتكلم الى جمبك ليه ؟؟ تعالى انت و هو (شغل ابتدائى يعنى)
فطول السنه متقدرش تاخد منهم حاجه تفيدك ...ااااااااااااااااااااخر السنه قبل الامتحانات باسبوع او اسبوعين ..يقولك المنهج المقرر عليك ...ففكره انى اتابع من بدرى مش نافعه عندى
غير كده و دى المشكله التانيه ..انى بشتغل ...وبقعد بالعافيه من الشغل ايام الامتحانات :(

المشاركة الأصلية كتبت بواسطة Mzeid

طيب متعرفش تجيب امتحانات السنين اللي فاتت و تعرف الدكاترة بيركزوا على ايه ؟
و تحاول تجمع النقط دي و تلمها في اسرع وقت بالتلخيص ؟

انا ممكن اعرف اجيبها ...بس الوقت اتاخر !! الكلام ده لازم من بدرى :(