الموضوع: زيت الماتور

المشاركة الأصلية كتبت بواسطة spiderloking

سمعت ان فيسكو كويس اوي ال 5000 و بيتغير بعد 15 او 20 الف حسب استخدامك بقي و حسب دماغك

انا بردوا محتار في موضوع الزيت ده والله عاوز اعمل صيانة ال 10000 اللي جايه و احط زيت يقعد معايا 10000 كيلوا و اغيروا بعد كدا مش عارف بردوا احط ايه فيسكو و لا شيل ولا فينكس ولا توتال

السلام عليكم
شوف كاتلوج الصيانه بينصح بتغير الزيت و الفلتر على ال1000و5000و10000 كم اي نوع زيت اهم حاجه درجه الجوده sj او slاو sm ودرجه اللزوجه 20w50
انا عن نفسي غيرت التعاون sj 20w50 شغال زي الفل بقاله 3500كم
على فكره انا كنت كلمت مهندس في التوكيل بلغت اتي هغير زيت بالتعاون شكر فيه باذن الله هغير التعاون sl 20w50 فصيانه ال5000 كم
صح بالنسبه لتعاون سعره حنين ال sj ب63ج والsl ب73ج
والله المستعان

انا غيرت لفيسكو في صيانة ال 40 الف

فيسكو 5000

بس الملاحظ ان صوت المتور بقى اعلى !!!

على الرغم من ان فلتر الهواء اتغير بفلتر جديد في صيانة الاربعين

يا جماعة يا ريت مهندس يكون فاهم في موضوع جودة الزيت sj /sl /sm و موضوع درجة اللزوجة يشرح لنا الموضوع و شكراً

لفرق بنهما هوالبنية الجزيئية.الزيوت التخليقية لها بنية جزيئية ثابتة تتمثل في ثبات حجم الجزيئات (يعني حجم الجزيئات كلها زي بعض) وهذا يؤدي الى خواص ثابتة و مستقرة على عكس الزيوت المعدنية و لهذا السبب فان الزيوت التخليقية سهلة الاستخدام في تطبيقات كثيرة لأنه من المعروف كيميائيا ما النتيجة عند وضع اضافات معينة لأن المادة مستقرة....

ولهذا السبب تجد الزيوت التخليقية تغطي مدى لوزوجة كبير عند اختلاف درجات الحرارة لأن أحجام جزيئات الزيت بنسبة كبيرة متماثل و متجانس.
وعلى سبيل المثال تجد شل هيليكس المعدني متعدد الدرجات 20W 50
شل هيليكس الشبه تخليقي 40W10
شل هيليكس التخليقي40 W5
ببساطة: بعد قراءة الجزء المكتوب أعلاه:
ابتداءا من اليسار في قراءة اللزوجة كلما كان الرقم أقل كلما كان الزيت يتغلغل في درجات الحرارة الباردة في الأماكن التي هي عبارة عن خلوصات لاتتعدي 0.05 ملميتر مثل السبيكة مثلا.
لأنه يجب أن نعرف أن الزيت كلما زادت درجة حرارته كلما قلت لزوجته والعكس صحيح
أي أن السيارة وهي باردة يكون الزيت في أعلى معدلات لزوجته مما يستدعي أن تشغل السيارة و تتركها على الأقل لمدة دقيقة بدون تحريك لتعطي الزيت فرصة للدخول الى الخلوصات الشديدة الضيق و ذلك بأن يسخن وتقل لزوجته ليستطيع الدخول في هذه الخلوصات و ذلك لاطالة عمر المحرك و الحفاظ على نعومته أطول فترة ممكنة.
وهذا هو الفرق بين الزيوت التخليقية و المعدنية هي أن التخليقية عندها قدرة للتغلغل في الخلوصات والسيارة باردة أكثر منه وهي ساخنة و أكثر من الزيوت التقليدية أو المعدنية متعددة الدرجات.
ولهذا السبب ينصح باستخدام الزيوت المعدنية متعددة الدرجات لأن الجزيئات الغير متكافئة و متجانة الحجم تسرع و تساعد على عمل عملة صنفرة عشوائية للشمايز مما يساعد على تليين المحرك شكل أحسن و أسرع (وكل حاجة تتبع مع بعض), وللعلم بعد تصنيع البلوك لتنعيم الشمايز يتم بصنفرته وهي عملية الHoning التي تنصفر الشمياز وكأساسات هندسية كلما كانت الصنفرة باتجاهات عشوائية و حجم جزيئات صنفرة Abrasives متقارب وليس متماثل فانك تحصل على أعلى معدل نعومة سطح.
النتيجة و النصيحة و الخلاصة:
1-النتيجة: هي أنه عندما تكون سيارتك جديدة ينصح باستخدام الزيوت المعدنية في أول 5000 كيلومتر بعد صيانة ال1000 كيلومتر .
2-النصيحة:
·عند تشغيل سيارتك برجاء الانتظار على الأقل دقيقة واحدة للحفاظ و اطالة عمر محرك سيارتك.
·توفيرا لمالك أنصح باستخدام الزيوت المعدنية لأننا لا يوجد عندنا البرودة القارصة و درجات الحرارة المنخفضة تحت عشرة درجات مئوية (برجاء الاستدلال بالجدول المبين بالأسفل).
3-الخلاصة: أن الزيوت التخليقية تستخدم في المناطق الباردة جدا حفاظا على لوزجة الزيت منخفضة في درجات الحرارة المنخفضة.


ملاحظة: عند الرجوع الى كاتالوج سيارتك ستجد مثل هذا الجدول الذي يبين كثافة الزيوت مقابل درجات الحرارة.

[IMG]file:///C:/Users/mohamed/Desktop/%D9%88%D8%A7%D8%AC%D8%A7/showthread.php_files/5763d1252241154-oil-table.jpg[/IMG]


بوصوا يا رجالة مش نوع الزيت اللي بيحدد مدة استمراره جوة المحرك الي بحدد هو طريقة استهلاك واستخدام السيارة بناءا على مواصفة الزيت

يعني المواصفة API SL
دي المواصفة اللي بيتكلم عنها مصنع السيارة نيو أكسنت
ومعناها:
American Petroleum Institute API أن هذه المواصفة هي بناءا على مقاييس معينة
يعني أي زيت يبقى فيه المواصفات المطلوبة للمحرك لدرجة SL في معهد البترول الأمريكي تاخد شهادة بأنها مطابقة للمواصفات دي و يبقى مطبوع على العلبة درجة مطابقتها

ودرجات جودة الزيت تصاعدية على حسب الترتيب الأبجدي الانجليزي
يعنيانظر الى الحرف الملون بالنبيتي: API SJ

API SJ Mineral Oil ....L HELIX SUPER (الأصفر) زيت معدني متعدد الدرجات
API SL Mineral Oil ....L HELIX PLUS (الأخضر الغامق) زيت شبه تخليقي متعدد الدرجات عالي الجودة
API SM Synthetic Oil ....L HELIX ULTRA (الرمادي) زيت تخليقي فائق الجودة

أما بالنسبة للحرف S فهو يرمز الى نوع المحرك ألا وهو محركات البنزين وبالنسبة لمحركات الديزل يكون حرف C
يعني المواصفة:

تعني زيت شبه تخليقي يطابق متطلبات محركات البنزين SL
تعني زيت شبه تخليقي يطابق متطلبات محركات الديزل CF
API SL/CF
أما الأن فلنتحدث عن مواصفةالزيت المطلوبة لمحركات البروتون وهي تنطبق على كل الجيل المحركات الجديدة 1600 سي.سي (برجاء مراجعة مواصفة الزيت المطلوبة في كاتالوج سيارتك العزيزة اللذيذة)

المواصفة المطلوبة هي:

يعني ممكن SL و ممكن SM زي ما شرحنا قبل كده

يتم تغيير الزيت و الفلتر معا كل 15،000 كيلومتر أو سنة أيهما أقرب في ظروف القيادة العادية (اللي هي مش موجودة في مصر)
يتم تغيير الزيت و الفلتر معا كل 7،500 كيلومتر في ظروف القيادة الشاقة
يتم تغيير الزيت و الفلتر معا كل 5،000 كيلومتر في ظروف القيادة الشاقة جدا
API SJ أو أعلى
ظروف القيادة الشاقة:

1. القيادة على نقلات منخفضة لفترات طويلة (الأول و التاني ده لو جيبته... من الاخر يعني زحمة جدا).
2. القيادة لمسافات قصيرة و متكررة يوميا.
3. القيادة في طرق وعرة مما يستوجب السير على النقلة الاولى فقط.

ظروف القيادة الشاقة جدا:

1. بالاضافة الى ظروف القيادة الشاقة.
2. تسريع المحرك أو ابطاؤه بشكل مفاجئ (يعني الارص و تسقيط النقلات).
3. زيادة سرعة المحرك لما فوق 5000 RPM.
4. القيادة على سرعات أعلى من سرعة 170 كلم/س لمسافات طويلة (هي نفس النقطة السابقة أعلى من 5000 RPM).

معروف عن الزيوت أحادية الدرجة أن ال VI بتاعها منخفض جدا و بيكون VI=80 أو أقل و ابتداءا من الزيوت الأرقى يبدأ ارتفاع ال VI ليكون الزيوت صاحبة ال VI المتوسط تكون في مدى من VI=80 حتى VI=110 و المرتفعة أعلى من 110

وعلشان مانخرجش عن الموضوع الزيوت التخليقية في منها بيوصل ل VI=400!! وكلا مك مظبوط برضه بالنسبة للاضافات بس بتعليها بس لاستخدامها في تطبيقات أوسع

وعلشان الكلام يبقى أوضح للناس كلها ...ما هو ال Viscosity Index (VI),,???j
هو معدل تغير اللزوجة الكيناماتيكية مع درجات الحرارة.
يعني كل ما الزيت يكون خفيف و رقيق يكون معدل تغير لزوجته مع الحرارة بيكون قليل و العكس صحيح.


اذن ما هي الميزة التي تميز الزيت التخليقي؟؟؟ التي تجعله لا يتغير في مدى لزوجته بشكل كبير مع تغير درجات الحرارة في مدى حراري ليس بصغير؟؟؟ وايه اللي بيميز الزيت الخام اللي جاي منه الزيت التخليقي عن المعدني؟؟؟
ان حجم جزيئاته (الزيت الخام للزيت التخليقي) متجانسة و متماثلة مما يمثل تماسك واستقرار كيميائي يكون قويا في وجه أي تغيرات حرارية أو غيره.

وعلشان كدة لاينصح بوضع اضافات الابنسب بسيطة على الزيوت التخليقية لعدم الاضرار بمميزات تكوينها العضوي على عكس الزيوت المعدنية, وانت كمان قلت كده """""بسبب أن قوة الترابط بين الزيت الأساسى ( التخليقى ) بتكون أكبر منها فى حالة الزيت الأساسى (المعدنى )""""

أما بالنسبة لسؤال لملذا الزيوت التخليقية بتعيش أكتر من المعدنية؟؟؟

احنا اتفقنا ان الزيت المعدني بتتغير لزوجته بشكل كبير من لزوجة عالية والعربية باردة للزوجة منخفضة و العربية سخنة و الزيت التخليقي نفس الموضوع برضه بس مش بشكل كبير زي المعدني.

مما يؤدي الى زيادة اجهاد التعب Fatigue Stresses في الروابط الموجودة في الزيت المعدني أكثر منه في التخليقي فيؤدي الى كسر الروابط بشكل أسرع واعطاء فرصة للؤكسجين الموجود داخل المحرك بالتفاعل مع ذرات الكربون بتاعة الزيت فلما تيجي تنزل الزيت بعد 5000 كيلومتر تلاقيه محروق [IMG]file:///C:/Users/mohamed/Desktop/%D9%88%D8%A7%D8%AC%D8%A7/showthread.php_files/E_braces1.gif[/IMG] مع انه لو تخليقي هايبقى غامق شوية.

فزي ما قلنا ان تجانس وترابط الجزيئات بسبب تماثل شكلها هو الؤثر على كل ده.

موضوع ال Fatigue Stresses (اجهاد التعب)
بالنسبة للزيت المعدني لما يسخن ويبرد كل شوية فبالتالي لزوجته تقل و تزيد كل شويه زي بالظبط واحد بيطلع السلم على رجله وينزل عشرة أدوار طالع نازل.

بالنسبة للزيت التخليقي لما يسخن ويبرد كل شوية فبالتالي لزوجته تقل و تزيد كل شويه زي بالظبط واحد بيطلع السلم على رجله وينزل ثلاثة أدوار طالع نازل.

مين فيهم هايموت الأول....؟؟؟ [IMG]file:///C:/Users/mohamed/Desktop/%D9%88%D8%A7%D8%AC%D8%A7/showthread.php_files/E_braces1.gif[/IMG]
المفيد ان احنا كلنا حانموت [IMG]file:///C:/Users/mohamed/Desktop/%D9%88%D8%A7%D8%AC%D8%A7/showthread.php_files/C_laugh1.gif[/IMG] يربنا يتولانا احنا وانتم والزيت بتاعنا [IMG]file:///C:/Users/mohamed/Desktop/%D9%88%D8%A7%D8%AC%D8%A7/showthread.php_files/ma.gif[/IMG]

اقتباس:
احنا محتاجين نفرق بين مصطلحين كل منهما يعبر عن شئ مختلف، مصطلح "اللزوجة" ومصطلح"منحنى اللزوجة مع درجة الحرارة"

اللزوجة هى مدى مقاومة اى مائع(سائل او غاز) لتأثير اى قوة تغير من حالته يالحركة او السكون، وتقاس بعدة وحدات اشهرها السنتى بواز وتوجد طريقة اخرى لقياسها تسمى اللزوجة الكبنماتيكية وتقاس بوحدة تسمى السنتى ستوك

جميع الزيوت تتغير لزوجتها مع درجة الحرارة ولذلك فان مختبرات التوحيد القياسى مثل ايزو و SAE تقدم رسومات بيانية لمعدل تغير لزوجة زيت معين ، وهذا هو ما نسميه منحنى تغير اللزوجة مع درجة الحرارة، ويكون هذا المنحنى ثابتا لأى نوع من انواع الزيوت ويحصل كل زيت طبقا لاسلوب تغير لزوجته مع درجة الحرارة على رقم معين يمثل مرجعا للمنحنى الخاص به،
الرقم الذى نشاهده مكتوبا على علبة الزيت يمثل الرقم المرجعى لمنحى لزوجة هذا الزيت وليس قيمة لزوجته، يعنى مثلا لما نشوف زيت SAE 40 يبقى ده معناه ان علشان نعرف لزوجة الزيت ده كام سنتى ستوك فى درجة حرارة عشرين مئوية مثلا محتاجين نرجع لمنحنى الزيت رقم 40 فى مواصفة SAE


منحنيات تأثر لزوجة الزيوت مع درجة الحرارة تكون كلها بهذا الشكل (المنحى المرفق هو منحنى مواصفة ايزو ISO)

[IMG]file:///C:/Users/mohamed/Desktop/%D9%88%D8%A7%D8%AC%D8%A7/showthread.php_files/083_0301.gif[/IMG]

وهذا الشكل يمثل الزيوت احادية الدرجة ونلاحظ من الشكل ان جميع الزيوت ايا ما كانت درجتها تنخفض لزوجتها مع درجة الحرارة فمثلا نجد زيت احادى الدرجة أيزو22 تكون لزوجته 50 سنتى ستوك عند درجة حرارة 20 وتقريبا 2 سنتى ستوك عند درجة حرارة 100 فى حين ان زيت درجة أيزو46 تكون لزوجته 105 سنتى ستوك عند درجة حرارة 20 وحوالى 8 سنتى ستوك عند درجة 100 ، يبقى كدة عرفنا ان الزيت احادى الدرجة معناه ان له منحنى بيانى قياسى واحد يحدد لزوجته

ماذا عن الزيت متعدد الدرجات؟
الزيت متعدد الدرجات هو زيت تم اضافة مجموعة من الاضافات له لكى تحسن خواص استجابته للزوجة, وهذا الزيت لا يخضع للمنحنيات القياسية المتوازية التى نراها اعلاه وانما يخضع لمنحنى اخر خاص به اقل انحناء يتقاطع مع عدة منحنيات ولذلك يسمى متعدد الدراجات ،
والدرجات التى يسمى بها هذا الزيت تكونا عبارة عن درجة الزيتين احادييى الدرجة الذان يتقاطع منحناهما مع الزيت متعدد الدرجات عند درجتين حرارة ثابتتين ، مثلا 40 و 100 ، وهذا معناه ان الزيت المسمى 20 -50 يتصرف كزيت من درجة 20 عند 40 مئوية ويتصرف كزيت 50 عند 100 مئوية، وهذا يعنى ان ذلك الزيت يسير على منحنى خاص به يتقاطع منحنيات مع الزيوت احادية الدرجة ولا يوازيها

يقودنا الامر الى السؤال الأخير، هل الزيت متعدد الدرجات ترتفع لزوجته مع درجة الحرارة ام تنخفض

هنا دعونا ننظر الى هذه الصورة المنقولة عن مواصفات SAE و ISOالقياسية

[IMG]file:///C:/Users/mohamed/Desktop/%D9%88%D8%A7%D8%AC%D8%A7/showthread.php_files/OilViscosityClassifications.GIF[/IMG]

نجد على يسار الصورة قيمة لزوجة كل نوع من الزيوت عند درجتي حرارة هما 40 و 100
وفى المنتصف المساحة التى يشغلها كل نوع زيت سواء ايزو او SAE، لو خدنا مثال SAE لأن هو الشائع فى مصر ، وبصينا على SAE 20 هنلاقى ان لزوجته فى درجة حرارة 40 مئوية بتترواح من 35 سنتى ستوك الى 70 سنتى ستوك ، فى حين لو بصينا على زيت درجة SAE 50 فى درجة 100هنلاقى ان لزوجته بتترواح من 15 الى 20 سنتى ستوك، وده معناه الآتى انى لو عندى زيت متعدد الدرجات SAE20-50 فمنحنى اللزوجة بتاعه هيتقاطع مع زيت احادى 20 عند اربعين درجة مئوية فى نقطة تتراوح من 35 الى 70 سنتى ستوك، فى حين ان منحناه هيتقاطع مع زيت احادى الدرجةSAE 50 عند درجة حرارة 100 فى نقطة تترواح من 15 الى 20 سنتى ستوك، وده معناه ايه. معنها ببساطة ان لزوجة الزيت متعدد الدرجات انخفضت مع ارتفاع درجة الحرارة

طيب يبقى ايه الفائدة من الزيت متعدد الدرجات، الفائدة ان معدل انهيار اللزوجة مع درجة الحرارة اقل بكتير من الزيوت الاحادية، يعنى المنحنى بتاعه بيكون اقل انهيارا، زى المثال اللى جاى ده(انا رسمته بيدى فوق المثال الأول لتوضيح الفكرة)
[IMG]file:///C:/Users/mohamed/Desktop/%D9%88%D8%A7%D8%AC%D8%A7/showthread.php_files/viscosity2.GIF[/IMG]

هنا نصل للاستنتاج اللى هيرجعنا لأول كلمتين انا قلتهم بشان التفريق بين مصطلح اللزوجة ومصطلح منحنى اللزوجة

اللزوجة: جميع الزيوت احادية الدرجات ومتعددة الدرجات لزوجتها تنخفض مع درجة الحرارة
منحنى اللزوجة: رقم منحنى اللزوجة ثابت للزيوت احادية الدرجة ويرتفع مع ارتفاع الحرارة للزيوت متعددة الدرجة


[IMG]file:///C:/Users/mohamed/Desktop/%D9%88%D8%A7%D8%AC%D8%A7/showthread.php_files/viscosity3.JPG[/IMG]
الزيت اللي أنا أنصح باستخدامه:

و بما ان الزيوت يتتعمل من زيت خام أساسي اللي هو ال Base Oil

وبما ان جميع شركات الزيوت البترولية بها شركاء مستثمرين مصريين فان الدولة تفرض عليهم سحب حصة من الزيوت الخام لهيئة البترول المصرية التي تتصف زيوتها الخام بالجودة الأقل من أي زيوت أخرى

ويتم استخدام زيت هيئة البترول المصرية الخام في تصنيع الزيوت المعدنية فقط جميعا في مصر ما عدا زيوت كالتكس المعدنية فان زيوتها الخام تأتي مباشرة من دبي (شركة ميدور للبترول)

بالاضافة الى أن مواصفة زيت كالتكس هافولين API SL الذي هو أعلى مواصفة الشل الأصفر API SJ

وأن API SL في كالتكس تكافئ الزيت الشبه تخليقي Semi Synthetic في شل اللي هو الشل الكحلي الل بقولوا عليه بينغير كل 7500 كيلو


زيت كالتكس هافولين أحسن زيت في السوق في مصر النهارده بس مش واخد حقه في التسويق

وللعلم شركة كالتكس في مصر واخدة تصريح من شركة شيفرون أمريكا (وشيفرون ده زيت ماحدش لسه سمع عنه في مصر)
وكالتكس أصلا شركة أسترالي

الموضوع منقول للاهمية