معروض عليا عربيه كوردوبا 2006 فابريقه دواخل عامله 50000ك كامله مانيوال كنت عايز اعرف السعر المناسب ليها وايه عيوبها ومميزاتها علشان مش لاقي حد راكبها ولا عارف اجيب معلومات عنها
ياريت اللي يعرف مايتاخرش وجزاكم الله خيرااااااااااااا
عرض للطباعة
معروض عليا عربيه كوردوبا 2006 فابريقه دواخل عامله 50000ك كامله مانيوال كنت عايز اعرف السعر المناسب ليها وايه عيوبها ومميزاتها علشان مش لاقي حد راكبها ولا عارف اجيب معلومات عنها
ياريت اللي يعرف مايتاخرش وجزاكم الله خيرااااااااااااا
اهلاً بيك معانا
الحقيقة انت ماذكرتش حاجة عن حالتها و خصوصاً ان عدد الكيوات كتير اوى عموماً السعر فى المتوسط لهذة العربية بالذات بين 75 الى 80 حسب الحالة
و بخصوص المميزات و العيوب أسأل حضرتك انت عايز تعرف اية بالظبط و انا هاجاوبك إن شاء الله .
حالتها المفروض ممتازه بس انا لسا هاشوفها بكره ان شاء الله
انا بسال عن توافر قطع الغيار واسعارها(غاليه ولا رخيصه) السحب -التكييف مع ال 1400-الميكانيكيين بيفهمو فيها ولا اروح التوكيل-لو فيها اعطال متكرره او معروفه-وفي الاخر انت شخصيا تنصح بايه؟معلش هي شكل ال 2006ةهو نفس شكل ال2008؟
وجزاك الله خيرا
بص اعتقد يا m انى فهمت قصدك
شوف لو على عربية هاتصونها و نيتك تستمر بيها ...مش هاتعرف تركب عربيات تانى غير البى ام
لو مش هاطول و نيتك تغير قريب ..أولاً مش هاتعرف ..ثانياً ما انصحكش .
معلش انا تاعبك معايا بس انت وقعتلي من السما انت بردو مارديتش علي السحب وقطع الغيار والتكييف مع ال1400 واذا كان الميكانيك بيفهمو فيها وو ................
اه معلش والشكل بتاعها هو نفسو ال 2008 ولا لأ
يا سيدى لا تعب ولا حاجة ..بس انا جاوبتك لو خدت بالك (البى ام )
كل اللى بتسأل عنة دة فى التمام اوى اوى اوى
و الميكانيكية بيفهموا فيها ..بس بلاش كتير
و بدام 2006 يبقى كمل مع التوكيل احسن كتير
والشكل بتاعها متغيرش .
عاجز عن الشكر
يا m العفو انت تأمر
بس ماتستعجلش و متخليش حلاوة العربية و جاذبيتها تبعدك عن فحص حالتها
ولما تشوفها قلى عملت اية
وقبل اى حاجة ..ابتدى فى عمل استخارة من دلوقتى .
ربنا يوفقك إن شاء الله .
انضم لاخي و حبيبي سيات لوفر الكوردوبا عربية ممتازة علي مر الموديلات من اول كوردوبا 96 لحد 2008 و الشكل بتاع 2006 هو 2008 و العربية ممتازة حمولة جدا متنساش انها موتور و عفشة و فتيس و شاسية الماني 1400 سي سي حلو بنزينها معقول مساحة الشنطة 450 لتر كبيرة انا شفتها التقفيل بتاعها زي الفل مفيهةش غلطة قطع غيار متوفرة و يا ريت تكمل مع التوكيل يكون احسن و حتي لو كملت بره اي ميكانيكي بتاع ابيزا بيفهم فيها و لو احتجت قطع غيار او ميكانيكي انت تأمر يا مين انما العربية زي الفل و سحبها حلو
Ibiiiiiiiiiiiiiiiiiiiiiiiiiiiiiiiiiiiizzzzzzzzzzzz zzzzzzzaaaaaaaaaaaaaaaaaaaaaaa For Ever
الحقيقه انا عاجز عن الشكر لاهتمامكم وسرعة ردكم انا شفت العربيه النهارده وسقتها بصراحه هي بسم الله ماشاء الله تحفه بس المشكله دلوقت في السعر هو طالب 75 مع ملاحظة ان العربيه مانيوال بس واحد صاحبي بياكدلي انو سعرها المفروض مايزيدش عن ال 70 خصوصا انها راشه بره
يلريت تكملو جميلكو وتاكدولي احسن سعر ليها شرا يبقي بكام؟
اية يا mm الموضوع الجديد اللى انت قلتة دة (رشة برة )
اذاى ...منين ...كيف
ولا يكون قصدك رشة حتت او اجزاء
ياريت تقولى كل التفاصيل .. كدة الموضوع يفرق كتير اوى و ممكن اقولك بلاش
اللي راكبها نزيه شويه وانا عارف البوهيجي اللي رشهالو هي كان فيها خدوش بس صاحبها لانو ماكانش ناوي يبيع فقام رشها نضافه لكن قضاء وقدرا هو مسافر بره فعلشان كده هيبيعها هي بالظبط رشه اكصدام امامي واجزاء تعتبر زي حزام كده
بس مش مخبوطه
المفروض انى اخلص بكره الصبح ان شاء الله ياريت اصحي الاقيكم كتبينلي كل احتمالات الاسعار وشكرا جزيلا لكم
مش شايف ان كل دى صدف صعبة شوية تتجمع مع بعض
دة قضاء وقدر ...غريب اوى !
مش للدرجه دي
بس بردو ماقلتليش السعر ولو عايز تقولو علي الخاص حتى نو بروبلم بس ياريت متتاخرش
انا مش شايف ان السعر ده غالي عادي 75 حلو و طالما مش مخبوطة خلاص اتوكل علي الله العربية زي الفل و تمام بس طبعا لمصلحتك انت شوف اخرها معاه كام لكن السعر ده حلو بس لمصلحتك برضه فاصل معاه 72 مثلا و ربنا يوفقك و اي خدمة معاك فس ميكانيكي او قطع الغيار الاصلية الراجل بتاعي مبيجيبش غير الاصلي
Ibiiiiiiiiiiiiiiiiiiiiiiiiiiiiiiizzzzzzzzzzzzzzzza aaaaaaaaaaaaaaaaaaaaaaaaaa For Ever
شكرا لردك واهتمامك ا محمد بس يظهر ان سيات لوفر كان عندو حق عن طريق الصدفه البحته اكتشفت ان العربيه كانت عامله حادثه وانو هو والبوهيجي بتاعي كانو متفقين عليا بس ربنا ستر لانى انا كمان مش ميح صحيح مابفهمش في السيات انما بفهم في العربيات عموما والبويه بالذات غير ان اتحكالي حكايه غريبه عن ان العربيه دي كانت عليها اوفر لود فمش عارف ايه ولع من تحت المكنه فحرق الفبر وعلبة الشكمان وانهم عالجو الموضوع ده بره التوكيل مش عارف كلفهم 800ج المهم الدروس المستفاده
1- انا باشكر الاخ سيات لوفر انو وجهنى لصلاة الاستخاره بصراحه ماكنتش في بالي مش عارف ليه وبصراحه انا حاسس ان ربنا ماوفقنيش انى اعرف التاريخ بتاع العربيه رغم ان الصنايعي بتاعي كان بايعنى لو الا بسببها
2-نفسيتى بقت زي الزفت ورايي ان كل الناس نصابين الي ان يثبت العكس وقررت انى اشتري زيرو لانى ماعدتش اامن لاي نصاب من بتوع المستعمل
3- الحمد لله حمدا كثيرا كما ينبغي لجلال وجهه وعظيم وسلطانه
وجزاكم الله كل خير