عاوز أشتري شنطه سفر جامده و مش غاليه !!

السلام عليكم
مافيش حد لسه جايب شنطه سفر ينصحني بيها:cool (1):

عليك و على شارع عدلي

كنت هادخل باردو واقولك على وسط البلد او فى المهندسين سور سينما سفنكس بس لقيتك من اسكندريه

العتبه - شارع عبدالعزيز

التوحيد والنور عندهم تشكيلة كبيرة واسعارهم كويسة
بتضايق من المحلات اللي ترفع في السعر وتقعد تفاصل معاهم
التوحيد والنور مريح للاعصاب

السلام عليكم ورحمة الله و بركاته

أنا اللى أعرفه أن كوووووووووووول شنط السفر اللى فى مصر, صينى و بالتالى و أنت بتدور على شنطة سفر , لازم تكون طبعا بعجل عشان سهولة الحركة و لو لقيت واحدة من نوع SUMMIT يبقى ممتاز أوى, لأن الشنط اللى من الماركة دى أنا كنت لقيتها فى السعودية و جبت منها الكبيرة و المتوسطة و ما شاء الله, شنط أكتر من راااااااااااااااااائعة و العجل بتاعها ممتاز و قوى و بيستحمل جدا جدا :verygood:.

أنا متهيألى أنك لو دورت فى شارع عدلى و عبد العزيز و وسط البلد فى القاهرة , أكيد هتلاقى عند التجار منها :bravo:.

فيه ماركة اسمها three m
انا بحبها

الشنطة اختار فيها
وزنها مش تقيل
تخللى البائع يفتح جوة الشنطة ويفك الكفر البلاستيك اللى بيبقى مبطن ليها لان غالبا بيكون ليه سوستة وده الافضل
بعد الفك هتلاقى شاسيه الشنطة - مالوش نمر - هتلاقى انه
فيبر
او فيه شريط معدن لافف جسم الشنطة كله وده الافضل ، ده اسمه شاسيه معدن
فيه حاجة تانية اسمها منفاخ وده بيكون سوسته تفتحها تؤدى لزيادة ارتفاع الشنطة

ولو عايز حاجة شيك جدا وغالية جدا جدا هتلاقى فى الاسواق الحرة

ياريت حد يقولنا على الاسعار

المقاس الصغير وده تروللى
من 100 الى 140
حسب الماركة

بوص نصيحه
لو بتسافر كتير والشنط بتتبهدل
الشنط الصينى دى مش هتعمر معاك
انا عشان بسافر كل اسبوع طوااال السنه
جبت شنطه اديداس
مبهدل فيها ومطلع عنيها
وبقالها 4 سنين
وزى الفل
بس اتبهدلت شويه وفيه سوسته باظت
هى هتبقى اغلى شويه بس بجد معمممممره