الموضوع: العربيه اتخبطت قدر الله وما شاء فعل

السلام عليكم
امبارح كنت في طريقي للكليه كالعاده وماشي في شارع رايح جاي عربيه ميكروباص دخلت فيا من اليمين اخدت معاها الكبوت من اليمين والباب اليمين النتيجه بقي :-
1 - الرفرف اليمين اتدمر
2 - الكبوت اتعوج من اليمين جامد اوي والسمكريه مش عاوزين يشتغلوا فيه
3 - جنوط العجله اليمين امامي اتدمر
4 - مقص العجله اليمين
5 - مساعد العجله اليمين
6- كشاف امامي يمين
7 - الباب الامامي يمين وفي سمكري من اللي لفيت عليهم بيقولي انه مش هينفع
8 - خرطوم الهوا بالعلبه بتاعته وقعوا من العربيه
9 - شرخ في الزجاج الامامي
10 - الاكصدام الامامي اتدمر
11 - شاسيه العربيه اتلوح ناحيه الشمال من شده الخبطه
12 - الباب الشمال امامي بيحك مع الرفرف الشمال ودا كان مؤشر ان الشاسيه اتلوح
طبعا العربيه مكنش ينفع تمشي ( مكنه العربيه شغاله كويس )
جبت ميكانيكي وروحنا اشترينا عفشه يمين استيراد اتكلفت 330 جنيه وميكانيكي مصنعيه 80 جنيه علشان العبيه تمشي بدل تكلفه الونش
ولفيت علي السمكريه والي كان رايهم كالاتي
اول واحد :- الكبوت ممكن امشيه بس هيخلي منظر العربيه مش كويس ويستحسن تجيب واحد استيراد وطبعا كشاف واكصدام و هنجنزر العربيه علشان نستعدل الشاسيه ومش قال مصنعيته كام
ثاني واحد :- قال هاخد الف ومش هستخدم الكبوت دا وهاتلي واحد جديدي والباب هستخدمه عادي
ثالث واحد :- قال هاخد الف و 700 جنيه شغل بس ومش هستخدم الباب ولا الكبوت
ياريت تفيدوني في اسعار الحاجات دي جديده ومستعمله مع العلم
في حد بتاع استيراد قالولي ان الرفرف مستعمل يعمله حوالي 180
ولو في حد اتعرض لموقف مشابه يقولي اعمل ايه؟؟؟؟؟؟؟؟؟؟؟؟؟؟
والشاسيه دا اللي اتعوج حله النهائي ايه

قدر الله وماشاء فعل
وفى ورش كتير فى الزقازيق وشغلها ممتاز لو تقدر تيجى اظبطلك المشوار دا
وحمد لله على سلامة حضرتك مرة تانية