عرض للطباعة
انا مستغرب جدا ان مافيش ولا واحد من اللى راحوا المعرض جاب سيرتها!!!
هو فى حد شافها اصلا غيرى؟؟؟؟
العربيه خرافه بكل المعانى...عربية وزير!
كانت لسه واصله من فرنسا ع المعرض على طول بحسب كلام مندوب بيجو
التسعير هايكون على اول فبراير..وفى حدود 300 الف
العربيه 1600 سى سى 156 حصان
جلد من جوه زى الفولفو الجديده..تابلوه وهمى وهمى
اى حد عنده معلومات؟؟
فعلا البيجو مظلومه جدا اليومين دول فى البلد بسبب السمعه السيئه جدا لوجيه اباظه و دى سمعه مكتسبه عن جداره
بس انا حاسس ان التوكيل الجديد هيعمل شغل كويس و ربنا يسهل لان انا من عشاق البيجو
العربية دي هتحل محل ال 407 وال 607 مرة واحدة, بمعنى إن مفيش 608 أو 408, هي ال 508
في عربية اسمها 408 موجودة بس دي خاصة بالسوق الصيني فقط
و كلام الراجل بتاع المبيعات إنها لسة جاي طازة ده صحيح عشان لحد شهر سبتمبر ماكانتش حتى نزلت في فرنسا
و استهلاك البنزين رائع بالنسبة للحجم , 300km/صفيحة حسب موقع بيجو فرنسا
Peugeot 508 berline
بالنسبة لوجيه اباظة فـهو للأسف قتل العربية في مصر لما جاب عربيات زبالة من ايران و قال لك دي بيجو, خلى الناس كرهت العربية و افتكرت إن اللي بيجيبوا ده فعلا له علاقة بالشركة الفرنسية العريقة
عربيه ملهاش حل
رهيبه
http://img2.netcarshow.com/Peugeot-5...llpaper_01.jpg
http://img2.netcarshow.com/Peugeot-5...llpaper_0d.jpg
http://img2.netcarshow.com/Peugeot-5...llpaper_13.jpg
http://img2.netcarshow.com/Peugeot-5...llpaper_17.jpg
http://img2.netcarshow.com/Peugeot-5...llpaper_19.jpg
لو سعرها 300 الف اوتو يبقى هتنافس الباسات جاااااااااااااامد جدا جدا
انا مش متفق معاك
لو ب 300 الف يبقى بتموت نفسها لآنها بتدخل فى صدام محسوم تماما للمرسيدس c180
مافيش فى مصر مخلوق هايدفع 300 الف فى بيجو ايا كانت ويسيب المرسيدس لكل العوامل النفسيه والعصبيه الموجوده
وكمان ال 300 الف مالهاش دعوه خالص بالباسات!! الباسات ب 215 او 260 هاى لآين!! ومستحيل البيجو دى تبقى ب 220 او حاجه كده
والمشكله كمان ان فئه ال 250 -280 الف هتتحجز نقريبأ للفولفو ال s60 الجديده بيسك وهاى لاين
يبقى امل البيجو الوحيد انها تنزل ب 250-280 عشان تنافس الفولفو...وهنا ممكن تكسب بسبب ندرة الفولفو وسمعة قطع غيارها المولعه ناااررر....بس ارجع واقول 250-280 دول قليل عليها!! وهى فعلآ توبها 300
محتار... بس كلها 10 ايام ونعرف
هو فى توكيل جديد؟؟؟ ممكن تفاصيل أكثر من فضلك؟اقتباس:
المشاركة الأصلية كتبت بواسطة gobeltoffire
+1111111111111111اقتباس:
المشاركة الأصلية كتبت بواسطة nile heart
كده الواحد زعل عالعربية لان فعلا كده انسى إنها هتتباع .... هي كانت يادوب تبقى في حدود من 230 ل 270 ألف بالكتير قوي يعني نفس رينج الباسات وكانت كمان مش هتتباع جامد لإن فيه ناس كتير هتفضل الألماني إنما لو كانت نازلة بأوبشنز أعلى من الباسات كانت ممكن تشجع الناس إنها تجيبها إنما كده انسى يعني ده أنا نفسي اللي باعشق البيجو طبعا هتقولي 300 ألف أقولك مرسيدس c أو بي ام 318
بس يجماعه انتو مش واخدين بالكم ان العربيه 508 يعنى فئه اعلى بكتير من ال c class
دى فئه ال e class & 5 series
وكمان نازله بماتور 156 حصان و 1600
وشكلها وهمى
واحلى من الباسات واعتقد احلى من الباسات الجديده كمان بكتيييير
أنا معاك يا باشا ونفسي فعلا البيجو ترجع زي زمان كده وتبقى موجودة ومنتشرة بس هي دي مصر وهو ده الشعب المصري مادام معاك 300 ألف وإنت طالع خلاص يبقى يا مرسيدس يا بي ام غير كده انسى وبعدين ده غير إن الفرنساوي في مصر دلوقتي بقت الناس بتخاف منه عشان التكنولوجيا اللي فيه والاشاعات إنها عربيات بتعطل كل نص ساعة وملهاش إلا التوكيل ... فـعشان كده أنا بأقول إن دى لو بقت بنفس سعر الباسات يادوب هتتباع لو فيها أوبشنز أعلى وعشان فعلا شكلها أحلى كتير قوي من جوه وبره زي ماحضرتك بتقول ... إنما غير كده أي واحد هيقولك لا يا عم اجيب باسات أحسن الماني و مضمونة إنما الفرنساوي كله مشاكل مع إني شايف الناس هي اللي بتهين الفرنساوي على أساس إنه زي ال 504 بتاعت زمان وفي الآخِر يقولك العربية تعباني :beated: ... مع إنه لو حافظ عليها شايفها هتبقى زي الألماني وزي الفل :verygood:اقتباس:
المشاركة الأصلية كتبت بواسطة blazer
اقتباس:
المشاركة الأصلية كتبت بواسطة blazer
يمكن الكلام نظريأ صح
بس اسمحلى اسالك سؤال واحد...
انا هاحط فى ايدك 300 الف بكره واقولك روح اشترى العربيه اللى انت عايزها
بامانه كده... هاتجيب ايه؟
فكر بهدوء قبل ما ترد
طبعا بدون تفكير حتى هجيب المرسيدس ال c180 حبيبتى !!اقتباس:
المشاركة الأصلية كتبت بواسطة Nile Heart
ال 508اقتباس:
المشاركة الأصلية كتبت بواسطة nile heart
الناس اللي بتتكلم علي ال c180 أكنها واااو..
تعرفو أنها مفهاش باركنج سينسور ؟؟ ولا ebd ؟؟ ولا شاشة led أو lcd زي الباسات؟؟ ولا فتحة سقف عادية.
الحاجات اللي بتكون أصلاًستاندرد في الموديلات الكاملة من البيجو.
التابلوة والدركسيون بلاستيك خفيف جدااا زي بتاع الانسر.
مع أحترامي للمرسيدس وحبي ليها برضه,
أنا لو معايا 300 الف هجيب بيهم البيجو من غير ما أبص علي المرسيدس اللي عايزة تبيع لي عربية كارو ب 300 الف عشان عليها بس علامة مرسيدس..
أنا أما كلمتهم عشان كنا بنقارن بينها وبين عربية تانية قالي لو عايز باركنج سينسور وباقي الكامليات خد ال c250 فيها الكامليات دي..
قلت له طب مفيش من ال c180 كاملة ويكون فيها الحاجات أخدها من عندك أو تعملي بيها أوردر لانها موجودة بره دي قالي لأ.!!
قلت له ما الخليجي منها موجود في السوق و فيه الباركنج سينور وفتحة السقف وكل الكلام دا, قالي بس من غير ضمان لو طلع لك مشكلة في الجيربوكس ولا الموتور هتشربة أنتا..
بقولة عاملة كام ال c250 قالي 420 ألف.
صباح الفل.
متقارنوش ال c180 ولا ال 318 بالبيجو 508 لأنهم مش من الفئة بتاعتها..
معلش هو حضرتك ركبت ال 508 وفحصتها فين عشان تعرف اللى فيها؟ ده لحد اليوم المعارض بتاعت بيجو نفسها لسه ماحطتهاش...وقالولى هاتتسعر على شهر 6
أنا مش محتاج أركبها عشان أعرف اللي فيها.
وبيجو تحط أو متحطش اللي بيقولوة بيبقا حاجة.. و اللي بيروحو يجيبو بيجو بتاعتنا حاجة تانية.
العربية دي أصلا المفروض تنزل Hybrid لكن اللي هتنزل السنة دي 2011 هتكون بموتور ديزل أو بنزين.
النسخة الهيبرد هتنزل في 2012 مش السنة دي خالص.
وال 150 حصان اللي بتتكلم عنهم دول مش هيكونو غير في ال 1600 تربو مش العادي..
ولو هتكون ب 300 الف تبقا فوق الممتازة.. أما لو اللي مش تربو يبقا Fair جدااا السعر دا عليها.!
وواضح ان النسخة Panormana منها هيكون فيها دراعات فليبرز للفتيس ورا الدركسيون ..
ودي لا هي موجودة في ال C180 ولا حتي ال C250 ولا ال BMW الفئة التالتة بكل موديلاتها من ال 318 لل 335I
وعشان سؤالك ليا أذا كنت ركبتها عشان أعرف اللي فيها,
في أختراع أسمع Youtube ممكن تشوف منه العربية عاملة أزاي..
دي هتعرف منه الحاجات اللي قلتها لك فوق من الفليبرز و ضيف عليها حساس المقبض اللي بيقفل العربية والمرايات
YouTube - â–؛ 2011 Peugeot 508 - Promo
ودا للكراسي واللي مش موجود برضه لا في ال C ولا البي أم
YouTube - â–؛ 2011 Peugeot 508 - INTERIOR
ياريت بس تهدى نفسك شويه وبلاش الكلام اللى من عينة "فى اختراع" والكلام ده..مالوش اى لازمه
اما موضوع الدراعات اللى ورا الدريكسيون فده هو اللى مش اختراع ودول موجودين ف الفولفو ال s60 اللى لسه نازله و ب 248 الف بس وكمان الشبابيك والمرايات الضم بتقفل مع السنتر ..ودى انا جربتها بنفسى
وعلى فكره الفولفو دى تربو و 180 (مائه وتمانين) حصان!! وفيها نظام التوقف الاوتوماتيك ..لما بتقفل السنتر من الريموت الازاز بيترفع والمرايات بتنضم اوتوماتيك..
أنا عن نفسي هجيب ال 308 وآخد الباقي في جيبي :w6266d:w6266d
هههههههههههه احلى حاجه العالم دخلت مبارة مع نفسها وفى الاخر لا العربيه دى نزلت ولا الاوبشنز ده نزل ولا هاينزل اصلا فى اى دوله عربيه لا انه با اختصار ديزل انا اقصد الموديليت دول (gt وhaybierd) والحمد لله ادينى صبرت واشتريت 508 موديل 2015 اللى اصلا فى فرنسا وفى اوروبا موديل 2014 ومش عاوز الشكل الجديد اللى شكله بقى 308
لا وايه خليجى وفل اوبشنز ودلع اما الشكل الجديد بيقولو قال ايه خففو الشاسيه علشاان التسارع والاشه بقت تاتش والشكل الخلفى بقى له صدام ارجع واقول لالا الشكل الحالى الامامى اشيك والعربيه راسيه جداا وبكرة افكركم وهنا فى المنتدى كله هايندم ويقول ياريت اخدنا الشكل القديم
الف مبروك عالعربيه ال ٢٠١٥ بس انت ناوى تنزلها مصر ولا استخدام فى السعوديه بس ؟اقتباس:
المشاركة الأصلية كتبت بواسطة chef
بيجو فرنسية وكفاية الصفة دي ولو اي زميل سافر برة هيعرف معني فرنسي نكتة السيارات بلا منازع مهما كان الاوبشن المتاح والكماليات صيانة صعبة وتعقيد بلاداعي
تابعت المشاركات كلّها, وفعلاً على الرغم من ان العربية خيال فوق الوصف, لكن لو ال 300 الف في ايدي هيصعبوا عليّا فيها بصراحة :(
يا جماعه الموضوع ده قديم من 2011
والعربيه دلوقتى بعد ما غليت بقت 272
هههههههه سبحان الله
هى الناس كانت متوقعالها ليه 300 الف في 2011 !
هى نزلت وقتها فئتين بـ 180 و 240 تقريبا صح ؟
210 و 240
فعلا نزلت ب 210 و ب 240