تقرير صيانة 40000 كم للجين تو

جين تو مانيوال 2009

اسلوب قيادة عادى اوقات هادى واوقات بجرى ....الطرق تقريبا نصها دايرى ونصها داخل القاهرة

ماقبل الصيانة

فى صيانة 30000 كم كنت حطيت زيت موتور فيسكو3000 ...أنا دايما كنت بحط شل الترا ...بس انا بحب اجرب ...تيل الفرامل كان لسة مخلصش فمغيرتوش ساعتها

كان فى بعض المشاكل

صوت خبط وكركبة من قدام فى الطرق غير الممهدة

صوت تزييق عند الطلوع والنزول من المطبات الصناعية

تيل الفرامل الامامى خلاص لازم يتغير – هى كانت بتفرمل كويس بدون اى اصوات بس كشفت عليه لاقيته خلاص جاب اخره

لمبة الصالون اتحرقت

صيانة 40000 كم

عملت الصيانة فى مركز الخدمة الجديد عصام صفا

كل الزيوت والفلاتر والبوجيهات بتتغير وتربيط للعفشة

اخدت معايا وانا رايح تيل الفرامل.... اشتريت بوش ايطالى...كنت كلمت م احمدعلى وقاللى انه استخدم تيل مايلى المانى وهو كويس....بس ماكنش موجود....فاشتريت البوش ده ( لازم جزيل الشكر والعرفان لنجم منتدى بروتون المهندس عبدالرحمن على التوبيك بتاع تيل الفرامل )

زيت الموتور أخدت معايا فيسكو5000 علشان تجربة الزيت تبقى كاملة

الحمدلله تمت الصيانة على خير والمركز الجديد ناس محترمين وذوق جدا ....وكان فاضى لانى روحت يوم الاحد

تم تغيير الفلاتر والزيوت وتم تربيط العفشة وتركيب البوجيهات (ان جى كى يابانى)

الحمدلله اصوات الكركبة راحت كلها وصوت التزييق فى المطبات كمان راح (تربيط العفشة مهم للجين تو ...واعتقد كل 5000 يبقى احسن) ...

اكتشفو وجود تسريب زيت فى المساعد الشمال الامامى ( وكلمو التوكيل وقالهم فى الضمان وان شاء الله هابقى اروح اغيره )

صوت الموتور هدى خالص...كان عالى شوية

السحب اتحسن كتير والعربية فاقت

غيرولى لمبة الصالون (هدية من المركز)

كل الشكر للمركز والعاملين به على حسن المعاملة والاستقبال وتنفيذ المطلوب

تجربة زيت فيسكو 3000

الزيت ماشاء الله كويس مافيهوش اى حاجة....درجة الحرارة كماهى....الحقيقة ماشمتش اى روائح ولااى حاجة ...موضوع اللزوجة ولون الزيت الصراحة مابفهمش فيه ولكن ملاحظتش اى تغيير غير فى اللون....وعلى الاساس ده قررت انى اجرب زيت فيسكو 5000

بخصوص جى جى بقى كل مابسوقها اكتر ....حبى ليها بيزيد واحترامى ليها بيزيد...

شكرا ليكوا ....وربنا يباركلنا فى عربياتنا ويحفظنا جميعا من شر الطريق

وكل جمعة وأنتم بخير ...

.

مبرووووووووووووووك وعقبال صيانة ال 100000

ألف مبروك الصيانة يا أستاذ مصطفى, و عقبال صيانة ال 100,000 إن شاء الله.

وطبعا أكيد جيجي في القلب, ههههههه.

تحياتي

مبرووووووك من الاعماق والى الامام وبالتوفيق يارب

مصطفى باشا
الف مبروووك على صيانة ال 40 الف وعقبال صيانة ال 400 الف
وربنا يحفظنا جميعا من شر الطريق
خالص تحياتي

الف مبروك يا جميل و عقبال كل صيانه تكون مبسوط كدا يا رب

الف مبروك ع الصيانة وان شاء الله دايما مبسوط ..

1000 مبروك الصيانة الموفقة ا. مصطفى وربنا يحفظهالك ويباركلك فيها

ألف مبروك يا باشمهندس
لو ممكن حضرتك تقولي دفعت كام بالتفاصيل عشان انا كمان رايح اعمل صيانة الـ40 قريب ان شاء الله

برووووووووووووك يا باشا و عقبال صيانة المليون

اقتباس:

---

المشاركة الأصلية كتبت بواسطة أبومريم

ألف مبروك يا باشمهندس
لو ممكن حضرتك تقولي دفعت كام بالتفاصيل عشان انا كمان رايح اعمل صيانة الـ40 قريب ان شاء الله

---

+1111

و اخبار التيل معاك ايه ؟؟ انا لازلت معجب جدا بالـ Maylee :36_3_10[1]:

1000 مبروك يا هندسة و ربنا يباركلك فيها و يزيد حبك ليها أكتر

الله يبارك فيكو جميعا ...متشكر جدا وعقبال صيانة 1000000 ليكو كلكو

اقتباس:

---

المشاركة الأصلية كتبت بواسطة أبومريم

ألف مبروك يا باشمهندس
لو ممكن حضرتك تقولي دفعت كام بالتفاصيل عشان انا كمان رايح اعمل صيانة الـ40 قريب ان شاء الله

---

الله يخليك ويبارك فيك

بص ياسيدى

التيل 350 (جبته معايا )
الزيت فيسكو 5000 ب 225 او 220 مش فاكر بالظبط (جبته معايا)
الصيانة فى المركز 970 (شامل الزيوت والفلاتر والبوجيهات)

اقتباس:

---

المشاركة الأصلية كتبت بواسطة ahmed.ali

+1111

و اخبار التيل معاك ايه ؟؟ انا لازلت معجب جدا بالـ maylee :36_3_10[1]:

---

باشمهندس احمد

التيل لغاية دلوقتى .....ممتاز جدا...ولا صوت وبيفرمل كويس (10/10) ....زى التيل الاولانى بالظبط..يمكن حاسس انه افضل كمان علشان لسة جديد ......واعتقد كده بقى فى خيارات كويسة اوى بخصوص التيل

شكرا ليك ياباشا

وشكرا تانى لنجم بروتون ربنا يرجعة بالف سلامة المهندس عبدالرحمن هو و ايمووون حبيب الملايين