استفسارات مع الفيرنا والصيانة !
ازيكم يا شباب
اخباركم ايه؟
كنت عايز اعرف ايه العلامات اللي عندها اغير تيل الفرامل ؟!
يعني الاشارات اللي تقول ان التيل خلاص انتهى ومحتاج تغيير ؟!
وكمان عايز اعرف امتى الكوبلن يحتاج تغيير ؟!
ايه علاماته برده؟!
والدبرياج امتى كذلك؟!
وهل التيل لما يتغير يتغيرامامي وخلفي مع بعض واللا حسب حالته ؟!
وفرامل اليد هل التيل بتاعها منفصل واللا مع التيل الخلفي واللا ايه نظامه بالظبط؟!
الكلام على فيرنا 2010
انا حابب اعرف اشارات بداية انتهاء كل حاجة عشان العربية متجيش تقف مني مرة واحدة وكمان عشان الفرامل متعملش حاجة مع الواحد مش ناقصين مصايب في الطريق
وسؤال كمان
بالنسبة للصيانة بتاعة التوكيل هي المفروض كل 5000 كم
لو انا هعملها كل 10000 كم هل فيها مشاكل بالنسبة للعربية؟!
يعني قصدي هل فيه حاجة تستدعي صيانة كل 5000 كم في العربية انها تكون ضرورية اوي؟!