انا هاكلمك على تغيير نور العدادات علشان عملت الموضوع دا في عربيتي السفيا (قبل ما ابيعها)..بص ياسيدي..الموضوع دا سهل جدا بس المشكلة إنه مش هايعجبك بعد ما تعمله اقول ليه في الآخر..
اولا هاتفك العدادات..هاتلاقيها طلعت كلها كوحدة واحدة (علبة واحدة) وبعدين هاتلاقي في خلفها اللمض راكبة في دويان (جمع دواية) والدويان عبارة عن قواعد بلاستيك للمض..هاتلاقي اللمض إللي راكبة كلها 5 وات زي نور الشمعة في الفوانيس..غيراها بليدات باللون إللي انت عايزة..بس خلاص..
العيوب بقى..خد عندك..ورقة العدادات (او ستيكر العدادات) تتحكم ايضا في اللون المنبعث..واللمض الأصلية هاتلاقي عليها زي حتة كاوتشة للتحكم في تشتت اللمبة..في حين إن الليدات مافيهاش الكاوتشة دي فهاتلاقي حتت على عداد السرعة مثلا نورها كتير وحتت ضعيفة!!!!...ولو نزعت الكاوتشة سليمة من فوق اللمبة الاصلية وركبتها على الليدات هاتلاقي نور الليدات بقى ضعيف جدا جدا
طيب الحل..الحل إنك تغير روق العدادات بورق ملون بالشكل إللي انت عايزة مع الاحتفاظ باللمض الأصلية..ودا بقى موضوع مش سهل خالص إنك تعمله نظرا لصعوبة الحصول على الخامات المعمول منها ورق العدادات التي تستحمل الحرارة الشديدة..يعني من الآخر لازم تشتري ورق عدادات جاهز للأوبترا من النت وتريح نفسك علشان تعمل شغل نضيف
المفضلات