بدايه الجري سيراتو كوبي و فرنا و يارس و كورولا الشكل القديم

**M.Akef** · 21-01-2011 03:34 PM

السلام عليكم
الحقيقه يا شباب انا نازل امبارح ليله الخميس لقيت العداد 887 الحقيقه قلت مش هستحمل اقضي الليله من غير ككات و من عند 700 كيلو اصلا حسيت ان الموتور نعم اكتر من الاول(دا بجانب اني سمعت التليين 1500 و 2000 و 3000 لكن نفض)
طلعت جربت الكيك قلت جميله ال2 هادي شويه بس كل العربيات كدا و مع الفتح مش هيعجز ان شاء الله
قبلت صحبي بفرنا 1.6 2004 اوتو جربها و قال ربنا يبارك لك جميله و قلنا نجربها علي الدائري طلعنا و قبلنا سيراتو كوبي سخن لوحده جريت الكوبي احسن مني مع اني مجرتشي معاه الا لحظات بس كنت حاسس بسحبت العربيه لكن دا كان 3 كيك اديه للعربيه اصلا و ان شاء الله هتتحسن و بردو طلعت منه غرز و محيته من حساباتي و استنيت صحبي علي ما جالي هو كمان و الطريق بقا فاضي و دسنا الكيك احنا الاثنين علي 60 كدا و هو شغل الاوفر دريف طلع ادامي بعربيه او عربيتين لحد 130 كدا و انا قربت منه و تجاوزته عند 140 و الفرق بيذيد بستمرار طبعا انا كنت مرعوب لانه لما كان ادامي كانت عربيته بحس انها مشيه علي عجلتين علي الملفات عكسي طبعا انا مرفعتش رجلي من علي الكيك علي اي ملف و عند المطبات كنت بهدي ادمها بمفيش حاجه بسيطه و انزل للصفر ربنا يبارك لي فيها العربيه مساعده الواحد بردو

الكورولا هو كان غشيم اوي و كان بياخد المطبات طياران اصلا شكل العربيه يدي انها 1.6 لكن جريتها مش اد كدا و الموتور بتعها حشن اوي مش صوت عربيه فيقه خالص و الشغل الي فيها ميدلش علي صوت موتورها خالص عموما كنت معاه بس كان اغلب الطريق غرز فالمكن متكلمشي اوي و انا طبعا بطير تجاه المطب و اهدي ابله علطول و انا بخده هادي الاقيه طاير من جمبي بمعني كلمه طاير شويه و هيركب جناحات!!

و اخيرا كانت اليارس منيول و بردو بتاعت صحبي دي كانت جوه البلد انا طول عمري بعشق جريت العربيه دي و هي فعلا كانت صاروخ جرينا خفيف الاول و بعدين هو سقط 2 و حرق عليه و كان بيبعد عني بطريقه ملحوظه عربيه صاروخ فعلا حسسني بالعجز بس جايز لما افتح العربيه تقول حاجه معاها لان انا لما جربتها العربيه مش بتهدا ابدا و ناقل لل5 عند 185 ولله نزاها عوزها تهدي بس و هو صحبها بيقفل ال200 كتير بيها

دول تجارب الشد الي عملتها امبارح و ان شاء الله هفتح الموتور علي الاسبوع الجاي و هجرب مع عربيات غرهم و الخلاصه في الموضوع
السيراتو كوبيه اداء اعلي(موتوره كان انعم)
الفرنا(اخرها 120معايا كانت اوتو لسه مجربتش مع المنيول)
اليارس اسرع ولكن انعدام ثبات و الفرامل
الكورولا الشكل القديم لا استطيع الحكم لان لم تتكلم المحركات بالشكل الكافي

في ملحوظه بس يا ملاك الجنط ال17
في الطرق الاسفلت فيها مش مظبوط بلاقي الدركسيون عاوز يميل و يمشي مع الاسفلت لما سألت قالو الان الجنط تقيل و ده طبيعي هل ده صح؟

**yasserelsayad** · 21-01-2011 03:41 PM

ربنا يبارك لك فى العربية يا معلم وبان شاء الله تتفتح وتبقى تمام
بالنسبة لموضوع الجنط الـ 17 هو عشان عريض فا بتحس بالطريق شوية

**Mshawky** · 21-01-2011 04:07 PM

الكوبيه احسن طبعا ياعاكف علشان وزنها اخف واوطى شويه من السيدان فبديها ثبات احسن

لكن لو عربيتك متفتحه حلو مش هتحس بالفرق اوى زى ماحسيت متنساش ان موتورك لسه بشوكه ومحتاج شويه شقاوه علشان يفك

انا كده كده ان شاء الله هركب لعربيتى Air Intake System من Simota وهتفرق جدا فى السحب وهتديى صوت واداء رياضى تقريبا 6 حصان

**hoksha** · 21-01-2011 04:49 PM

المشاركة الأصلية كتبت بواسطة felix

ربنا يباركلك فيها بس متستعجلش على الجري كدة
المهم عايز الفت نظرك لحاجة من واقع تجربتي للسيراتو العادية والكوبيه ان الكوبيه سحبها احسن وثباتها احسن كمان
بس لعلمك الكورولا ال1300 ممكن تطلع من السيراتو مابالك ال 1600

+1111111111111111111111

**moroattar** · 21-01-2011 05:50 PM

اهدى شويه يا عم ميدو الله يرضى عليك ....

**Jackson** · 22-01-2011 03:34 AM

طبعا يا با شا ربنا يباركلك فيها وعلى مهلك طبعا

بالنسبه لكلامك كلامك زى الفل ماشى معاك فى كل اللى انت قولته بص السيراتو ( حوت جرى )

تعليقى على السيراتو الكوبيه ان المفروض كلمه كوبيه يعنى عربيه رياضيه لا يا فتدم العربيه هى هى نفس موتور السيدان وهو هو نفس موتور الهاتش باك 1600 - 124 hp هتبقى العمليه فى العربيتين مابين السيدان والكوبيه عمليه سواق لان العربيه واحده مع اختلاف الشكل .

مش موضوعنا بالنسبه للياريس طبعا انت عارف ان الياريس لو موتورها 1000 سى سى الياريس مش بودى اساسا فالعربيه جرايه اول
بالنسبه حضرتك للفيرنا والجيتز بلاش الكلام على العربيتين دول علشان دول طيارتين بس مفيش ثبات ولا بودى ولا الكلام ده بس جرى هتلاقى طلقه معديه من جمبك على الطريق .
التويوتا كورولا 1.6 دى صعبه شويه لان الكورولا الــ 1600 تشد جمب اوكتافيا ده اللى احب اقولهولك محترمه جدا جدا .

ملحوظه احب اقولهالك واللى هتنزعج لو جريت جمبه وهتشوف امكانيات العربيه فى الجرى والسحب هى الجيتا بتطلع من الجيتا وممكن لو كملت متخليش بتاع الجيتا يشوفك ..

الف مبروك عليك العربيه الجنط الــ 17 هيحسسك بالطريق شويه بس ميشغلكش كله كلام فاضى العربيه الله اكبر عليها تحفه وربنا يسترها عليك وعلينا

**M.Akef** · 24-01-2011 02:04 PM

المشاركة الأصلية كتبت بواسطة yasserelsayad

ربنا يبارك لك فى العربية يا معلم وبان شاء الله تتفتح وتبقى تمام
بالنسبة لموضوع الجنط الـ 17 هو عشان عريض فا بتحس بالطريق شوية

تمام يا مان و الف شكر علي مرورك و مساعدتك

المشاركة الأصلية كتبت بواسطة felix

ربنا يباركلك فيها بس متستعجلش على الجري كدة
المهم عايز الفت نظرك لحاجة من واقع تجربتي للسيراتو العادية والكوبيه ان الكوبيه سحبها احسن وثباتها احسن كمان
بس لعلمك الكورولا ال1300 ممكن تطلع من السيراتو مابالك ال 1600

كلام تمام يا مان لكن لو الكورولا ال1.3 دي اوتو فأخرها مع السيراتو 140 لانها بتهدا بعد ال140 و تبطء خالص بعد ال170 عكس السيراتو تسارعها ممتاز ل185 و دي اقصي سرعه وصلت لها بيها لحد دلوقتي

المشاركة الأصلية كتبت بواسطة Mshawky

الكوبيه احسن طبعا ياعاكف علشان وزنها اخف واوطى شويه من السيدان فبديها ثبات احسن

لكن لو عربيتك متفتحه حلو مش هتحس بالفرق اوى زى ماحسيت متنساش ان موتورك لسه بشوكه ومحتاج شويه شقاوه علشان يفك

انا كده كده ان شاء الله هركب لعربيتى Air Intake System من Simota وهتفرق جدا فى السحب وهتديى صوت واداء رياضى تقريبا 6 حصان

تمام يا مان و انا مع العربيه كدا علي اخر الشهر هطلع بيها علي الدولي و اربيها شويه
مش عارف انا حاسس ان الفلتر بتعها ضغطه حلو للموتور اصلا لكن عموما انا مش حاطط في حساباتي تعدل دلوقتي خالص العربيه لسه بورفها و ربنا يسهل ان شاء الله و ياريت تقول لنا ايه الفرق بعد ما تركب الفلتر ان شاء الله

المشاركة الأصلية كتبت بواسطة hoksha

+1111111111111111111111

المشاركة الأصلية كتبت بواسطة moroattar

اهدى شويه يا عم ميدو الله يرضى عليك ....

ولله انا هادي عليها خالص مش بجري الا في الطرق المفتوحه و مش بخش غرز ديقه لسه العربيه مبرتدشي

المشاركة الأصلية كتبت بواسطة Jackson

طبعا يا با شا ربنا يباركلك فيها وعلى مهلك طبعا

بالنسبه لكلامك كلامك زى الفل ماشى معاك فى كل اللى انت قولته بص السيراتو ( حوت جرى )

تعليقى على السيراتو الكوبيه ان المفروض كلمه كوبيه يعنى عربيه رياضيه لا يا فتدم العربيه هى هى نفس موتور السيدان وهو هو نفس موتور الهاتش باك 1600 - 124 hp هتبقى العمليه فى العربيتين مابين السيدان والكوبيه عمليه سواق لان العربيه واحده مع اختلاف الشكل .

مش موضوعنا بالنسبه للياريس طبعا انت عارف ان الياريس لو موتورها 1000 سى سى الياريس مش بودى اساسا فالعربيه جرايه اول
بالنسبه حضرتك للفيرنا والجيتز بلاش الكلام على العربيتين دول علشان دول طيارتين بس مفيش ثبات ولا بودى ولا الكلام ده بس جرى هتلاقى طلقه معديه من جمبك على الطريق .
التويوتا كورولا 1.6 دى صعبه شويه لان الكورولا الــ 1600 تشد جمب اوكتافيا ده اللى احب اقولهولك محترمه جدا جدا .

ملحوظه احب اقولهالك واللى هتنزعج لو جريت جمبه وهتشوف امكانيات العربيه فى الجرى والسحب هى الجيتا بتطلع من الجيتا وممكن لو كملت متخليش بتاع الجيتا يشوفك ..

الف مبروك عليك العربيه الجنط الــ 17 هيحسسك بالطريق شويه بس ميشغلكش كله كلام فاضى العربيه الله اكبر عليها تحفه وربنا يسترها عليك وعلينا

كلام تمام يا مان بس اظن العادم و فلتر الهواء و الكهرباء بتاعت الكوبي مختلفه
بس عموما العربيه الي انا كنت بجري معاها مركب زينون و مظبطها يعني العربيه اكيد مفتوحه اما انا كنت لسه 900 وشويه كيلو
اما اليارس فهي فعلا صاروخ لكن الفرنا مش صاروخ ولا حاجه ولله هي عشان رخيضه بس شباب كتير بيجبوها لكن اليارس تربيها من الصفر لل200 اصلا و الجيتس فعلا جرايه اوي لكن اصلا محدش بيعرف يجري بيها لانها فعلا مميته و عوزه سائق محترف عشان يقدر يتعامل معاها لان موتورها يحمل تكونولوجيا cvvt الي في الانترا و دي بتخلي الموتور فايق علطول عكس الفرنا بعد ال120 بتنام
عن الكورولا ال1.6 طبعا يا مان العربيه دي لا غبار علي جريها من اسرع السيارات ال1.6 الي شفتها في حياتي ولكن ثباتها ضعيف اوي و دي المشكله لكن الي انا شديت معاها زي ما قلت الموتور كان خشن جدا و هو غشيم الي ابعد الحدود
الف شكر علي مرورك يا مان و علي النقاش الجميل ده

**NoRmAl** · 24-01-2011 05:32 PM

محرك الكوب هو نفس محرك السيدان
مبفرقش غير الوزن والكوب أوطى ب 1سم
من المفترض انها أسرع لكن مش بشكل ملحوظ
لكن أثبت وبشكل ملحوظ وخاصاً على المنحنيات

**shod90** · 24-01-2011 06:28 PM

المشاركة الأصلية كتبت بواسطة normal

محرك الكوب هو نفس محرك السيدان
مبفرقش غير الوزن والكوب أوطى ب 1سم
من المفترض انها أسرع لكن مش بشكل ملحوظ
لكن أثبت وبشكل ملحوظ وخاصاً على المنحنيات

مش ثابتة اوى برضو على فكرة بس اشطة يعنى :) .. بس اية رأيك يا ابو النراميل انا الوحيد اللى معاة كوب و لحد دلوقتى بشارك و بنفض للمذاكرة و بشارك هنا بس هتنفض انشاء الله فى الامتحان اللى جى هههههههه

-

الموضوع: بدايه الجري سيراتو كوبي و فرنا و يارس و كورولا الشكل القديم

LinkBack

أدوات الموضوع

عرض

بدايه الجري سيراتو كوبي و فرنا و يارس و كورولا الشكل القديم - انشر الموضوع فى :

-

-

-

-

المواضيع المتشابهه

سيراتو الشكل القديم

مقارنة بيت هيونداى النترا ( الشكل القديم ) و كيا سيراتو ( الشكل القديم )

سيراتو الشكل القديم

ايه الفرق بين كيا سيراتو الشكل القديم و الشكل الجديد ؟؟؟

كورولا الشكل القديم 1600

الكلمات الدلالية لهذا الموضوع

المفضلات

المفضلات

ضوابط المشاركة