الموضوع: فيين شخصيتك؟؟؟

السلام عليكم
هاى
هااااى
هالو
يااااااااااااواواو
الوهاااا
شالوم

اى حاجة المهم اخباركم اية ؟
ان شاء الله تكونوا بخير


ندخل فى الكلام على طول :


اممم بعد انقطاع عن المنتدى رجعت وانا نفسى اوصل للناس كلمة كلنا بنسمعها ومش بنقدرها وهيا (شخصيتك )

بزمتك سمعت كام مرة جملة من دول :

خليك نفسك
ماتقلدش حد
خلى عندك شخصية
وللسادة المتزوجون ( هو انت مالكش رأى)
وللسادات (السيدات) المتزوجات ( ماما ماما هو انا متجوزك انتى ولا متجوز ماما)
والعرسان الجداد : لا بنت خالتى جابت فستان الفرح من باريس ( طيب ومالة العبودى؟)
وعلى راى عمو احمد مكى ماتحاولش تبقى حد تانى غير نفسك

انا مش هاقولك اعمل كذا وماتعملش كذا لانى كدة هاكون بانفى كل الكلام الى قلتة فوق ( او الى احمد مكى قالةهههه)

طيب تعالا تانى :

كام مرة كنت عايز تشترى تليفون بس غيرت رأيك بسبب ان واحد قالك على تليفون تانى وشغال معاة كويس

كام مرة رجعت فى قرار شراء عربية لنفس السبب الى فات ؟

طيب كام مرة فكرت انك عايز عربية معينة بسبب انها 2000 سى سى وعزمها عالى وتيربو وفيها كشافات وكرسى :)

وكام واحد دخلوا كلية هما ماكانوش عايزينها بسبب ان الاهل عايزين كدة ( وانا منهم)

كام واحد وواحدة اشتروا هدوم واكسسوارات عليها لوجوهات مش عارفين معناها لمجرد الشكل (زى بلاى بوى ) (وانا مش منهم )
المهم الكلام كتيير

رسالة لكل واحد مننا خلي حياتك ماشية ليك مش انت الى ماشى ليها

لية تشترى عربية 10000 سى سى (ان وجد) وانت كل مشاويرك جوة القاهرة ؟
لية تشترى تليفون فية كاميرا 324234 بيكسل وانت مش بتستخدمها ؟؟؟
لية تروح مكان معين او كافية لمجرد ان فلان كان بيروح هناك ؟؟

لية احمد لخويا الصغير يشترى تليفون لمجرد ان معايا زية ؟؟؟؟؟؟؟؟؟؟؟؟؟؟؟؟؟؟؟؟ حد يقولى لية؟؟؟؟



ياريت كل واحد مننا يكون لية شخصيتة ويقدر يحدد هو محتاج اية ومش محتاج اية ولازم يعرف ان مفيش حاجة كاملة المهم انك تاخد منها الى محتاجة
ونطبق الكلام دة مش فى تليفون او عربية بس

لا فى كل حاجة بداية من طعم العصير
للون العربية لحد اكبر كبيرة متكبرة فى كبرة حياتك ( اتحداكم لو فهمتو حاجة) ههههههه

اسف لو طولت عليكم
ونختم الفقرة الكوميدية باغنية الشاعر الكبير الاستاذ الدكتور المهندس الطبيب الدكتور التمرجى اى حاجة وخلاص احمد مكى

YouTube - ‫ط§ط.ظ…ط¯ ظ…ظƒظٹ ط¯ظˆط± ط¨ظ†ظپط³ظƒ ظ…ظ† ظپظٹظ„ظ… ط·ظٹط± ط§ظ†طھ Ahmed Mekki Teer Enta‬‎

اسيبكم انا واروح اعمل قهوة , اتفضلوا معايا

المشاركة الأصلية كتبت بواسطة Deshahcoka

الله اكبر يا نجم :) فل يا باشا كلامك كله صح :) و بيحصل و حاجة تجن !

انا جبت العربية فضي عشان الناس كلها اجمعت انوا الفضي مببيبنش فيه الوساخة :( مع اني كان نفسي في ....................

عليه العوض و منه العوض :(

ههههههههههههه شكرا لكلامك الجميل دة وعلى فكرة نفس الناس دول هما الى مخليين نص مصر تشترى عربيات سيلفر وكل الخليج اشتروا عربيات لونها ابيض ههههههههههههه

المشاركة الأصلية كتبت بواسطة nabaster

اوكتووووووووووووووووووو

فينك يا عم كل الفتره دي؟؟؟

من اخر زياره للصعيد ومحدش سمع اي اخبار عنك

انا قلت حصلتلك حاجه وكان مثلا علي ابن عمك تار ولا حاجه وعملوها معاك الصعايده :)

واحشني والله

اقرا الموضوع ولينا كلام تاني :)

A.Yakout

هههههههههههههههه ياقوت باشا ههههههه حبيبى والله , انا الحمد لله تمام (انا فى الصعيد دلوقتى وهارجع بكرة مش عايز حاجة ؟) انا والله موجود بس المنتدى وخصوصا الاجتماعى كان فية شوية حاجات ومواضيع كدة حسيت انة اتقلب 180 درجة بس دلوقتى حاسس انة بيتعدل ولا انت اية رأيك؟؟

المشاركة الأصلية كتبت بواسطة م/مصطفى محمود

فعلا معاك حق

بس في نقطة مهمة برضوا ، فى فرق بين الرأى والشخصية ، فطبيعي إن الواحد يغير رأية على حسب المُعطيات الجديدة (رأي صديق نصيحة أخ ، أمر من حد مسؤول عنة (يعني لو هتشتري حاجه بفلوس والدك أو هتشتري حاجه للشغل) ) لأن فى ناس بتربط بين الأتنين وللأسف ده اللى بيخلي الناس تعند وتتمسك بفكرة غلط لمجرد انه خايف يتقال علية معندهوش شخصية

عادي جدا لما أبقى عايز أشتري سندوتش فول وحد يقنعني أنه الراجل فولة مش حلو فأشتري طعمية

ممكن أكون مُقتنع برأي مُعين فى مسألة وحد يقولي على برهان ودليل جديد فأغير فكري

فأحب أضيف إن لازم برضوا الواحد يكون مرن بحيث يسمح لنفسة أنه يسمع الرأى والنصيحة ويحكم عليها بكل حيادية ، بدون التعصب لرأية وبدون الذوبان فى فكر الآخرين

صحيح وبجد انا فرحان انك وضحت النقطة دى لانى كنت عايز اوصلها بس ما عرفتش

المشاركة الأصلية كتبت بواسطة mohamedbook

اكتوا فين تليفوناتك
كده اعرف من برة ان انت خلصت امتحانات وسافرت الصعيد
ماشي ياسيدي متنساش تجبلنا معزة معاك وياريت تكون مشوية وخلي العيش عليا وصلطات كمان ولا تزعل
المهم انا غالبا مش بقتنع برائي حد تاني عير نفسي لازم اكون مقتنع بنسبة كبيرة جدا بالحاجة الي هاجبها يعني بنسبة 90 % عشان اجبها
ولو حد اقنعين بحاجة وهي مش داخلة مزاجي لا بستخدمها ولا بتكون نفسي مايلة ليها وكمان بارميها
وارجع اقول وانت جي من الصعيد متنساش المعزة المشوية عشان انا لي حق عرب عندك اسف حق صعيدة مش حق عرب

ههههههههههههههههههه والله انا حاولت اكلمك اكتر من مرة واخر مرة كانت بعد مواضيع نجاتى والبلالين بس كان من تليفون غريب مش رقمى وانت مارديتش قلت يبقى لسة متأثر هههههههههههههه يلا انا معاكم من بكرة ظبطوا اى حاجة وانا معاكم ان شاء الله عايز اقابلكم والله ضرورى ومن زمااان ورماح بس مش راضى اكلمة علشان امتحاناتة دلوقتى ربنا يوفقة

المشاركة الأصلية كتبت بواسطة MISS_MONA

طبعا كلامك صح
بس برده لا خاب من استشار يعنى لو انا عايزه اشترى حاجة بسال حد عنده خبره فيها اكتلر منى عشان اقرر صح بس دى كل الحكايه يعنى بشوف راى اللى حوليا وبعدين لازم انا اقرر طبعا

صحيح لازم تاخد راى الى حواليك بس لازم توظفة مع احتياجك يعنى مثلا : حضرتك هاتشترى عربية جديدة
وبتاخدى رأينا بين الرولز رويس والكورولا طبعا اى عاقل هايقول لحضرتك رولز رويس بس لو حضرتك حسبتيها هاتقولى انا مشاويرى كلها 50 كيلو فى اليوم وداخل المدينة ومفيش اى مركز صيانة ومكان قطع غيار جنبى للرولز يبقى اجيب الكورولا مع انها اقل فى كل حاجة بس مش هاتتعبنى مستقبلا وفيها الاساسيات المطلوبة من امان واداء
دة القصد وزى ما قال م- مصطفى محمود الفرق بين الرأى والشخصية ناس كتيير اوى بتتلخبط بينهم- وشكرا لمداخلة حضرتك