حد يعرف الشحن الدولى العادى بيوصل على فين - مصر الجديده

السلام عليكم

انا امبارح اشتريت حجات بسيطه ب 170 جنيه من امريكا لمصر والشحن تم النهرده والموقع اللى اشتريت منه بعتلى انه الشحن تم عبر البريد الدولى
لما سالتهم هتوصلى الحجات دى فين قلى احنا منعرفش كل اللى نعرفه اننا شحنا الحاجه من البريد الدولى على عنوانك فى مصر والافضل انك تسال مكتب البريد المحلى او المكتب الجمارك

وعنوانى فى مصر الجديده وطبعا مش عارف اسال فين .. هل فى مكتب البريد فى مصر الجديده ولا فين بالظبط ... علما ان الشحن هيوصل على حسب كلام الموقع من 7 ايام ل 14 يوم

فالشحن دا هيجى على فين وايه المكان اللى اسال فيه وهل لما يوصل هنا هيبعتولى جواب على العنوان بتاعى يعرفونى ان فيه ليا شحن وصل ؟

لو حد عند تجربه او علم بالموضوع دا ياريت يعطينى فكره

لما يوصل الطرد.هيتم الكشف عليه الاول وفى العادة من غير ما يفتحوه.او هيطلبوا منك فتحه والتاكد ان كل حاجة موجودة قبل الاستلام.

اللى بيحصل معايا انه بيجيلى زى اخطار من البريد مع الساعى بانه ليا طرد وتعال استلمه فى خلال 3 ايام والا هيروح المركز الرئيسى.فيا ريت بقى لو عنك بواب او لو تعرف تروح كمان كام يوم لمكتب البريد بتاعك وتسالهم عن اسم الساعى المسئول عن شارعك وتظبطه انه يرنك على الموبايل او يسيبه لاى حد فى البيت لو انت مش موجود وبعد كده روح استلم انت الطرد.

المهم بقى لو عندك بواب زى اللى كان عندنا(24 ساعة مش عارف هو شغال ايه)متعتمدش عليه لانه هينسى.

عادة الجوابات من امريكا بتيجى فى 14 يوم.لكن لو طرد يببقى هيجى مع شركة شحن على البريد.انت ممكن ترجع للمكان اللى اشتريت منه وتقولهم عاوز اعمل Follow up للحاجة بتاعتى واعرف هى فين دلوقتى لانهم اكيد باعتينه على طيارة.وكدة هيبقى سهل تتبع مكان الطرد.

المفروض انه يديلك رققم ال tracking والموقع ال تعمل من عليه track عشان تعرف هي موجودة فين
وبتوصل حسب الرقم البريدي ال انت كتبته او قرب مكتب بريد ليك
وهما بيتصلو بيك يقولولك تعالى استلمها
انا لما اشتريت وصلت مصر خلال 10 ايام و وصلت مكتب البريد خلال 5 ايام تقريبا
لو حاجة بسيطة مبتجمركش بياخدو مبلغ بسيط انما لو حاجة بتجمرك فمعرفش بيبقى ايه نظامها بس بتهيالي المفروض بتستلمها من الجمارك

الشحن اللى جايبه شحن عادى مش تبع شركات من المشهوره علشان يبقى معاه تراك نامبر زى الدى اتش ال و يو بى اس ...الخ

وللاسف البوستال كود او الرقم البريدى كتبته غلط وكمان للاسف الاكتر المدينه اتكتبت غلط لوكبورن بدل كايرو نسيت اغير المدينه

لكن العنوان مكتوب فيه البلد مصر + المدينه هيليوبليس واسم الشارع ورقم العماره والدور ورقم الشقه واسمى طبعا

العماره عليها بوابين 24 ساعه بيبدلوا شفتات ودايما اى جواب بيجيلى بيوصلهولى اول باول مش بيتأخروا

اهم حاجه بس انه يجيلى اخطار انه الشحن وصل لان الموقع قلى لو موصلش فى خلال 45 يوم بلغنا واحنا هنعمل اللازم ومش عارف ايه اللازم اللى هيعملوه يعنى لو موصلش

يعنى من رايكو استنى لحد ميوصلنى اخطار وهل اكيد كدا كدا فى جميع الاحوال هيتبعتلى اخطار اما من مكتب الجارك او مكتب البريد المحلى ؟

مفيش شحنة ملهاش tracking number
لان انت يا اما بتشحن تبع شركة يا اما البريد الدولي السريع و دا ليه موقع بتاعه
اذا كان البريد المصري بيديك tracking number

اللازم اللى هيعملوه انهم بيتابعوا الطرد وصل لفين وعارفين مكانه كل يوم.

المهم بقى انك تبعت للشركة وتقولهم على الغلطة وممكن يلحقوا يصلحوها فى اى مكان الطرد فيه.

اكيد لازم هيبعتولك اخطار ان الحاجة وصلت للاستلام.لان لو ليها وزن تقيل شوية بتدفع تمنه .ومن حوالى 4 سنين دفعت 22 جنيه على 300 جرام فى مكتب البريد.

اقتباس:

---

المشاركة الأصلية كتبت بواسطة aly_hosny

مفيش شحنة ملهاش tracking number
لان انت يا اما بتشحن تبع شركة يا اما البريد الدولي السريع و دا ليه موقع بتاعه
اذا كان البريد المصري بيديك tracking number

---

لا للاسف مفيش تراك نامبر مع الشحن اللى انا اخترته

التراك نمبر بيجى لو كنت شحنته مع يو بى اس او دى اتش ال

الشحن اللى فات انا جبته تبع شركه يو بى اس من نفس الموقع واعطانى تراك نمبر له انما الشحن اللى جبته اخر مره كان الشحن العادى ومش معاك اى بيانات يوصل زى ميوصل وعلى البركه يعنى :]

اقتباس:

---

المشاركة الأصلية كتبت بواسطة emo_ayman

اللازم اللى هيعملوه انهم بيتابعوا الطرد وصل لفين وعارفين مكانه كل يوم.

المهم بقى انك تبعت للشركة وتقولهم على الغلطة وممكن يلحقوا يصلحوها فى اى مكان الطرد فيه.

اكيد لازم هيبعتولك اخطار ان الحاجة وصلت للاستلام.لان لو ليها وزن تقيل شوية بتدفع تمنه .ومن حوالى 4 سنين دفعت 22 جنيه على 300 جرام فى مكتب البريد.

---

انا فعلا بلغت الموقع على الخطا فى المدينه والبوستال كود قلولى خلاص مينفعش يعدلوا البيانات وقلى فى خلال 45 يوم لو موصلش اراسلهم تانى وهيعملوا اللازم

والشحن وزنه المره دى خفيف جدا ميكملش 50 جرام لذلك جبته شحن عادى لانى مش مشتعجل عليه وحجات بسيطه

اقتباس:

---

المشاركة الأصلية كتبت بواسطة zoro007

انا فعلا بلغت الموقع على الخطا فى المدينه والبوستال كود قلولى خلاص مينفعش يعدلوا البيانات وقلى فى خلال 45 يوم لو موصلش اراسلهم تانى وهيعملوا اللازم

والشحن وزنه المره دى خفيف جدا ميكملش 50 جرام لذلك جبته شحن عادى لانى مش مشتعجل عليه وحجات بسيطه

---

انت بعتلهم اميل بالتغيير ولا مراسلة مباشرة على الموقع بتاعهم؟

لو تعرف تخلى معاك نسخة من كلامك معاهم وردودهم عليك يبقى احسن.وبرده ابعتلهم تانى قولهم بما اننى اشتريت منكم قبل كدة بس للاسف المرة ديه غلطت فى كتابة بيانات فانا محتاج افهم ايه الاجراء اللى ممكن تعملوه فى حالة ان الطرد موصلش ليا وانا المفروض اعمل ايه.

بس عشان تعرف ايه اجرائتهم وايه اللى ممكن يحصل.

وطالما شحن عادى يبقى هيجيلك على البريد السريع الدولى ومكتب البريد يتاعك هيبلغك وهتدفع عليه حاجة بسيطة.

وشوف الرقم البريدى اللى انت بعته يبقى مكتب بريد ايه هنا وبلغهم برده هنا.

بيوصل رمسيس و بعدين انت فمصر الجديده هيودوه فمكان ورا دومينوز بيتزا اللى فى روكسى ورل كومبيومى بس ناحيه روكسى اكتر - ورا راديوشاك اللى هناك

هيبعتولك اشعار للبيت تروح تستلمه
و تدفع جمارك

شكرا ياشباب على تعاونكم

انا بعت للموقع تانى قلتلهم ازاى اتابع الشحن واعرف هيوصل امتا قلولى انه الشحن هيطلع فى خلال بضع ايام بعد بضع ايام ابعتلنا هنديلك تراك نمبر وتتابعه مع شركه الشحن البريد الدولى

وان شاء الله ربنا ييسر ويوصل الشحن بالسلامه

لكن انا عندى استفسار وهوه انا كاتب البوستال كود غلط يعنى مش موجود بوستال كود بالرقم اللى حطيته فى مصر
ومصر الجديده فيها 4 مكاتب بريد فهل هيشوفوا الشارع بتاعى فين ويرسلوه على اقرب مكتب بريدى له ولا هيبقى ايه الظروف ؟