إستفســار عن إيبيــزا موديل 1993
السلام عليكم ورحمة الله
أولاً أحب أسجل تقديري وإعجابي بالمنتدى .. وبجد ما شاء الله مجهود كبير ومعلومات قيمة فعلاً
نخش في الموضوع..
أنا حالياً قدامي عربية ابيزا سيستم بورش موديل 93 .. ومطلوب فيها 27 ألف ونص نهائي
العربية حالتها كويسة .. وصاحبها لسة مغير لها الانجيكشين (رشاشات)
ولما جربتها عجبتني العربية في سحبها وثباتها
بس ناس كتييير حذروني من ندرة قطع غيارها وغلاء سعر قطع الغيار
ياريت لو حد معاه العربية دي .. يفيدني .. أشتريها ولا لأ .. وسعرها ده كويس ولا ايه؟؟ وايه حكاية موضوع قطع الغيار؟؟ وهل العربية دي فيها عيوب صناعة مشهورة أو أعطال متكررة في حاجة معينة؟؟
معلش طولت عليكم ... بس في الحقيقة .. الوقت ضيق وقدامي يومين عشان أرد على صاحب العربية .. فأتمنى اني ألاقي حد مجربها يديني نصيحة ويفيدني في أسرع وقت
وجزاكم الله خيراً على المجهود الرائع ... وفي إنتظار ردودكم