انا كنت ببيع شقة و جزءمن تمنها هيكون بعد 3 شهور بشيك
السؤال دلوقتى ؟ هل من الممكن الذهاب الى البنك بالشيك لمعرفة امضاء الشيك مطابق ولا لاء و اثبات ذلك على الشيك ولا لاء وازاى ءامن نفسى علشان ميحصلش اى لعبه كده ولا كده
عرض للطباعة
انا كنت ببيع شقة و جزءمن تمنها هيكون بعد 3 شهور بشيك
السؤال دلوقتى ؟ هل من الممكن الذهاب الى البنك بالشيك لمعرفة امضاء الشيك مطابق ولا لاء و اثبات ذلك على الشيك ولا لاء وازاى ءامن نفسى علشان ميحصلش اى لعبه كده ولا كده
هو مش الشيكات اتلغت وخلى بالك من موضوع القلم الصينى اللى بيتمسح كتابته بعد الكتابة.فلو الاخوة هنا افادوك ان الشيك امان.ابقى برده خليه يمضى الشيك بقلمك انت اودام عينيك.
طبعا الشيك يكون بنكى يعنى من اللى البنوك طبعاها مش من المكتبات
كمان اكتب فى العقد بند ان الثمن جزء منه مؤجل ولا يتم نقل الملكية الا بعد سداد كامل الثمن
جزئية التوقيع :
ممكن تتعمل ودى لو تعرف حد فى نفس البنك
او تروح مع صاحب الشيك البنك وتتاكد
وممكن تطلب ان الشيك يكون مصرفى او مقبول الدفع
لكن انت مش من حقك تروح لوحدك البنك وتطلب كدة
أولا : حضرتك بخصوص الشيك لو كنت متخوف من المشترى ومتعرفش توقيعه المطابق فى البنك تقدر تروح به البنك المسحوب عليه الشيك وتطلب مطابقه التوقيع الموجود على الشيك بصاحب التوقيع الأصلى الموجود لدى البنك ويفضل أن يكون معك صاحب التوقيع .
ثانيا : فى حاله إن الشيك اجل بعد 3 شهور وكان التاريخ المدون على الشيك مثلا 21/4/2011 وحضرتك حبيت تصرفه وحسب قانون الشيك الجديد فانت تقدر تصرفه اليوم فى حاله وجود رصيد بالحساب وفى حاله عدم وجود رصيد فمن حقك لو حبيت تاخد رفض على الشيك .
وعلشان المشترى طبعا يتجنب دة فهيقوم بتسطير الشيك يعنى بيعمل خطين متوازين فى أى جزء من الشيك وبالاجراء دة حضرتك مش هتقدر تصرف الشيك غير فى ميعاد استحقاقة وكمان من خلال أى حساب لك فى أى بنك ، يعنى مش هتقدر تصرفه مباشرة من شباك البنك .
أخيرا أنصحك وفى حاله عدم ثقتك بالمشترى عدم أخذ شيك بالمبلغ المتبقى وأعتقد إن إيصال الأمانه سيكون أفضل وذلك فى حاله لا قدر الله أن المشترى حاول التلاعب بك أو عمل أى شئ .
فسيكون ايصال الأمانه أفضل فى حاله اللجوء الى القضاء من الشيك البنكى حتى ولو اخذت عليه رفض من البنك .
وبالتوفيق إن شاء الله
تقبل تحياتى
مع انى مش مصدقك حكاية القلم الصينى بس هخليه يكتب بقلمى شكرا يا باشا :)
الف شكر ليكو بس السؤال بقى هل اقد اخد ختم من البنك على الشيك ان التوقيع مطابق علشان لو مخدتش ختم و قالولى مطابق ممكن بعد 3 شهور موظف تانى يقولى مش مطابق
واستاذ علاء ليه وصل الامانى اقوى؟؟ ماهو الشيك فيه حبس ووصل الامانة ممكن ينكر امضيتو
[QUOTE=hussein;3873243297]مع انى مش مصدقك حكاية القلم الصينى بس هخليه يكتب بقلمى شكرا يا باشا :)
لأ
فى دي لازم تصدق ياباشا
التحذير جالنا من البنك المركزى من زماااااان
والناس دى مابتهزرش
وأنا كمان أفضل أيصال الأمانه عن الشيك حتى لو بنكى
(مخاطره أقل +وصول للحق أسرع )
- موضوع إن موظف تانى ينكر التوقيع طبعا دة كلام مستبعد تماما لأنه من المفترض إن أى عميل لدى أى بنك بيكون توقيعه مسجل لديهم .
ومثلا فى حاله إنى وقعت على شيك بتوقيعى المسجل لدى البنك وكان حتى فى إختلاف عن التوقيع المعتمد لديهم ، موظف البنك بيرفض يصرف الشيك لأن التوقيع غير مطابق ومش هيقدر يصرف بدون مطابقة التوقيع.
وأى مخالف لذلك طبعا هيعرض مفسه للمسائله .يعنى الموضوع مش رأى شخصى للموظف دى تعليمات وبتطبق بصرامه .
- اما بخصوص افضليه وصل الأمانه فدة علشان حضرتك متخوف من المشترى ومتعرفوش كويس وإيصال الأمانه أقوى جنائيا وحتى لو أنكر أو شكك فى توقيعه على الإيصال ، هيكون فى خبير خطوط وهيثبت إن دة توقيعه ومش هيكون عندة أى حل غير الدفع أو الحبس .