الموضوع: هــل محــرك الإيبيــزا 1000 سى سى ضعيــف ؟

ال 1000 سىسى الانجكشن ممتاز و الله

مرة سافرنا العين السخنة و كان فى 8 افراد باللى سايق فى العربية البولو (نفس موتور الابيزا) و كنا ماشيين على 140 عادى جدا

اقصى سرعة جبتها به كانت 160

سافرت بيه كذا مرة, مفيش ادنى مشكلة

كام حصان مش فاكر بالظبط بس تقريبا 50 او 55

مع إحترامي للأراء السابقة
المحرك 1000 سم مكعب ممكن يسافر و يكون جميل و لكن لا تنسى أن المحرك ضعيف
يعني لو بتاسفر كتير و تشيل ناس كتيرة في كل مرة و تمشي على السرعات اللي ألأخوة ذكروها يبقى أنسى هذا المحرك بعد سنة ............. لن يعمر معك
المحرك ليس بالقوي و لكنه ليس بالضعيف قوي ........... أكيد أنت فاهم أنا أقصد أيه
بس على سرعة 140 و 160 و معاك ناس في العربية ............... يبقى أنت بتخرب العربية كلها و المحرك طبعا هو الجزء الأهم

يبقى خلاصة الكلام لو عايز تجيب عربية علشان تسافر بيها مرة أو مرتين في الشهر و بتكون فيها لوحدك أو على الأقصى معاك صديق أو زوجة فقط ........... يبقى أتكل على الله و أشتريها
إنما لو بتسافر كتير و معاك ناس كتير .............. يبقى مينفعش المحرك ده خالص
و بعدين نصيحة للأخوة الأعضاء -- لوجه الله -- يا جماعة السرعات دي خطر خطر خطرخطر تخيل لو كاوتش فرقع ........... و هاسيبكم أنتم تقولوا ايه اللي هايحصل .
و بعدين بالإضافة لأنها خطر ............ تدمر السيارة في وقت قصير و تدمر دورة قطع غيارها في وقت أقصر و تستهلك بنزين بالضعف ................ و هذا ليس مبالغة
و تقبلوا وافر تحياتي و شكرا