عندى مشكلة اول مرة تحصل فى المنتدى كله

انا يا جماعة حصلى مشكلة ريحة العربية من جوة وحشة قوى اصلى انا كنت حطيت كيس لبن وراجع البيت لقيت الكيس اتفتح وسرب على الكنبة من ورا ومكنتش وقتها عارف الكنبة تتفتح ازاى ....

المهم قعدت انشف على قد ما اقدر بس حسيت ان الاسفنج بتاع الكنبة اتشربه .. مع انى حاطط فرش جلد ؟؟؟؟


انا قرفت من الريحة لانها بقى ريحة لبن مخمر ووحشة قوى .... روحت لسروجى وعملها ببريل وميه وبعدين بنزين وبرضه الريحة موجودة


انا بنفسى شيلت الكنبة تانى وعملتها بميه ببريل تانى وسيبت الكنبة مفتوحة علشان تتهوى كويس

انا اخر لما اغلب حعملها تانى بديتول وبريل تانى وخلاص

حد يعرف نوع منظف يكون قوى كدة وينفع للاسفنج بتاع الكنبة مع العلم انى خلصت قبل كدة ازازة معطر على الاسفنج بتاع الكنبة من ورا

يا ريت لو حد يعرف حل ليها يقولى احسن انا كرهت العربية من ريحيتها دى

حصل معايا موقف مشابه في الشنطه بس مش كيس بحاله كانت كام نقطه و عملت البدع و لكن مفيش فايده ..... لكنها في الآخر راحت لوحدها.

سيب العربية مدة طويلة مفتوحة في الشمس من 3-6 ساعات


بعد كده قفل العربية كويس وشغل التكييف علي اعلي درجة سخونة مع اعلي درجة علي المروحة

بعد كده هات ديتول سبراي ابداء رش جوه العربية واعمل تدوير هواء العربية من الداخل وسيبها حوالي 30 دقيقية شغال التكييف علي الهواء الساخن

وان شاء الله حتكون تمام

لانه كده انت بتموت البكتريا الموجودة ومسئولة عن الريحة الكريهة

فك الكنبة وأغسلها كويس في البيت بماء مع كلوروكس(ألوان) علشان مايضرش اللون

اقتباس:

---

المشاركة الأصلية كتبت بواسطة otefa

فك الكنبة وأغسلها كويس في البيت بماء مع كلوروكس(ألوان) علشان مايضرش اللون

---

يا ريت تشرحولنا الكنبة بتتفك ازاى ؟
مع الشكر

اقتباس:

---

المشاركة الأصلية كتبت بواسطة mazenzyad

يا ريت تشرحولنا الكنبة بتتفك ازاى ؟
مع الشكر

---

تدخل إيدك من ورا الكنبة في إتجاه الأسهم اللي في الصورة و تشد لفوق

http://i1208.photobucket.com/albums/...-back-seat.jpg

طيب اغسل الكنبة كلها كلدة بالميه والكلوروكس الوان ؟؟؟؟؟ بس كدة كلها حتتشرب ميه ازاى ؟؟ انا كدة حبوظها وممكن كمان الجلد يفك من الكباسين الى ماسك فيها ؟؟؟

مش عارف خايف اعمل كدة ابوظ الكنبة كلها؟؟

عندك جلد أنا كنت فاكر قماش
طيب الجلد المفروض مابيمتصش السوائل بسهولة(اللبن)
ممكن تخلي سروجي يبص عليها معاك أحسن ويشوف أيه المتاح

اقتباس:

---

المشاركة الأصلية كتبت بواسطة nour_nrc

سيب العربية مدة طويلة مفتوحة في الشمس من 3-6 ساعات


بعد كده قفل العربية كويس وشغل التكييف علي اعلي درجة سخونة مع اعلي درجة علي المروحة

بعد كده هات ديتول سبراي ابداء رش جوه العربية واعمل تدوير هواء العربية من الداخل وسيبها حوالي 30 دقيقية شغال التكييف علي الهواء الساخن

وان شاء الله حتكون تمام

لانه كده انت بتموت البكتريا الموجودة ومسئولة عن الريحة الكريهة

---

كلام منطقى جدا :verygood:

فك يا باشا الكنبة و طلعها في الشمس من اول اليوم لأخره و ان شاء الله تنشف بس اهم حاجة تكون في حتة شمس

اعملها نفس فكرة المراتب القطن بتاعة زمان لما كانت بتتبل

اقتباس:

---

المشاركة الأصلية كتبت بواسطة gebreel

فك يا باشا الكنبة و طلعها في الشمس من اول اليوم لأخره و ان شاء الله تنشف بس اهم حاجة تكون في حتة شمس

اعملها نفس فكرة المراتب القطن بتاعة زمان لما كانت بتتبل

---

+11111111

انا عملت اخر حاجة الكنية بضغط البخار وبعدين بديتول وحاليا العربية بقت 2 راكب لان الكنبة عندى نقلتها للبلكونة (علشان الشمس) وشغلت التكيف على 4 سخن .... بس ضغط البخار للاسف فخلى اسفنج الكنبة الى تحت حتت منه طلعت مفرفتة ... اخر حاجة حجيب ديتول اسبراى رحدوره فى العربيه لمدة ساعة .... بس واحد قالى انها لازم تاخد وقتها شهر كدة وحتروح الريحة دى

ليا تعليق مش حلو ان الاسفنج المستخدم فى قاعدة الكنبة مش حلو وبيتفرفت ويتقطع من اقل حاجة

انا بجد زهقت مكنش كيلو لبن دا

دعواتكم بقى

ممكن اقولك حل اخير .. روح لاي مغسلة حلوة كده وفي غسيل بالكيماوي بيسلط الكيماوي على البقعة .. وبينشفها وممكن انت تفك الكنبة وبمكوة بخار وتعملها وان شاء الله تطلع