هى الساجا 2011 نزلت ولا لسة وهل فى حد اشتراها ولا هى حجز بس وعايزيين نعرف هى بكااااااااام:36_3_10[1]:
عرض للطباعة
هى الساجا 2011 نزلت ولا لسة وهل فى حد اشتراها ولا هى حجز بس وعايزيين نعرف هى بكااااااااام:36_3_10[1]:
أيوة نزلت يا أستاذ محمد بتدفع ألف جنيه مقدم حجز عند الوكيل والاستلام بعد أسبوعين وتمنها 68000 ألف والساجا 2011 هى هى ساجا 2010 بدون أية فروق
استاذ خالد ملعش هى ب 68000 المانيوال ولا الاوتو ؟
بعد إذنك ياخالد باشا ....
كلام حضرتك مظبوط 100% بالنسبه لعدو وجود أى فروق بين موديل 2010 وموديل 2011...
الفرق الوحيد هو السعر.....
لأنه على ما أذكر سعر 2011 زايد 3000 جم عن سعر 2010...
سعر 2010 اللى أنا شارى بيه كان 68900 جم
وده سعر الأوتو....
يعنى 2011 هتعمل حوالى 72 ألف جم..... ((( أوتو )))
مع خالص الدعاء للأستاذ /mohamedcool
بالإختيار الصالح والموفق بإذن الله
الأستاذ محمد كول 68000 ده سعر المانيوال أما الأوتو سعرها 73000 وده كلام التوكيل بالحرف لأنى لسه مكلم الفرع بتاع مدينة نصر من اسبوع بالظبط وقالولى الكلام ده.
أما الأستاذ محمد عبد المجيد باشا اللى دايما قافشنى كده وقاعدلى على السقطة واللاقطة هههههههههه أيوة ياسيدى الفرق الوحيد هو السعر فعلا زايد 3 الآف جنيه انما الامكانيات والكماليات كلها زى بعض من دون أية فروق حسب كلام التوكيل وكلام ناس كتير سمعت منهم الكلام ده وقالوا ان موديل 2011 facelift الجميل المتميز للاسف مش نازل مصر السنة دى لأنه مصمم على ما أعتقد لدول أوروبا وان كنت مستاء جدا من الخبر ده لأن الشكل الجديد ده تحفة بجد والاضافات فى الشكل الخارجى والتارة المالتى فانكشن والكاسيت mp3 كان هيعمل سوق كويس جدا للعربية وكانت هتبقى عربية الموسم بجد انما يلة هنعمل ايه بقى انت اكيد فى مصر.
اقتباس:
المشاركة الأصلية كتبت بواسطة khaled_saga
خالد باشا ساجا
يا أخى أنا قاعدلك على السقطة واللقطة ؟؟!!!
أبدا والله أنا كل غرضى فى الأول وفى الأخر إننا نوصل المعلومة صح ومظبوطة 100% للناس اللى بتسأل لأن زى مابنقول دايما الساجا دى مش واخدة حقها واللى بيعمل لها دعايه وبينشرها ويسوقها فى مصر هما ملاكها مش التوكيل ...
طبعا هتفتكنى قفشت ....
أبدا والله أنا عارف إنك بتهذر.....
وأرجع وأقولك أنا حاسس ومتأكد 99.9% أننا نعرف بعض من مدرسة، كليه ،درس، جيرة
هنعرف ياكبير يوم الثلاثاء القادم بعد سبعه مساءا فى بنها فى المكان الأقرب ليك.....
محمد عبد المجيد
طيب ماتقوللى بس انت خريج ايه وكام سنة وكنت فى مدارس ايه ومدرسين مين وانا احاول استنبط بذكائى نعرف بعض ولا لأ انت شوقتنى ياراجل :) :) :)
الحرس الوطنى
السلام الخاصة للغات ( الأمريكان )
زيد بن حارثه الإعدادية
المنشية الثانويه العسكرية
ثانويه عامة دفعة 1994
أداب عين شمس ( قسم إنجليزى) دفعة 1999
ها ؟؟؟ قربنا ولا نستنى كمان ؟!!!
الفلل
بنها الابتدائية الحديثة
مصطفى كامل الاعدادية
حسان بن ثابت الثانوية
ثانوية عامة دفعة 2001-2002
هندسة شبرا دفعة 2007
متهيألى بعدنا أوى كده عن بعض ههههههههههههههه بس ممكن الوشوش تكون اتقابلت خصوصا انت عارف ان البنهاوية بيعرفوا بعض عشان البلد صغير. عموما يا باشا ان مكناش عرفنا بعض قبل كده انا يكون ليا الشرف اننا نتعرف واكون كسبت أخ اكبر.
تحياتى