الموضوع: إستفســـار عن ضعف موتور الإيبيــزا موديلات 200 -2001-2002

يا جدعان الردود إتوقفت ليه كده ، عالعموم طيب حد يقوللى هى 8 صبابا ولا 16 ؟

شكرا

يا باشا انا كن قصدى إنى بدور على 1400 موديل 2000 او 2001 ، مش 94 ، عالعموم ال 1400 سي سي موديل 94 عربية ممتازة فعلا لإنى ركبتها ، و أحلى ما فيها إنها بتنزل بالتكييف الأصلى ، يعنى التكييف مش بيحمل على الموتور غير حاجات بسيطه أوى
بس ياريت لاقي حاجة نظيفة منها ، عشان هى مش موجودة كتر فنطاق اختيارك هيكون على الضيق قوى ، عالعموم ربنا يوفقك

على فكرة أنا سألت واحد مير مبيعات في الشركة الهندسية (وكيل سيات و بورش في مصر ) قاللى إنى مفيش حاجة إسمها 1400 سي سي موديل 2000 او 2001 ، دى كانت غاطة من المصنع في أسبانيا لعشرين عربية نزلو مصر و عمة الموتور كانت غلط ( مكتوب عليها 1.4 ) بس بصراحة مش مصدق كلامه قوى لإنى شوفت ال 1400 سي سي دى كذه مرة ، بس يمكن تكون جاية من بره التوكيل !!!

بالنسبة يا باشا 40000 جنيه فده تقريبا سعرها بس لما بتكون بحالة نظيفة

هو مفيش حد في المنتدى معاه إبيزا 2000 او 2001 او 2002 يكلمنا عنها شوية و قوة موتورها و بالذات مع التكييف ولا إيه ؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته,
والله اللي انا أعرفه ان ايبيزا 2000 مفيش فيه تكييف,انا معروض عايا واحده عامله 60000 مطلوب فيها 47000 جنيه معرفش كويس ولا لأ "كامله من غير تكيف" ايه رأيكو في السعر؟

الاخ/دوجلاس انا معى ايبيزا 2001 من 6 سنوات ولم تحتاج اى شىء حتى الان سوى الصيانه الدوريه كالزيت والبنزين وتظبيط العفشه*******وكل الموديل فيه باور****** وفيه كمان حركات غير اللى انت قولتها زى لو فتحت العربيه ولم تفتح اى باب فيها تقفل تانى اوتوماتيك كلها بعد 3 دقائق و فيه كمان امكانيه ضبط ارتفاع اضاءة الفوانيس للنور الواطى و كمان يوجد حزام امان للشخص الجالس فى منتصف الكنبه الخلفيه وفيها كمان ترمومتر لقياس درجه حرارة الجو داخل الصالون و فيها اربع مساند للراس و فيها امكانيه طى الكنبه الخلفيه او نصفها فقط لتوسيع الشنطه