:bravo: محتاج اعرف سعر تيوتا كرولا موديل 86مكيفة وجنوط وبحالة جيدة وزجاج كهرباء
عرض للطباعة
:bravo: محتاج اعرف سعر تيوتا كرولا موديل 86مكيفة وجنوط وبحالة جيدة وزجاج كهرباء
متابع باهتمام
انا كان معايا كورولا 83 ودي كانت على كارونه وكانت مطلوبه جدا بعتها ب 24.5 متهيألي اللي انت بتتكلم عليها تسوى 25 او 26 بالكتير اوي
كورولا ae86 و لا عادى بشنطة
على فكرة انا طالب فيها 33500 لان العربية معدلة ومعمول فيها شغل جامد وصارف وبعدين لازم يكون فية فرق فى السعر بين86 و 83العربية دى انا عامل فيها شغل بنفسى معدى 15000 العفشة متغيرة بالكامل والكبالن الالمانى انعم واقوى من بتعتها الاصلية والسرفو بتاع الفرامل بالمستر ركب واحد اكبر منة علشان الفرامل تكون من لمسة العربية تلم ورا وقدام بسرعة من اللمسة وعلى فكرة انا محامى بس عندى هواية شد العربيات من زمان والسباقات ووالدى عندة مركز صيانة دا الى بيساعدنى وطبعا حجات كتير معدلة فالعربية بحيث تكون ماشى 170 بكل ثبات وثقة وتجميع العربية ملوش حل وعلى فكرة انا شفت ناس كتير فى السوق شدة عربيات كتير وطابة فيها اسعار خيالية وبتبيع وبتلاقى الزبون الى يقدر وانا واثق انك لو شفت العربية وركبتها هتسعرها اكتر من كدة وهتعجبك
ربنا يباركلك فيها طبعا ويكرمك .....انا اقصد ان 83 كانت احسن موديل في التمانينات وكل اناس كانت بتقول عشان كانت على كارونه و قطع غيارها رخيصه....طبعا اكيد لو شفت عربيتك زي ما انت بتقول كده اكيد تستاهل اكتر من كده كمان :)
طبعا كلك زوق ورايك مهم جدا لان فعلا العربية الى على كرونة وكردان اقوى جدا من الكبالن بس انا عاوز اكسب نعومة الكبالن فاستبدلتها بكبالن المانى اقوى وفيها جهاز امتصاص للذبذبةعلشان تحصل على القوة المطلوبة والنعومة من غير ونة ولا اصوات
وشكرا طبعا على رايك وزوقك
الكورلا من اول 84 شكلها فعلا افضل من الموديلات اللى قبلها بس اعتقد 33 الف صعب لان اللى هيشترى هيلاقى عربيات موديل تسعينات وبالسعر دا ومنهم سيات ابيزا وسوزكى سويفت وغيرهم فطبعا هيفضل التسعينات وحتى لو عربيتك دواخل فابريقة برضه لا تزيد عن 26 الف وربنا يكرمك فى بيعها
على فكرة انا استفدت منك لانك تسعيرك للسيارة مظبوط لان دا السعر الى انا شارى بية بس فى سوق المستعمل الركيب يقول العربية بحالتها مش بمودلها يعنى كان عندى فرونتيرا 6 سلندر اتوماتيك موديل 86 بعتها 85000 طبعا سعر خيالى بس العربية راكب لها كرويلية كامل 2006 يعنى متحدثة زيها على ابوة بتعمل 13000 و14000 وكمان فية المرسيدس ناس بتجيب المرسيدس سبعينات وثمانينات وتحدثة بيقولو عليها مالفنة فى الحالة دة الزبون بيدفع