مساء الخير يا رجالة بس انا فعى محتار عندى مشوار يوم الأحد وطالع من المنصورة وعاوز اروح الدقى ومن شارع التحرير فى الدقى لشارع فيصل ومن سارع فيصل عاوز اطلع 6 أكتوبر ومنها هرجع تااااانى لمدينة نصر الحى العاشر ....يعنى ودنك فييين يا جحا ..... معلش لو اى حد يفيدنى يقولى اعمل ايه لأنى معملتش مشوار زى ده قبل كده ؟؟
بص يا باشا
اولا من المنصوره للدقي:
حتدخل عادي لحد مفارق المنصوره مع بنها وتطلع الطريق الزراعي ومنه تدخل علي الدائري (الطلعه الأولي) اللي عند غبور،، تمشي حوالس 12 كيلو حتلاقي منزل ميدان لبنان علي يمينك بعد منزل 6 اكتوبر علطول
من الدقي لفيصل:
حتدخل شارع جامعة الدول وتكمل طوالي في اتجاه شارع السودان (يعني علي يمينك شارع شهاب) وتاخد شارع السودان شمال وتمشي حتسيب اول كوبري وتطلع الكوبري التاني وتنزل منه كده انت في فيصل
من فيصل بقي لـ 6 اكتوبر انا مش عارف الطريق بالظبط بصراحه بس حتطلع دائري وتنزل نزله المحور او نزلة 6 اكتوبر او ممكن ترجع ميدان لبنان تاني وتاخد المحور من اوله ونفس الكلام من اكتوبر لمدينة نصر اعتقد مفيش طريق احسن من الدائري
أنا مع الأخ الفاضل بخصوص أول مشوار اللى هو الدقى يعنى هتاخد الدائرىاقتباس:
المشاركة الأصلية كتبت بواسطة m.osama
أما عن مشوارك من الدقى لفيصل فحضرتك هتاخد شارع السودان من أخر شارع التحرير(اللى هو البحوث)ولاداعى لجامعة الدول مع احترامى الشديد للأخ الفاضل وهتاخد شارع السودان شمال وتطلع الكوبرى وتنزل انت كدا فى شارع فيصل
أما مشوارك من فيصل ل6 أكتوبر مع احترامى للأخ الفاضل أنسب حاجه ان حضرتك هتاخد شارع فيصل لأخره لغاية ميدان الرمايه ثم من الرمايه لأكتوبر الأمر سهل جداً
وحضرتك راجع من أكتوبر هتاخد الدائرى على حسب المكان اللى انت فيههولومش بتحب الدائرى تعالى من شارع الهرم(موازى لفيصل بس هو افضل لإنه متحرك شويه يعنى بالظبط اكنك ماشى فى شارع فيصل)لغاية كوبرى الدقى ى شمال وخد كوبرى أكتوبر من شارع البطل أحمد عبد العزيز وانزل نزلة مدينة نصر
وتيجى وترجع السلامه إن شاء الله....أتمنى نكون أفدنا حضرتك
واللام عليكم ورحمة الله وبركاته
شكرا جزيلا يا جماعة على الرد انا مسافر كمان ساعتين وكنت مستنى الرد وبدأت افقد الأمل ... من غيركم كنت هتوه بكره .... شكرررررا
انا ارجح هذا الرأي لاني بحب الدائري عشان بيمشي اسرع شوية من وسط البلد . وطبعا مع كامل احترامي لبقية الاراءاقتباس:
المشاركة الأصلية كتبت بواسطة m.osama