الموضوع: العربية ديه بغزاله !

المشاركة الأصلية كتبت بواسطة Deshahcoka

صباح الفل يا بشوات !

مساء الفل :)

النهاردة الواحد صحي مع الفراخ و العصافير عشان يروح الامتحان و العربية كانت راكنة بتاع يومين عشان الواحد كان نفسيته تعبانة و مفصول من الدنيا مش عاوز يشوف وش حد ! :) المهم دورت النهاردة و بعد دقيقة مشيت و مستنيتش عبال متسخن كنت مستعجل المهم بعد ما سخنت الواحد جه يشد الاقي العربية بتعوم و بعد ال 80 الطارة بترعش ! انا اتجنيت قلت اكيد الكاوتش نام! ركنت على جنب ابص! الفرد تمام! المهم ركبت تاني و قلت ايه العباطة ديه ! المهم حبة كدة و قمت حارق جامد قلت ممكن السقعة مخلية الموتور بارد ! المهم العرربية كان سحبها وحش ولا كأنها سيراتوا ال كنت راكبها! قلت اكيد العربية ديه اتنظرت ! المهم رحت الامتحان ركنت و بعديها بساعة قمت مشغل و قلت لازم اشوف ايه المشكلة ! قمت جايب ستريب ترونيك و من الوقوف من اول الغيار 1 لحد الغيار 3 اخره جابت 160 مرة واحد من غير ماشيل رجلي من فوق دواسة البانزين و فجأ يقابلني عربية قمت كابس فرامل على الاخر السرعة نزلت ل 80 بعد ما abs اشتغل لحد ما قال يا بس في 10 متر كدة ! و قمت معدي العربية ديه ! المهم من بعديها و الاقي العربية قلبت بوجاتي ! الفرامل حساسة قوي ! و الموتور مش مستني ادوس بانزين و تلاقيه بيشد ! و لما جيت ركنت بعد ما قدتها شد و غرز ! لقيت العربية ديه من ناحية الكاوتش بطلع صهد :) في عز السقعة بقى :)

والله معنديش تفسير وأنا على فكره مبسخنش العربيه بردو
بدور وأطلع على طول
بالتأكيد أدائها بيختلف من بارده لسخنه بس مش تعوم على 80 ولا ترعش دركسيون
مفيش سبب وجيه يخلى العربيه تعوم على 80 دى أبداً :)
ملهاش علاقه بسخونه موتور ولا غيره :)

استنتجت الاتي ! انوا مع الحرق العربية لما تسخن و الموتور يسخن و الطنباير يسخن الاداء بيبقى احسن ! لما تشد فرامل اليد كذا مرة لما تسخن بتكلبش جامد و تقدر تعمل درفتات ولا مايكل شوماخر !

خد بالك بس محدش ضامن حاجه

اوقات لما اخد اليوتيرن و احب اعمل درفت الاقي صوت 4 طقات كدة متواصلة منتظمة ! هل ده يدل كوبلن ؟ مع انوا بتذهر كل فين و فين يعني ! مش اساسي عند كل يوتيرن ( كسرة الدركسوين على الاخر )

مقدرش أجاوبك لأنى مش بدرفت

انتوا عارفين انوا اكتر السرعات ما بين 60 - 120 الواحد بيبقى ماشي الغيار التاني و التالت !

هل كترة الحرق على الغيار التاني و تثبيت السرعة عليه فيها مشكة ؟ يعني تفضل ماشي علية و rpm عالي هل يحرق الترس مثلاً ؟ ولا اشطة ؟

لا مفيشأى مشكله غير الى أنت قلته أنك "حارق"
يعنى عد لترات وأنت ماشى على الrpm العالى دا
لكن طالما أنت تحت الريد زون متخفش لا على موتور ولا فتيس كل ما هنالك أنك هتكيش بس

الكاوتش و الزوايا بيأثروا على قوة الفرامل و السحب صح ؟ لانوا انا ماشي بالاستبن بعد ما الفردة فرقعت فبقا الاستبن نقشة و الاعاجلة التانية نقشة تانية خالص !

مش فاهم السؤال!
بس بالنسبالى أهم شىء فى العربيه هو الكاوتش
وبعتبره أصل كل شىء وأساس حركه العربيه "حتى فيزيائياً"
سرعتها وفرملتها وثبتها وهو المسؤل عن كل شىء
لو كاوتشك محترم
بجد ممكن تعمل كل شىء
ومش عارف أزاى نقشه الاستبن عندك مختلفه؟!

العربية داخلة على صيانة ال 40 و بصراحة انا هلكت الموتور حرق و كيك داون على طول ! ( انا محافظ على تغير الزيت و الفلتر بانتظام و تنظيف فلتر الهواء ! هل حلاقي الموتور ولا الفتيس تعبوا من كتر الحرق و الكيك داونات ؟! و الفرامل تكون تأثرت ؟ سيبك من التيال :) اشطة يعني :)

كتر الحرق زى موضحتلك طالما تحت الريد لاين لا يضير الموتور فى شىء مطلقا
وزى مقلت غايه ما هناكلك أنك هتدفع فلوس بنزين كتير والعربيه من الاساس متتوصاش :)
أما بخصوص الكيك داون بالتأكيد كل كيك داون لابد أنها بتأصف عمر الفتيس
لذا بلاش كيك داونات كتير بدون داعى
أنا عاندى تحرق من الثبات على كل الغيارات أفضل متسقط نقله
أذا أحرق برحتك لكن كيك داون على فترات متباعده
وبخصوص الفرامل اذا كان مش هامك التيل مش مشكله لكن خد بالك بيخلص أمتى ومتسرحش بيه
علشان الطنابير غير كدا مش مشكله

و زي ما قلت في موضوع تاني انا اوقات بمور و انا بدوس فرامل على سرعات و بجيب الغيار تاني و انا ماشي و اوقات بحرق على ال n و اخلي العربية تنتش بس عمري ما اسقط غيار و ال rpm عالي ! بستناه يوطي لحد 1.5 كدة بعد الحرق على المور و اديها d ! في مشاكل ؟

أيه الكلام دا :)
وأيه علاقته ببعضه :)
أقصد بتعمل أنجين بريكينج؟؟
لو دا قصدك أوك مش مشكله بس بتفرمل وتسقط نقله مش لازم تمور "دا لو أنا فهمك يعنى :)"
وبخصوص التسقيط سقط على أى عدد لفات مش مشكله

يعني من الاخر هل الحرق على المكنة و الشد و الجري و الغرز و تسقيط غيارات في سرعات مناسبة و امشي على ار بي ام عالي فيه مشاكل على العربية ؟

بيتهيألى جاوبتك :)

حاجة تانية انا اخر مة غيرت زيت ال 5 الف و لاقيت العربية خفيفة و فرقت في السحب و بقت اسرع! ( قال يعني زادت 1000 سي سي ) هل في مشاكل في ال 5 ؟ ولا لازم ارجع 10 ؟ انا بحس انوا ال 10 الف تقيل على المكنة !

لادا بقى أحساس ملوش علاقه بالواقع :)
وغير 10 وريح بالك لا 3 ولا 5 ومتقلقش على المكنه :)

ايه رأيكم يا احلى بشوات !

انا بيحصل معايا كدة بس فى الفرامل بس :)

الكيكات بتجيب قواعد موتور يا غالى :)
الفرامل الجامده هتاكل تيال :) اشطه يعنى ..بس هتاكل طنابير :) اشطه ؟؟ :)