المشاركة الأصلية كتبت بواسطة abogogo
رجال الماروتي العظام " العظام مش جايه من العظم اللى في اللحمه لاء جايه من العظمة وطبعا العظمة لله فارجال الماروتي العظام مجازا و ... ايه اللى انا بقوله ده .. " ماعلينا الدكتور حدد واللورد وافق امال فين الديمقراطية مش ناخد رأي باق الشعب
اولا العبور قريب مني بس هنروح فين يا دكتور كارفور ولا جيرولاند ....؟!! والمقطم برد والكافتريات هناك دبح ومعناش موزز
هنروح هناك ليه ؟؟!! وهنفتح على نفسينا فتحه في البيت أمام الحكومة
روحت المقطم ليه ؟؟ وسين وجيم والذي منه
وتحلف ميت أمين انك ماتعرفش مرفت يميين
اقتراحي انا طالما هيكون صباحا يبقى سيبوا اختيار الموقع عندي انا اولا هنتقابل عند مسجد الرفاعي والسلطان حسن أعظم بناء تاريخي اسلامي طبعا من الناحية الهندسية هنركن السيارات جنب سور القلعة وندخل نصلي بعد الصلاة هنمشي على رجلينا في شارع الضرب الاحمر حتى بوابة المتولي والخياميه هنصعد على البوابة والمأذنه ونشوف القاهرة الفاطميه القديمة ونتمشي في الغورية حتى الحسين وناخد شارع المعز لأخره حتى بوابة النصر مرورا بأعظم الابنية الهندسية الاسلامية وكأننا رجعنا الى عصر الفاطميين والمماليك والعثمانيين وعند بوابة النصر لنا جلسه مع سندوتشات زيزو نتانه اعظم سندوتشات
في القاهرة القديمة ومن هناك امامنا حلين العودة رجالا وده صعب لاننا عجزنا بدري والحل التاني اننا نقسم نفسينا على تاكسيين ونرجع تاني مكان السيارات نقف شوية نتسامر وناخد شوية صور
كل المطلوب نلبس احذية سهلة الخلع واللبس عشان هنخلع الاحذية كتير وكاميرا تصوير
عشان هتشوف مناظر متأكد محدش منكم شافها قبل كده
اخونا بتوع الجيزة هيجوا من ناحية السيدة عائشة وبتوع القاهرة من ناحية صلاح سالم حتى القلعة ويدخل يمين اخونا محنش يتفق مع اقرب واحد وينسق معاه
ده اقتراح ايه رأيكم فيه ؟؟!!
المفضلات