الي خبراء اجهزة الكمبيوتر الأوريجينال

عرض للطباعة

22-01-2011, 01:20 PM
ehab_mansour

الي خبراء اجهزة الكمبيوتر الأوريجينال

السلام عليكم اخواني
عندي جهاز كمبيوتر ديل بالمواصفات دي
Dell Dimension E310 tower
hd 320 gb sata
ram 1 giga
الجهاز ده حاليا مش بيشتغل بحطه في الكهرباء بيعطي فلاش للمبة الباور لونه برتقالي وبس ومافيش اي استجابه أخري
جربت الرامات ونظفتها وفصلت عنه كل حاجه فيه وبحاول اقوم البوردة ومافيش خالص اي استجابة
المهم غيرت الباور بتاعه بأخر شغال وبرده لم تحل المشكلة
ياريت لو حد عنده حل للمشكلة دي من خلال اصلاح البوردة الخاصة بالجهاز او يعرف حد او عنده حل يرد عليا لأن بوردة مختلفة في التصميم عن اللي بيتباع يعني حتي مش عارف اغيرها بواحده جديدة
وجزاكم الله خيرا
22-01-2011, 01:55 PM
bassem.naguib

جرب تعمل كلير سيموس .. يا أما تشوف البطارية بتاعة الجهاز كويسة ولا فاضية .
22-01-2011, 02:59 PM
ehab_mansour

اقتباس:

المشاركة الأصلية كتبت بواسطة ziabassem

جرب تعمل كلير سيموس .. يا أما تشوف البطارية بتاعة الجهاز كويسة ولا فاضية .

هحاول وربنا يسهلها
جزاكم الله خيرا علي المتابعة والرد
22-01-2011, 06:04 PM
memo_p910

غالبا عندك مشكلة فيجا كارد لكن المشكله غير واضحه من وصفك ليها
22-01-2011, 06:12 PM
mrwho1982

في صوت صفارة بيطلع من الجهاز ولا مابيجيبش حاجة خالص
22-01-2011, 07:43 PM
ehab_mansour

شوفو يا جماعه انا عملت ريسيت للبيوس وشغلت ولا حياة لمن تنادي مافيش ولا حركة لمروحة ولا صوت لأي شيء نهائيا
فقط يعطي فلاشر لضوء برتقالي للمبة الباور واللي هيا في العادي بتضيء أخضر بس
يعني البوردة مش بتقوم نهائيا وجربت باور سبلاي تاني وبرده نفس العطل و علي موقع ديل الدعم الفني بيقولو ان المشكلة باور سبلاي او بوردة وانا جربت الباور ولكن لو بوردة لن استطيع تغييرها لأنها مش زي اللي موجود في السوق من حيث المخارج والتثبيت وكذلك وصلات أزرار الباور وغيره
22-01-2011, 08:02 PM
mrwho1982

روح عند السخاوي مول اللي في مصر الجديدة وهاتلاقي البوردة

او النخيلي بس النخيلي غالي شوية
22-01-2011, 08:13 PM
windofchange

بشمهندس ايهاب خير ان شاء الله عموما كحل نهائي احتمال كبير تلاقي الجهاز ده بيتباع استيراد او استعمال الخارج في كوين سنتر جنب سوق العصر ده بتاع التصليح واللابات الاستيراد والكاسات الاستيراد ......بس ده حل نهائي لأن اذا لاقيته معتقدش هيقل عن 850 جنيه كاسه كاملة او تشوفلله بورده استيراد مفكوكة من جهاز متكسر......وطبعا ممكن تصلحه هناك ويكشفوا عليه ويقلك العيب ايه قبل التصليح وفي كذا واحد بيصلح هناك ربنا يعترك فواحد كويس
23-01-2011, 06:45 AM
pro_samir

Dell Dimension E310 + A Blinking Orange Power Light - ط¨ط.ط« Googleâ€ڈ

مشكلة باور

جرب الأول افصل الكهربا خالص و فك كل الكروت ونضفها وشوف بطارية البورده سليمه ولا لأ

لو مشتغلش طالما مش الباور سبلاي شوف حد بيصلح بورد يشيك علي دايره الباور في البورده غالبا فيها حاجه محروقه هيغيرهالك من أي بورده قديمه
23-01-2011, 08:20 AM
ehab_mansour

جزاكم الله خيرا جميعا علي سرعة الرد والاستجابة وفعلا استفدت من كل الردود وجاري محاولة حل المشكلة ان شاء الله
23-01-2011, 10:50 AM
Conspirator

السلام عليكم

باشا انا كنت شغال فى وكيل Dell عشان متتعبش نفسك هى مشكلة بورده لو جربت تغيرها فى الوكيل هتدفع مبلغ محترم لو الجهاز بره الضمان او عليك وعلى كوين مول فى مصر الجديدة جنب سوق العصر ده بتاع المستعمل ممكن حد يصلحهالك هناك او تلاقى وحده استعمال وربنا يوفقك ان شاء الله
23-01-2011, 01:15 PM
ehab_mansour

اقتباس:

المشاركة الأصلية كتبت بواسطة conspirator

السلام عليكم

باشا انا كنت شغال فى وكيل dell عشان متتعبش نفسك هى مشكلة بورده لو جربت تغيرها فى الوكيل هتدفع مبلغ محترم لو الجهاز بره الضمان او عليك وعلى كوين مول فى مصر الجديدة جنب سوق العصر ده بتاع المستعمل ممكن حد يصلحهالك هناك او تلاقى وحده استعمال وربنا يوفقك ان شاء الله

جزاكم الله خيرا مهندس محمد علي النصيحة الغالية وان شاء الله هحاول انزل كوين مول ادور له علي حاجه او اصلحه ولو ما نفعش هغيرله بوردة وخلاص