-
بعدين مع غبور
الاخ غبور زود سعر الفيرنا الهاف بقت ب67000 والفل ب70750و الاوتوماتيك77250 و الاسعار كانت 65750و 69250و 75750 حد يقدر يقولى اخرتها ايه و الاخ رئيس شعبة السيارات طالع يقول العربيات الكورى و اليابانى هترخص %2.5 من اول 2011 عشان جمارك الاوروبى هتنزل هما بيضحكوا على مين بالظبط مفيش حاجة واحدة رخصت كله زاد ايه الجشع ده
-
هي دي مصر
صلي علي النبي
الماتريكس اوتوماتيك بقت ب 100 الف
و النيو اكسنت اوتوماتيك في آخر ايامها كانت ب88 الف
-
مع احترامي الكامل لهيونداي واني واحد معايا فيرنا
ولكن يا شباب بنفس قيمة الفيرنا تقدر تجيب عربية افضل واحسن
ليه عندنا عقدة هيونداي؟!
احنا نقدر نقول لا ولما نقول لا والاقبال على هيونداي يقل لازم هيراجعوا نفسهم في الاسعار
يعني حاجة زي اللوجان ايه يعيبها؟!
حاجة زي الساجا ايه يعيبها؟!
هننقل على فئة تانية يبقا ننقل على الجين تو والبيرسونا والصني وما شابههم
هنطلع لفئة زي السوناتا مثل ايبقا حرام اني اجيب عربية زي السوناتا ب 300 ألف جنيه!
قدامي حجات زي ال فولفو s60 او s70 ابتداء من 140 ألف جنيه ودي تضرب السوناتا بالجزمة سواء بالرفاهية او الكماليات او شكل العربية ويكفي انك راكب فولفو مش هيونداي كوري
للأفس احنا كشعب اول مينوي يجيب عربية جديدة يفكر في هيونداي ودا اللي بيخلي الوكيل يتحكم في المستهلك زي ما هو عايز
احنا نقدر نقول لا وفيه بدايل كتير جدا وبدايل كويسة مش وحشة وأثبتت كفاءتها بل انها احسن من هيونداي بكتير!
-
الكلام ده صحيح
بس مثلاً أنا لما كنت ما بشتري ماكانش فيه إلا الفيرنا
و لا كان فيه لوجان و لا ساجا و لا اي حاجه,,,و لا فيات إلا بونتو كلاسيك و كانت اغلي من الفلوس اللي معايا ساعتها ده غير الموتور الضعيف
لو كانالساجا و اللوجان موجودين كنت هفكر فيهم قطعأ
بس إحقاقاً للحق ,,, الفيرنا ممتازه معايا و مريحاني,,مفيش أي مشاكل من أي نوع الحمد لله
-
-
انا مش بعيب في هيونداي
ولكن فيه قاعدة اقتصادية جميلة جدا
القيمة = الكفاءة
ودلوقتي هيونداي قيمتها لا تساوي الكفاءة المطلوبة
لأن فيه حجات موجودة حاليا بتدي كفاءة افضل من هيونداي
يبقا سوري في التعبير غباء مني اني اصر على هيونداي رغم ان قدامي بدايل افضل !
دي وجهة نظري وانا احترم كل وجهة نظر طبعا
-
وجهة نظر صحيحه طبعاً و كلنا ضد الجشع و المغالاه في الأسعار بدون سبب
-
هو بس اللى بيزود ؟ اى وكيل حيلاقى اقبال حيزود ؟؟ احنا فى مصر حتى لو لغوا الجمارك تماما برضة الاسعار
حتزيد ؟؟ للاسف كله سداح مداح ؟؟؟؟؟؟
-
في كل فئة سعرية في عربيات مسيطرة
...
انا لو كانت الساجا موجودة ايام ما كنت بشتري.. كنت جبتها عشان بحب بروتون و هي احسن عربية في الفئة دي فعلاً .. لو بنبص على آدااااء و ليس الإقتصادية في التشغيل .
Ranger
مع احترامي
انزل اقرب معرض لأبو الفتوح
افتح باب سبرانزا تيجو و اقفله .... (ارزعه عشان يتقفل)
و بعدين روح اقرب فرع لرينو
افتح باب اللوجان و اقفله (....)
و ابقى قوللي لاحظت اية :)
-
في الحقيقة انا مجرب الساجا واللوجان
اللوجان بابها عادي وبيتقفل بسهولة جدا على فكرة
Content Relevant URLs by
vBSEO 3.6.0 PL2