الموضوع: أيه أحسن لون فى جين 2 - 2011

المشاركة الأصلية كتبت بواسطة elmadawy

كان معايا الرمادي لون جميل جدا لكن مش معقول اجيبة تاني فانا اخترت الفضي

هو الفضى قريب جداً من الرمادى ... وبعدين معاك حق علشان تحس بالتغيير برضه ... مبروك مقدماً وربنا يباركلك فيها

المشاركة الأصلية كتبت بواسطة elzamalek

هاتهم كلهم

4 ردود كل رد قال لون
على فكرة في لون ابيض كمان
بس في الدفعة الجاية
انا محتار زيك بس انا حيرتي اكبر علشان انا محتار في اللون و كمان النوع ( جين 2 ولا بيرسونا اليجانس )

ياريت أجيب الأربع ألوان حد يطول يبقى عنده ألوان جينا كلها وكل يوم بعربية بقى



انا كنت زيك فى الأول بس حسمت الموضوع شكل الجين صراحة لا يقاوم وبعدين انا أول ما فكرت أجيبها مكنش عاجبنى غير شكلها ولما عرفت أمكانيتها اتمسكت بيها أكثر ... أنا حاسيس بيك والله بص شوف انت بتستريح لآنهى شكل فيهم .. ومحتاج العربية دلوقت ولا ممكن تستنى لشهر 3 ... وبيتهيألى الأليجانس هتبقى أغلى ... وصلى صلاة أستخارة وتوكل على الله ...

المشاركة الأصلية كتبت بواسطة khpopo

الابيض
ربنا يوفق

شكراً ياباشا الأبيض تقربياً فى الدفعات اللى جاية بعد كده

المشاركة الأصلية كتبت بواسطة Tarek Gen 2

اى لون ما عدا الاسود

شكلك كاره اللون أوى ياطارق

المشاركة الأصلية كتبت بواسطة spiderloking

الاسود ملك الالوان بس متعب شويه في التنضيف لو مش هتهتم بيها اوي يبقي بلاش الاسود و خليك من وجه نظري في الاحمر ولك الاختيار حبيبي ماكيم

فعلاً ملك الألوان بس لو يخترعوا حل فى البهدلة بتاعته ديه... محدش هيركب غيره

المشاركة الأصلية كتبت بواسطة Nistelrooy

انا لو اخترت

هختار رمادي او ابيض

ودي مسالة اذواق :)

طبعاً ياباشا أذواق بس لا خاب من أستشار

شكراً لردكم وكل اللى شارك فى التصويت
محمد خلف

المشاركة الأصلية كتبت بواسطة raul_7

بلاش أبيض, شفت واحدة في التوكيل 2009 كان شكلها صعب قوي بصراحة, خصوصا لو لاقدر الله خدت كام حكة في الاكصدامات بيبان عليها قوي إنها متبهدلة.

رأيي أحمر يا رمادي, و الأحمر مش منتشر قوي.

معاك حق يامحمود الأبيض صعب جداً وخصوصاً بعد التاكسى الجديد :)

طب سؤال هو الأسود فعلاً بيأثر على التكييف وكفائته فى الصيف؟؟!!

:w_030:

المشاركة الأصلية كتبت بواسطة Mkaem

طب سؤال هو الأسود فعلاً بيأثر على التكييف وكفائته فى الصيف؟؟!!

:w_030:

شوية مش كتير

الاسود فخم جداً... لكن مشكلته أنه لازم بواب يمسحها كل يوم.

الرمادي... (لون جينتي) .. وقور وجميل... بس عيبه أنه منتشر قوي... اللون الشعبي يعني :)

الأحمر... (المارلبورو زي ما بيقولوا) تحفة ورياضي و مميز جداً جداً جداً و ملفت... بس فاقع شوية فهو مناسب أكتر للبنات أو للشباب الصغير.. كنت محتار بينه و بين الرمادي وجبت الرمادي لأني (احترمت سني)

الأبيض .. مميز لندرته... واطمن... الجين2 عمرها ما حتدي انطباع التاكسي لأن تصميمها سبور وشكلها بنت ناس :) المرات اللي شفت فيها جين بيضا لفتت نظري جداً وحسيت انه لايق عليها... بس موضوع البهدلة بتاع محمود ده معرفوش بصراحة.. وكمان بيتهيألي الأبيض سهل ترم الخدوش فيه من غير ما تبان... ؟؟ مجرد فكرة !!

الفضي... عن نفسي ما حبيتهوش بس هو جمع مميزات الأبيض في عكس الحرارة وكده ومميزات الرمادي..
لو حيعملوا نبيتي... أبيع عربيتي وانزل أجيبه... لأني متوقع انه حيكون تحفة على الجين2

الأزرق... (لو نزل) مميز جداً لندرته و ملفت برضه... بس ميزته انك مش محتاج خرزة زرقا... العربية كلها زرقا :)

النحاسي جميل برضه... وليه عندي معزة خاصة جداً جداً ... والمدام كان نفسها فيه جداً... بس ربنا لم يريد..

وبيتهيألي لو نزلوا جين2 خضرا أو بمبي مسخسخ برضه حتبقى عروسة و ملفته و شيك... لأن القالب غالب :)

حيرتك زيادة ... صح؟؟
هو فعلاً موضوع محير....
استخير ربنا .... ولو متجوز أو خاطب خد رأي المدام بجدية لأنها ممكن تكرهك في اللون لو مش مقتنعة بيه... (هم ليهم أسلوب خاص :) )

بارك الله لك فيها مقدماً

المشاركة الأصلية كتبت بواسطة m.3abdel3al

شوية مش كتير

عاش من سمع صوتك... :)
انت فين يا راجل غطسان من زمان؟؟

المشاركة الأصلية كتبت بواسطة م.محمد مختار

الاسود فخم جداً... لكن مشكلته أنه لازم بواب يمسحها كل يوم.

الرمادي... (لون جينتي) .. وقور وجميل... بس عيبه أنه منتشر قوي... اللون الشعبي يعني :)

الأحمر... (المارلبورو زي ما بيقولوا) تحفة ورياضي و مميز جداً جداً جداً و ملفت... بس فاقع شوية فهو مناسب أكتر للبنات أو للشباب الصغير.. كنت محتار بينه و بين الرمادي وجبت الرمادي لأني (احترمت سني)

الأبيض .. مميز لندرته... واطمن... الجين2 عمرها ما حتدي انطباع التاكسي لأن تصميمها سبور وشكلها بنت ناس :) المرات اللي شفت فيها جين بيضا لفتت نظري جداً وحسيت انه لايق عليها... بس موضوع البهدلة بتاع محمود ده معرفوش بصراحة.. وكمان بيتهيألي الأبيض سهل ترم الخدوش فيه من غير ما تبان... ؟؟ مجرد فكرة !!

الفضي... عن نفسي ما حبيتهوش بس هو جمع مميزات الأبيض في عكس الحرارة وكده ومميزات الرمادي..
لو حيعملوا نبيتي... أبيع عربيتي وانزل أجيبه... لأني متوقع انه حيكون تحفة على الجين2

الأزرق... (لو نزل) مميز جداً لندرته و ملفت برضه... بس ميزته انك مش محتاج خرزة زرقا... العربية كلها زرقا :)

النحاسي جميل برضه... وليه عندي معزة خاصة جداً جداً ... والمدام كان نفسها فيه جداً... بس ربنا لم يريد..

وبيتهيألي لو نزلوا جين2 خضرا أو بمبي مسخسخ برضه حتبقى عروسة و ملفته و شيك... لأن القالب غالب :)

حيرتك زيادة ... صح؟؟
هو فعلاً موضوع محير....
استخير ربنا .... ولو متجوز أو خاطب خد رأي المدام بجدية لأنها ممكن تكرهك في اللون لو مش مقتنعة بيه... (هم ليهم أسلوب خاص :) )

بارك الله لك فيها مقدماً

ما شاء الله تحليل جميل لكل لون ... عاجبنى أوى تسلم إيدك

وفعلاً حيرتنى بس لابد من الأختيار

حتى الاستطلاع الرمادى والأحمر زى بعض والأسود قريب منهم

ربنا يسهلها إن شاء الله ... وشكراً ليك ياباشا