علشان كدة اشتريت خط اتصالات ورميت فودافون
عرض للطباعة
علشان كدة اشتريت خط اتصالات ورميت فودافون
نفس المشكلة لقيت خط فودافون اتحول من كل المصريين الى حكاوى المصريين !!!
و رجعت حولته دلوقتى و اخدو الجنيه حار و نار فيهم !!!
انا النهاردة رحت اتصالات عشان احول الرقم الراجل افتى وقالي لازم من فودافون اجيب "رقم الحساب" اروحلهم اجيبه او اخده من خدمة العملاء
الكلام ده صح؟
وهل لازم يكون معايا العقد ؟
للاسف الكلام ده ما خلانيش انجز في الموضوع
لما كنت اتصالات - يا سلام على ديه ايام - المهم كنت اتكلم الاقى تييين الرصيد و تكلفه المكالمه من غير اشتراك ولا مجموعه مختاره
لمارحت للدارك سايد مافيش اى استبحس حتى عشان اعرف الرصيد لازم ادفع اى حاجه لازم ادفع - رغم انى كان معايا خط موبينيل اللى بيقولوا عليهم ناس من زمان كان فيه خدمه شباك ميه شباك و كلها منافع من اول الرصيد اشحن ليك و للجيران كلمنى شكرا و الباك كود و حاجات كتير بس فودافون ولا ليهم اى حاجه
الرصيد فى موبينيل و اتصالات فيه البركه بس فودافون مقطوعه البركه
الله يجازيكى خير - انا كنت فاكر ان فيه حاجع غلط فى النمره بتاعتى عشان مراتى فجأه بقت تقدر تشوف تكاليف المكالمه و انا لأ طبعا هاتك يا غيظ و خطك اصله بدائى و كلام كتير
من يومين جاتلى رساله ان الخدمه اشتغلت عندى و عشان الغيها اتصل برقم معين
طيب طالما اقدر الغيها ليه ماقدرش اشترك فيها!!!
حاجه تجيب صداع -
ربنا يعدى الشهور ديه على خير و نبقى مع الاحرار
جايلك يا ابو كمال
مستنييييييييييك يابو طارق
قوة ملاحظة
تصدق مخدتش بالي طول الفترة دي
ولا فهمت الكومنت
اتصالات حلوة جدا
شركة محترمة فى التعامل وخدمة عملاء مريحة جدا
بس المشكلة الوحيدة فى اتصالات هى الشبكة
للاسف فى كل مكالمة بلاقى الشبكة ضعيفة
واوقات كتير الاقى الصوت فصل لمدة كام ثانية وبعد كدة رجع تانى
لو بس يظبطوا الشبكة بتاعتهم يبقوا فعلا احسن شركة فى مصر
من قبل ما إتصالات تفتح .. وأن قرفان من موبينيل وفودافون ... بعد مدة 7 سنوات معاهم
موبينيل : ماكانش الرصيد فيها بيتسرق ولكن لازم عشان أعمل مكالمة أكون دافع فيها مكالمتين تلاتة أربعة خمسة عشان أعرف أقول اللى عايزه لأن المكالمة بتفصل في النص دايما (وطبعا إنتوا عارفين إن الدقيقة زمان كانت بـ 1.75 قرش للدقيقة .. ولما رخصت بقت 1.5)
فودافون : طول عمرها بتسرق في الرصيد وأنا من النوع اللى كنت لما أعمل شوية مكالمات قليلة أشوف رصيدي على طول بعدها بـ 20 قرش .. وعلى طول بياكلوا في الرصيد بدون مبرر
وطول عمري كنت كاره حركة كارت الشحن اللى الواحد كان بيجيبه بـ 120 جنيه عشان ينزله رصيد 85 جنيه .. تحس إنها سرقة وإبتزاز علني .. ببجاحة منقطعة النظير
ولما غيرت النظام لنظام الفاتورة (كان عشان يبقى عندك خط فاتورة لازم تثبت إنك "مليونير" ... عندك رصيد في البنك لايقل عن كذا وتمتلك شقة مش عارف فين وتدفع مش عارف كام مقدم وشوية شروط غريبة كدا) كانت الفاتورة بتدخل في 1400 جنيه شهريا (أنا كنت كاتب كتابي أيامها وكان شغلي في العريش آه) بس برضه كنت متأكد إني مش أنا اللى عامل المكالمات دي كلها لإني أساسا مش من النوع اللى بيتكلم كتير مهما كان الأمر
عشان كده من قبل ما إتصالات تفتح وأنا كنت حاجز رقمي على السايت بتاعها ومن أول ما فتحت والخط بتاعي إشتغل على إتصالات ... جبت الشرايح بتاعة فودافون وموبينيل وولعت فيها بشوية جاز كان ممسوح بيهم السلم بتاع العمارة بتاعتنا بعد ما كان البواب بتاعنا مستلفه من بواب العمارة اللى جمبينا بعد ما مسح بيهم هوة كمان سلم العمارة بتاعتهم وهو أصلا كان شاحتهم من واحد ميكانيكي كان بينضف بيهم العدة بتاعته
وبصراحة بعد تعامل لمدة 3 سنوات مع إتصالات أقدر أقول إنهم فعلا السيستم بتاعم محترم ومنضبط أكتر من كافة الشركات العاملة في مجال الآي تي في مصر .. وعمري ما حسيت إن رصيدي معاهم بيضيع أو إن عروضهم غير حقيقية
وكده كده ماكانش فارق معايا ارقام موبينيل وفودافون
بجد من اراء كل الناس اتصالات حاليا افصل شركه فى مصر
ومن تجربتى خط فوادفون مرمى استقبال بس وخط اتصالات مكالمات و رصيد حقيقى وعروض حقيقه
نصحيه حول لاتصالات على الاقل شركه بتحترم العميل بتاعها
هى فيها مشكلة واحدة يمكن محدش حيلاحظها قدى
الانترنت موبايل بتاعها بطئ حتى وهى على ال 3.5g
فودافون الانترنت موبايل اسرع الضعف تقريبا مش عارف لية ... على نفس الموبايل وفى كذا مكان
n.y.s.m.a اسمه ديرتي جاز ههههههههههههههه
ههههههههههههههه والله انتم شوية اعضااااء ذى السكر
بجد ياريت شعب مصر يبقى كلة ذى المنتدى دة بأسلوبة و طريقة نفكيرة وتحضرة وادبة
ده استهبال فهمي رسمي نظمي >>>>>>>>>>>>>>
انا دخلت علي مشكلتك بصفحه فودافون بالفيسبوك وظبتهم
هما عرفوا انك كنت متضامنه معايه في المشكله بتعتي وبطالبي بالتحويل اتصالات
فقالوا ننتقم منها بقي ههههههههههههههههههه
والله العظيم انا اول مره اشوف فودافون في الحال السئ
ربنا يطلعنا من الشركه دي علي خير
أيوة
دلوقتي لما حد بيكلمك على فودافون ...... هو بيدفع سعر مكالمه من الشبكة بتاعته لفودافون .... و انت بتدفعي تمن مكالمة من فودافون لاتصالات ...... و ده في اي شبكة على فكرة لان ده معنى كلمة تحويل مكالمات
فيه حل اقل تكلفة ...... و اريح
شغلي خدمة البريد الصوتي (مجانا) على خط فودافون ..... و سيبي رسالة ان رقمي تغير و أصبح كذا كذا ...... (و قوليه مرتين عشان اللي ما يلحقش يكتبه) و اعملي تحويل لكل المكالمات عالبريد الصوتي ..... و كده اللي هيتصل بيكي مرة هيكتب النمرة و بعدها هيتصل على طول عالرقم التاني
بتتحاسب على المكالمات المحولة بسعر دقيقة المحمول من التليفون الي محول منه (في حالتك فودافون) للتليفون الي بتستقبل عليه (في حالتك إتصالات)
يعني لو جالك إتصال من اي شبكة او خط ارضي او دولي هو بيتحاسب عادي بسعر الدقيقة الخاص به سواء محلي او دولي وانت بتتحاسب اكن فودافون بيكلم إتصالات حسب خطة اسعار فودافون للنظام المشترك انت عليه.
هاهاهاه
مانت واخد رقم زي الفل بتمن زي الفل
ده انت تبيعه ب 3 اضعاف دلوقتي :-)
معايا خط زيرو الف وفي الاخر صفرين شايلة برايفت ليا
حاجة كدة عظماء عظماء يعني (بلغة الوسيط) هاهاهاها
وواحد موبينيل برضه نفس الكلام
الاتنين بعلبهم :-)
بعشرتاشر جنيه عشان انت جاري بس :-)
بجد بجد
نفسي اخلص من فودافون بقي بس للاسف الونس الموبايل عندنا يا فودافون يا موبينيل واتصالات مادخلتش الشركة غير داتا بس
وطبعا مش هاضحي بال اللونس عشان خاطر عيون بوكمال :-)
ايه اللونس ده يا كريم
انت كل كام يوم تطلع باختراع غريب
مرة في الاكلات ومرة في الاتصالات
طيب حضرتك اللى حيكلمنى ويتحول على البريد الصوتى كده حتتحسب عليه مكالمة ولا لأ ؟؟
وبعد اذنك ازاى افعل خدمة البريد الصوتى ؟
كمان سؤال دلوقتى لو انا معنديش رصيد فى فودافون حيبقى ايه الوضع فى المكالمات اللى بتجيلى عليه وانا محولاها لاتصالات .. حيبقى وضعها ايه ؟؟
شكرا يأستاذ أحمد
للأسف أغلب عروض فودافون لازم يبقى فيها تريكه وما بيعملوش عروض واضحه زي اتصالاات كده عشان كده انا محول اتصالات من 3 سنين زي الفل وناس محترمة جدا
Allowance يعني مصروف او بدل بتصرفه له الشركة
بالظبط حضرتك جبتي المفيد :)
اللي هيكلمك و يتحول عالبريد الصوتي هتتحسب عليه دقيقة ..... بس لو فكرتي فيها .... هي مرة واحدة بس هتتحسب عليه و هيعرف الرقم الجديد و مش هيكلمك عالقديم تاني ........
البريد الصوتي في فودافون على ماافتكر كان 808 و تتابعي التعليمات و توصلي في المنيو للجزء بتاع تسجيل الرسالة و تسجليها ...... بعد كده من تليفونك تدخلي على Call Divert أو تحويل المكالمات و تعملي Divert All Calls او تحويل جميع المكالمات على 808 ......... كده اللي هيتصل هيسمع رسالتك المسجلة ....... و جربي بعدها تكلمي نفسك و شوفي ايه اللي هيحصل
يا عم هو انت ماشي ورايا تنق عالكرسي وبدل الموبايل :-)
اه يا ضهري
اه يا ودني :-)
يا باشا اللي بيشتغلو في المشتريات بيكلمو معظم المودين على الموبايل فبينزلهم بدل موبايل
وجب اتصالات هنا الشركة كبيزنس
بس مقدروش يكملو الديل مع الشركة
مع انهم خسرو جامد لان خجم الموظفين والعمال مقرب على 4 الالاف
تخيل بقي لو خدولهم الف من ال 4
المبيعات عندهم ضايعه ضايعة :-(
جبتهم وعملتلهم ميتنج ووفرتلهم فرصة عمرهم مع كل مفوضين الشركات
وفشلو برضه
غالبا الونس ده اللى هو allowance
و يا كريم البنت لسه بتتكلم تعيط
انا لسة مغير نظام ثوانى حلو
الثانية ب 3 مليم و الدولى ب 5 قروش لكل الارقام و معاهم الارضى كمان
كلم 880
الحمد لله شكيت في نفسي و لقيت نفسي لسة على كل المصريين ربنا ...