فودافون بتستهبل استهبال رسمي

**أبو إياد** · 22-01-2011 05:43 PM

طول عمرى باستخدم فودافون استقبال فقط لا غير

**A_H_M_A_D** · 22-01-2011 06:36 PM

الموضوع ده فعلا حصل من حوالي شهر ونص كده

من غير مقدمات لقيت موبايل مراتي جاي عليه رسالة بتقول أنت الان على نظام حكاوي المصريين , استغربت جدا و سألتها إنتي حولتي نظامك قالتلي ابدا والله

كلمت خدمة العملا و سألتهم إيه حكاية المسج دي؟ قالولي يا فندم إحنا حولنا كل اللي على نظام كل المصريين لنظام حكاوي المصريين (من غير إذن يعني بلطجة رسمي فهمي نظمي )

قولتلها معنى كده إن نظام كل المصريين إتلغى ؟ قالتلي لأ لسه موجود و ممكن تحوله تاني بأنك تكلم نمرة كذا

المهم بعد ماحولت لقيت إن تكلفة التحويل واحد جنيه , يعني بحركة بلطجة و فهلوة سرقوا جنيه من كل عملاء نظام كل المصريين يعني ملايين من غير أي سبب غير السرقة و البلطجة

بصراحة كان نفسي أقدم فيهم شكوى رسمية في جهاز تنظيم الإتصالات من كتر ما كان دمي محروق , بس للأسف كبرت دماغي

**أبو إياد** · 22-01-2011 06:49 PM

المشاركة الأصلية كتبت بواسطة nonetta

من 3 ونص تقريبا بدأت اعتمد على اتصالات جنب فودافون
من سنة ونص تقريبا استغنيت عن فودافون نهائيا وركنته بعد ما عرفت كل اصحابي واهلي نمرة اتصالات
في ناس فودافون كانوا بيتصلوا بفودافون بيقولولي غير متاح ويكسلوا يطلبوا اتصالات
عملت له تحويل مكالمات وهوة مركون في الشنطة وكان في رصيد .. بابص في الرصيد لقيته زيرو .. اتاري كل مكالمة بتجيلي متحولة بيخصموا من رصيدي
سبته وقلت والله ما انا شاحناه خليه مركون

عملتى زيى لما كنت باخد اجازه فى الشغل القديم بحول الخط بتاعى على خط فى المكتب وهو يوم واحد كان التحويل خلصلى كارت ب 100 لان الاتصال بيتحسب من رصيدك زيك زى اللى متصل حسب مدة المكالمه

**ashouhdy** · 22-01-2011 06:49 PM

هههه حركة جامدة جدا يلموا بيها ملايين ... اللى عايز يرجع يرجع بس يدفع جنية !

**nour_nrc** · 22-01-2011 06:55 PM

اتصالات افضل

وخصوصا خلوا التحويل بين الشركات بنفس الرقم
25 جنيه بس

**korkor** · 22-01-2011 07:02 PM

على فكره واضح انهم عملوا كده لكل الناس فى نفس الوقت بس للامانه الدقيقه الاولى بس اللى ب 29 قرش وبعد كده الدقيقه ب 19 قرش لسه مكتشف الموضوع برده ومحول من يومين

**Ahmed Nouh** · 22-01-2011 07:03 PM

موقف مشابه حصل فى موبينيل من فترة ، كان نظام الـ 3 ارقام اللى ببلاش من 12 ل 6 مساءاً بيتيح لى اكلم الارقام دى بـ 5 قروش باقى اليوم

فجأة بعتولى رسالة ان التكلفة بقت 10 قروش بدلاً من 5 قروش والدقايق المجانية زادت تقريباً نص ساعة

واقعياً انا بصراحة مشوفتش النص ساعة ومظنش انها حقيقة ولا عايزها بس هو اجبار وخلاص

المشاركة الأصلية كتبت بواسطة miss_mona

طيب يعنى الحاجات دى مبتحصلش فى موبينيل واتصالات خالص

مين قال ، كنت دايما احس ان رصيدى فى موبينيل بيتقلب واقول على نفسى بيتهيألى وازاى ده سيستم وشغال

لما بقا عندى خدمة معرفة تكلفة المكالمة بقا الشك يقين لدرجة انى قعدت اسبوع بالورقة والقلم ورا كل مكالماتى ولقيت ان فى اوقات كتير المكالمة مثلا بيقولى اتكلفت 20 قرش لكن الرصيد اللى باقى نقص عن المكالمة اللى قبلها بكام ساعة حوالى جنيه والموبايل كان فى جيبى مستعملتوش نهائى

ركنت الخط على كدا ومبقتش استعمله غير بسيط لحد ما ابقى احوله ، ده بجانب ان مثلا عرض ال 3 ارقام اللى من 12 بليل لـ 6 مجانا لعدد دقايق معين ابقى مخلصتش حتى نص الدقايق على نفس الرقم واكلمه الساعة 5 الاقيه حسبها على بفلوس !!!!

-

-

الموضوع: فودافون بتستهبل استهبال رسمي

LinkBack

أدوات الموضوع

عرض

-

-

-

المواضيع المتشابهه

قطع الغيار بتستهبل يافوزية

جوجل أندرويد بتستهبل يا فوزيه

العربيه بتستهبل

صيانة 60 الف كم و استهبال رسمي من المراكز المعتمدة !! لازم eim تشوفلها حل

الكلمات الدلالية لهذا الموضوع

المفضلات

المفضلات

ضوابط المشاركة