المشاركة الأصلية كتبت بواسطة shaddadfalcon1
انا قالع الدبله من ايام الخطوبه عشان كانت بضايقني ومره واحد بيقولي ان واحد صاحبه كان عايز يركب عربيه والسواق مشي وهو لسه علي الباب والدبله شبكت في حديده من العربيه وصباعه اتبهدل وانا كنت لسه مجبتش العربيه قلت وعلي ايه وادي الدبله وقمت رميها في الدرج وضاعت علي كده
اما مراتي فهي اعقل مني عملت ايه بقي؟
كانت عايزه تشتري خاتم قامت بايعه الدبله ومكمله عليها وشاريه الخاتم
يعني احنا الاتنين مش لابسين دبل لاني مش مقتنع بيها اساسا
الدبله في القلب مش في الايد
انا عن نفسي مستعد اعمل اي حاجه عشان مراتي: من اول ان اقعد معاها في البيت لحد ان اصرف عليها هي والعيال
بصراحه كل مابقي شايل منها اي حاجه افتكر ساعه ولادة محمد وابراهيم
لسه اول البارح ابراهيم عمال يعيط لحد الساعه 2 بالليل وبقت مش قادره وبرده مش عايزه تصحييني ولما انا صحيت قالتلي انا ضهري اتكسر قمت واخده منها وشايله لحد مانام واستريحت شويه