هو ينفع ايرباجز تفتح من مطب أو حفرة؟!

واحد صاحب أخويا معاه فورد فوكس 2007...بيوصل أخويا و يدوب أخويا نزل قدام البيت و صاحبه بيلف بالعربية سمعنا صوت فرقعة و دخان أسود...افتكرنا الكاوتش فرقع ...رحنا عند العربية و عينك ماتشوف الا النور....العربية ادمرت...كل الحكاية ان فيه بلاعة عالية شوية في وسط الشارع...بس انا بعدي عليها بلانوس و وبونتو و سبيرانزا و مش بيحصل حاجة...اخو صاحبي حاول ياخدها في نص العربية راحت خبطة في حاجة تحت و مرة واحدة الايرباجز فتحت!!!!!!!!!
الايرباجز هي االي عملت صوت فرقعة و الغطا بتاع الايرباجز طار و كسر الازاز الامامي كمان!!! أنا عارف ان ممكن حادثة بسيطة تسبب في فتح الايرباجز بدون داعي لكن العربية تتهبد في حفرة أو مطب تقوم الايرباجز فاتحة!!!! ده خراب بيوت لانها هتكلف 10 او 15 الف عشان تتصلح

واحد صاحب أخويا معاه فورد فوكس 2007...بيوصل أخويا و يدوب أخويا نزل قدام البيت و صاحبه بيلف بالعربية سمعنا صوت فرقعة و دخان أسود...افتكرنا الكاوتش فرقع ...رحنا عند العربية و عينك ماتشوف الا النور....العربية ادمرت...كل الحكاية ان فيه بلاعة عالية شوية في وسط الشارع...بس انا بعدي عليها بلانوس و وبونتو و سبيرانزا و مش بيحصل حاجة...اخو صاحبي حاول ياخدها في نص العربية راحت خبطة في حاجة تحت و مرة واحدة الايرباجز فتحت!!!!!!!!!
الايرباجز هي االي عملت صوت فرقعة و الغطا بتاع الايرباجز طار و كسر الازاز الامامي كمان!!! أنا عارف ان ممكن حادثة بسيطة تسبب في فتح الايرباجز بدون داعي لكن العربية تتهبد في حفرة أو مطب تقوم الايرباجز فاتحة!!!! ده خراب بيوت لانها هتكلف 10 او 15 الف عشان تتصلح

الخبطة ممكن كانت جامدة في الموتور من تحت وتقريبا الايرباج ليه سنسور وعلى حسب حساسيته يعني ابن خالتي معاه اسبرانزا تيجو وقع في حفرة عمقها 5 متر العربية اتدشملت على الاخر والايرباج مافتحش اما موضوع الغطا اللى طار وكسر الزجاج دي غريبة يعني على كده ممكن الواحد مايتعورش من الحادثة يتعور من الغطاء :tongue32:

شوف الفيديوهات التحفه دي

YouTube - Air Bag Knocks Guy Out Cold Video

YouTube - old lady hits car with grocery bag..

متستغربش ولا حاجة الاير باج مبيفتحتش فى الحوادث اد ما بيفتح من النقر والمطبات والارصفة عندنا :] العيب مش فى العربية العيب غالبا فينا اننا عايشين فى البلد دى لا واية راكبين عربيات كمان يا جبروتنا يا اخى :]

اقتباس:

---

المشاركة الأصلية كتبت بواسطة abogogo

الخبطة ممكن كانت جامدة في الموتور من تحت وتقريبا الايرباج ليه سنسور وعلى حسب حساسيته يعني ابن خالتي معاه اسبرانزا تيجو وقع في حفرة عمقها 5 متر العربية اتدشملت على الاخر والايرباج مافتحش اما موضوع الغطا اللى طار وكسر الزجاج دي غريبة يعني على كده ممكن الواحد مايتعورش من الحادثة يتعور من الغطاء :tongue32:

---

هي فعلا الخبطة رزعت جامد ناحية الموتور.
بالنسبة لغطاء الايرباجز هو بيطير في اتجاه الازاز و الايرباج بتتجه ناحيتك...يعني هو ممكن يكسر الازاز بس ما ينفعش يخبط فيك عشان الايرباج بينكم

حد يعرف هي بالتقريب تكلف كام؟

ينفع..... بص على المشاركة بتاعتي في الموضوع دا http://www.nilemotors.net/Nile/198064-a.html

اقتباس:

---

المشاركة الأصلية كتبت بواسطة ecybrarian

ايرباج ايه إللي بيسأل عليها..الحمد لله على سلامته اهم..عربية تانية الله اعلم كان طلع منها عامل ازاي..عموما الايرباج مدارس..يعني الفرنساوي والفورد مثلا ممكن الايرباج تفتح من رصيف او بلاعة طالما خبطت سلاح شاسية..اما الياباني مثلا الايرباج ماتفتحش إلا لو الخبطة دخلت على التابلوة (سمعت جوة الصالون)

---

متابع وعايز اعرف كده يبقى العربية معيوبة ولا هو ده الصح؟

حصلت من فترة مع واحد صاحبي معاه رينو ميجان الشكل القديم برضه نزل في مطب متوسط والأيرباجز اتفتحت والدنيا اتبهدلت عنده. في انتظار تفاصيل الأصلاح.

اية ده اية الفيديو بتاع الست العجوز ده ؟؟ ده حقيقي دي الست نامت وهي بتعدي
بس الراجل فزعها وخد الي فية النصيب

للأسف فعلا الكلام ده وعشان كده فيات عمله 2 سينسور واحد في الأول بيعمل لوك للحزام وساعتها بتغير الحزام والسينسور والتاني على شاسيه العربيه أول ما الخبطة تسمع في الشاسيه الإيرباج يفتح

طيب يا جماعة عندي سؤال بعيد عن الموضوع شوية .. بالنسبة للناس اللي بتلبس نظارة طبية اية ظروفها لو لا قدر الله الايرباج اتفتح .. انا معنديش ايرباج بس بسأل عشان لو في يوم من الايام غيرت العربية دي حاجة ممكن اقلق منها ؟؟

اقتباس:

---

المشاركة الأصلية كتبت بواسطة osamalover

طيب يا جماعة عندي سؤال بعيد عن الموضوع شوية .. بالنسبة للناس اللي بتلبس نظارة طبية اية ظروفها لو لا قدر الله الايرباج اتفتح .. انا معنديش ايرباج بس بسأل عشان لو في يوم من الايام غيرت العربية دي حاجة ممكن اقلق منها ؟؟

---

النظارة بتطيـــــر :36_3_10[1]:

اقتباس:

---

المشاركة الأصلية كتبت بواسطة osamalover

طيب يا جماعة عندي سؤال بعيد عن الموضوع شوية .. بالنسبة للناس اللي بتلبس نظارة طبية اية ظروفها لو لا قدر الله الايرباج اتفتح .. انا معنديش ايرباج بس بسأل عشان لو في يوم من الايام غيرت العربية دي حاجة ممكن اقلق منها ؟؟

---

مش عارف ايه ظروف النضارة بس انا أعرف ان مرة واحدة ست مناخيرها اتكسرت من الايرباج عشان كانت مقربة الكرسي من الدركسيون...المفروض الوضع الصح تكون ذراعيك مفرودين للاخر وانت بتسوق بس في ناس بتحب تقرب الكرسي شوية عشان تبقي مالكة الدركسيون و ده بيخلي الايرباج تخبط فيهم جامد
بس برده يا جكاعة لازم تعرفوا ان الهدف الاساسي للايرباج حماية السائق في حالة الحوادث من الاصابة الشديدة و الوفاة و بصراحة في ناس عملت حوادث موت و طلع من العربيات من غير خدش بسبب الايرباج و في مقابل السلامة دي بتدفع فلوس اكتر في تمن العربية و فلوس اكتر في تصليح الايرباج و كمان بتتحمل عيوب زي انها تفتح بدون داعي لو حادثة خفيفة

اقتباس:

---

المشاركة الأصلية كتبت بواسطة osamalover

طيب يا جماعة عندي سؤال بعيد عن الموضوع شوية .. بالنسبة للناس اللي بتلبس نظارة طبية اية ظروفها لو لا قدر الله الايرباج اتفتح .. انا معنديش ايرباج بس بسأل عشان لو في يوم من الايام غيرت العربية دي حاجة ممكن اقلق منها ؟؟

---

البس عدسات لاصقة!!!

اقتباس:

---

المشاركة الأصلية كتبت بواسطة wael17

مش عارف ايه ظروف النضارة بس انا أعرف ان مرة واحدة ست مناخيرها اتكسرت من الايرباج عشان كانت مقربة الكرسي من الدركسيون...المفروض الوضع الصح تكون ذراعيك مفرودين للاخر وانت بتسوق بس في ناس بتحب تقرب الكرسي شوية عشان تبقي مالكة الدركسيون و ده بيخلي الايرباج تخبط فيهم جامد
بس برده يا جكاعة لازم تعرفوا ان الهدف الاساسي للايرباج حماية السائق في حالة الحوادث من الاصابة الشديدة و الوفاة و بصراحة في ناس عملت حوادث موت و طلع من العربيات من غير خدش بسبب الايرباج و في مقابل السلامة دي بتدفع فلوس اكتر في تمن العربية و فلوس اكتر في تصليح الايرباج و كمان بتتحمل عيوب زي انها تفتح بدون داعي لو حادثة خفيفة

---

معلش يا باشا تعديل بسيط الوضع الصح هتلاقيه فى مانيول العربيه وهو ايدك بتبقى واخده شكل الزاويه المنفرجه يعنى لا تبقى مفروده على الأخر ولا الشكل العمودى والضهر لازم يبقى بزاويه معقوله وكل دا عشان الاير باج يديك اعلى حماية

وفعلا الاير باج دا حاجه مهمه جدا جدا وبيقلل من اضرار الحوادث بشكل كبير هو وحزام الامان فعلا يا شباب حزام الامان دا امااااااااان ومش عيب ان احنا نشد حزام الامان اذا كان شوماخر بيشد حزام الامان وهو سايق يبقى انا وانت منشدوش :36_2_33:

اه نسيت ارد على حته بتاعت الازاز هيا الكبسوله بتاعت الطاره بتتنقسم ل 2 و الغطاء بتاع علبه الاير باج الى فى الداش بورد يفتح لفوق مش بيطير ولا حاجه وفعلا بيسبب سرطان فى الازاز لاكن مبيكسروش وربنا يكفيكم ويكفينا شر الحوادث

شوارع مصر الجميلة محتاجة حساسات من نوع معين مزودة بكمبيوتر من بتوع وكالة ناسا علشان يحاول يفهم تعقيد التكنولوجيا الي مصمم بيها الطريق المصري ونوع الاسفلت الي من ايام الفراعنة بطلو يستخدموة لانو نوع بايظ