وهوو انا بنبعت السلام ليكم جميعا :)))
الحمد لله طلع واقف على رجلة
عرض للطباعة
وهوو انا بنبعت السلام ليكم جميعا :)))
الحمد لله طلع واقف على رجلة
قدر الله وما شاء فعل
حمد لله على السلامة
مع احترامي لكلامكم
هل المفروض ان عربية بالسعر ده وبالمواصفات دي المفروض يكتفي انه نزل سليم ؟؟؟؟؟؟؟؟؟
هل فيه خطأ ولا لا ؟
فيه
طيب ليه الانكار والعناد لمجرد اثبات ان الصناعة الالماني او الجيتا لا يعلي عليها
العربية بالطريقة دي فيها كارثة وكان ممكن تموته
وللي بيقولوا كويس انه خرج سليم ومن غير ايرباج بقولهم يبقي كدة الجيتا اسوا من الفيات 125 اللى كانت معايا لاني عملت بيها حادثة مشابهة لكن اسوا كنت على كوبري كفر الزيات الجديد وبسرعة 150 كيلو والعجلة ورا شمال فرقعت فجاة وخبطت في الحاجز الاسمنتي شمال والعربية ردت وخبطت فيه تاني ولفت حوالين نفسها 3 او 4 مرات وخبطت في الحاجز الاسمنتي اليمين
الخسائر الرفرقين اليمين والشمال والجنب الشمال شوية خبطات خفيفة وفردتين كاوتش خلفي
بس المشكلة ان الايرباج مفتحش بردو
يا سيدي الفاضل ما جري لتويوتا في العالم كله بدا بحادثة واحدة في امريكا ورفضت تويوتا الاعتراف بخطاها فتوالي كشف الحوادث وفي النهاية اعترفت بالغيب اللى في عربياتها وسحبت العربيات بعد ما سمعتها اتبهدلت واتمسح بيها الارض
ملحوظة
ليه الناس مش بتقبل النقد لعربية معاها
والله نقد العربية ليس له اي علاقة بمالكي العربية
لو حضرتك بتتكلم عن الكورولا ال 2010 الفضى اللى اتقلبت فى جبل في سيناء تقريبا
حماية المستهلك الزمت الوكيل انة يدفع 20000 جنية علشان الايرباج اللى مفتحتش
ولجنة تحليل الحوادث قالت لصاحب العربية احمد ربنا ان الاير باج مفتحش علشان هو مكنش لابس الحزام ولو كان الاير باج فتح كان ممكن يموتة
بس الاير باج بتاع العربية كلة كان مفتوح عدا اير باج الطارة فقط هو اللى مفتحش
فعلا زى ما ياسر قال .. الجيتا حوادثها كتير مش عارف ليه.
ممكن كان فك الإكصدام الأمامى قبل كده ومكان السينسور إتغير أو اللى كان شغال فى العربية بوظة أو كان فاكرة فيشة زيادة وقطعها (بتحصل فى مصر)
طيب يا جماعة سؤال عام
هو الايرباجز المفروض انو بيتفتح على سرعة كام؟؟؟
اصل فيه واحد قالى ان الايرباج بيتفتح لو العربية اتخبطت وهى عالاقل ماشية عال60؟؟؟؟
وفيه واحد تانى بس هو كلامه مبتقش فيه اوى قالى انه شاف اوكتافيا اتخبتت وهى راكنة والايرباج اتفتح؟
اولا حمد لله على سلامته و ربنا يكفينا كلنا الحوادث و شرها
ثانيا اكيد طبعا الاير باج لما مفتحش ده عيب وحش فى العربيه
بس مش معنى كده انها عربيه وحشه
حط اى عربيه تانيه و شوف كان ايه اللى هايحصلها
و الحمد له على كل شىء و اللى ربنا كاتبه هايكون
سواء بقى عربيه المانى او هند او صينى
ب ايرباج ب كيس باج باى حاجه
اللى مكتوبله هايشوفه