اكشف على الجين 2 فين وبكام ؟؟

**egawady** · 22-01-2011 08:28 PM

انا بفكر اشترى جين 2 كسر زيرو ... بس كنت عاوز اسأل ملاك بروتون كام سؤال ...

عاوز اعرف سعر الكشف على العربية فى التوكيل كام ؟
( طبعاً كشف شامل لحالة العربية موتور وشاسية وعفشة وتكييف وبودى ...... إلخ )

وهل لازم احجز الأول للكشف ولا أروح على طول ؟

وهل أروح الفرع الرئيسى أحسن اللى فى الصحراوى ولا أى فرع ممكن يقدم الخدمة ؟

وهل فى مراكز صيانة أخرى غير التوكيل بتشتغل فى البروتون ؟

والكشف الشامل ده بياخد وقت قد اية ؟

وشكراً جزيلاً لكل ملاك البروتون

**mohamed1992** · 22-01-2011 08:40 PM

متابع +11111111

**MEGAREKAB** · 22-01-2011 09:27 PM

سيدى الفاضل / egawady

سلام الله عليكم ورحمته وبركاته .....

أولا......

ألف ألف مبروك على إختيارك الموفق وربنا يكتبلك ويقدرلك الخير أينما كان.....

ثانيا .....

الكشف على السيارة فى أى مكان عادى المهم يكون يا إما التوكيل يا إما مركز خدمه معتمد لدى التوكيل ...

نصيحتى ليك إنك تسأل صاحب العربية اللى هتشترى منه هو كان بيعمل الصيانه بتاعته فين وتروح تعمل التشيك بتاعك فى نفس المكان وبالمرة تطلع على ملف العربية علشان تعرف إيه كل اللى إتعمل قبل كده وهلا ظهر فيها شىء ولا لاء ....
دى نصيحتى ليك وماتفكرش فى مسأله التكاليف نهائى لأن مهما كانت التكاليف هتكون أهون من الفلوس اللى هتدفعها فى العربية نفسها...

نصيحة أخيرة ....

ممكن حضرتك تقولى ليه كسر زيرو ؟؟؟؟ وكام الفرق بين الكسر والجديدة خالص....

لو المسأله متعلقة بالماديات ، ياريت ترد عليا عالخاص..

أسف على الإطالة بس ماينفعش نقرا سؤال بالأدب والاسلوب المهذب ده اللى بيدل على أخلاق صاحبه وماردش عليه...

إحنا هنا كلنا فى خدمة بعض بطريقه ماتتخيلهاش....

محمد عبد المجيد
الاسكندرية

**Tarek Gen 2** · 22-01-2011 10:44 PM

المشاركة الأصلية كتبت بواسطة egawady

انا بفكر اشترى جين 2 كسر زيرو ... بس كنت عاوز اسأل ملاك بروتون كام سؤال ...

عاوز اعرف سعر الكشف على العربية فى التوكيل كام ؟
( طبعاً كشف شامل لحالة العربية موتور وشاسية وعفشة وتكييف وبودى ...... إلخ )
150
وهل لازم احجز الأول للكشف ولا أروح على طول ؟
ايوة يفضل الرقم 0117872000
و ان محجزتش روح اى يوم عادى من غير حجز بس يفضل ما عدا الخميس و الجمعة و السبت عشان الزحمة
وهل أروح الفرع الرئيسى أحسن اللى فى الصحراوى ولا أى فرع ممكن يقدم الخدمة ؟
اكيد افضل و كمان عشان تبص على الملف القديم بتاع العربية لو كان صاحبها بيروح التوكيل و ده يفرق فى حالة العربية اوى على فكرة
وهل فى مراكز صيانة أخرى غير التوكيل بتشتغل فى البروتون ؟
كتييييير
امير و جوزيف - ورشة فيصل - الغد - عصام صفا - الخ
والكشف الشامل ده بياخد وقت قد اية ؟
حسب الزحمة و الحجز و كدة بس مش كتير حوالى ساعة
وشكراً جزيلاً لكل ملاك البروتون

العفو يا باشا و كلنا تحت امرك

**spiderloking** · 22-01-2011 10:59 PM

زي ما طارق قالك كدا بالظبط بس مدام هتجيب كسر زيرو ليه متجبش زيرو علي طول و يكون احسن حتي تبقي اول واحد يركب العربيه و الفرق مش كبير اعتقد

**egawady** · 23-01-2011 01:01 AM

الف شكر لكل الاخوة الاعضاء اللى ردوا عليا ... وخصوصاً الرد المفصل الخاص بالأخ Tarek Gen 2 .... حضرتك ماسبتش حاجة الا اما رديت عليها ... الف شكر ليك يا باشا ..

أما بالنسبة ليه كسر زيرو ... طبعاً الموضوع متعلق بالماديات .. اللى اعرف ان الجين 2 الاوتوماتيك فوق التسعين .. وانا حدودى القصوى فى السبعينات ... يمكن الفرق ده مايكونش كبير بالنسبة لناس كتير .. لكن بالنسة ليا فرق كبير .. طبعاً فكرت فى قرض بالفرق ده واجيب الزيرو ( طبعاً الزيرو زيرو برضو ) ... لكن انا مش عايز احمل نفسى اى أعباء إضافية خصوصا ان الواحد وراه التزامات كتيييير ...

وشكراً جزيلاً لكل الأخوة الأعضاء .....

**spiderloking** · 23-01-2011 01:30 AM

طيب ليه متحطش ال70000 دول في قسط و ساعتها هتقسط ال 25000 دول كل شهر كلام فارغ خالص و هتبقي انت المستفيد

**solghof** · 23-01-2011 02:06 AM

المشاركة الأصلية كتبت بواسطة spiderloking

طيب ليه متحطش ال70000 دول في قسط و ساعتها هتقسط ال 25000 دول كل شهر كلام فارغ خالص و هتبقي انت المستفيد

+1111111111111
بس لو لقيت الاقساط هاتكتر عليك ماتحملش نفسك فوق طاقتها

الموضوع: اكشف على الجين 2 فين وبكام ؟؟

LinkBack

أدوات الموضوع

عرض

-

-

-

-

المواضيع المتشابهه

عايز اكشف على البيجو اكشف عليها فين برجاء الاجابة يا خبرائنا

عاوز اشتري اكسارا ٢ اكشف عليها فين وبكام

سؤال لاصحاب الجين 2 انا بس عايز اعرف الجين 2 عربية مكلفة ولا معقولة

يا احلى اعضاء الجين 2 انا عايز محتار مبين الجين ونيواكسنت 1600

لو عاوز اكشف على عربية باسات بره التوكيل.... اكشف عليها فين

الكلمات الدلالية لهذا الموضوع

المفضلات

المفضلات

ضوابط المشاركة