افيدونى. يعنى ايه دهان سيارة فى التوكيل بتفرق ايه انا عربيتى مرشتش بس مليانة خرابيش

**man_faraway** · 22-01-2011 09:32 PM

انا السيارة بتاعتى تمبرا ايطالى مرشتش خالص ولاكن واحد بن حلال مخربشلى السيارة معرفش ليه الله يسامحه باه المهم ممكن ارشها مثلا فى التوكيل حتفرق فى ايه بين ايبها كده وارشها بالوكيل المهم سعرها مينزلش مش ناقصة خسارة افيدونىىىىىىى؟

**mxz911** · 22-01-2011 09:52 PM

بصراحه .. انا نوع من الناس عندى اشترى سياره مرشتش خالص من بره وشكلها يكون معقول نسبيا .. أحسن عندى انى اشترى سياره رشه بره وشكلها حلو !!!

وعلى فكره مش معنى كده ان ا للى رشت وحشه لا قدر الله .. لا بس أحب انى انا ارشها بنفسى سواء ف التوكيل او بره بقى بس ابقى ضامن ان مفهاش حاجه .. حتى بالنسبه للسيارات المعدله وكده .. احب اشترى الحاجه stock واعدلها بنفسى

ف نصيحتى ليك .. لو السياره شكلها كويس مترشهاش خالص .. كده كده اى عربيه فى مصر لازم يحصل فيها الحاجات العاديه بتاعت الشارع المصرى اللى هيه الخرابيش والحاجات دى

**BLOODY_STONE** · 23-01-2011 12:32 AM

رشة التوكيل بتبقى فابريكة عالصاج عالطول ده لو صاج العربية مظبوط 100% مفيهوش خبطات او متصلح قبل كده .. و بتبقى مستحيلة انها تتعرف .. بس خد بال حضرتك من حاجة .. لون العربية بيتغير مع الوقت .. عشان كده بعد ما ترش العربية لو لاحظت فرق بسيط في اللون عااااااادي سيبها هي شهرين او تلاتة في الشمس و تتظبط .. او ممكن تخلي التوكيل يحاول يظبطهالك شوية بس بلاش احسن

**man_faraway** · 23-01-2011 12:34 PM

والله العربية كويسة المشكلة انى عينى بتيجى على الخدوش دة بزعل واتعكنن مفيش حد مثلا بيعالج الامور دى باحترافية وفين الاقى مكان محترم يحترم ادميتى ويحترم السيارة ويتعامل معاها باحترافية مش عك زى الصنايعية المحترمين الى عندهم ضمير اوى اوى الى عندنا اجمل شىء انك تدخل مكان تح فيه بادميتك وانك بتدفع فلوس لها مقابل