عندك كلبظ مقاس كبير ؟

**wassim_nasser** · 23-01-2011 12:19 AM

النهاردة وانا قاعد فى امان الله فى الصيدلية .. وبامر علي الرفوف احصر الدوا الناقص والاقى شاب شكله عجيب (اللهم لا اعتراض .. خلقة ربنا) دخل مادد ايده بعشرة جنيه وبيقولي عايز كامباس مقاس كبير !! .. قولتله افندم؟! .. رجع يكرر بنفاد صبر عندك كامباس مقاس كبير ؟ .. انا استعجبت من الاسم والنطق .. يمكن عشان مخارج الفاظه كانت رايحة مع اللي راحوا ف 73 .. المهم جبت اخرى و عصرت علي نفسى نص لمونة وقولتله طب ايه هوة الكامباس ده؟ قاللي بالراحه وببطء زي مايكون بيوضح الحروف مش كامباس .. مش كامباس .. كلبظ .. !!! هنا انفلتت اعصابى وغصب عنى لقتنى بازعق .. كلبظ يابن ال... الله يخرب بيوتكو انتو بتتحدفوا عليا من انهى داهية ؟ غور ياله لاطلع افتح دماغك .. لقيته ضحك كده وقالي يادكتور اهدا انا عايز كلبظ من اللي بتلبسه العيال الصغيرة !!!! .. فين وفيييييين علي ما استوعبت انه عايز بامبرز ! .. المهم انه بعد مامشى من عندي بربع ساعة دخلت واحدة بتقولي عايزة كوتشى مقاس وسط ......... لا تعليق

**osama.m** · 23-01-2011 12:33 AM

ههههههههه

جامدة بتاعة الكوتشي دي
على فكرة في مناطق بتقول على البامبرز " كادلز" سمعتها كذا مرة يمكن هو كان بيحاول يقولك كدا بس فلتت منه

عندي صاحبي صيدلي من كتر اللي بيحكهولي و من اللي بيتكتب هنا بجد ربنا يكون في عونكم

**A7MED_PHARMA** · 23-01-2011 12:34 AM

كادلز+بامبرز= كالبظ أو أو كامبرز أو طمبرز أو كل إلي ييجي على بالك
طبمرز..دي الفعل المضارع من فعل طمبرة ..وهي إستخدام الطرمبة
ههههههههههههه

**wassim_nasser** · 23-01-2011 12:39 AM

الحقنى يا دكتور احمد ب نص لتر مانيتول ينزل ضغطى اللى على

**wassim_nasser** · 23-01-2011 12:41 AM

هانعمل ايه بس يا حاج أسامة ادينا بنتفرج على افتكاسات البشر

**A7MED_PHARMA** · 23-01-2011 01:07 AM

خد الشلل ده عندك ياعم وسيم

واحد تيتتتتتتتتتتتتتتتتتتتتتت تيتتتتتتتتتتت
وكل التيتتت الي في الدنيا
داخل ياخد روشتة..ويمكن أخد مني روشتة قبل كده
المهم
ماعرفوش ..ولا ليا سابق معرفة ولا اي حاجة
بيكلمني وأنا بطلع الروشتة
بص بيقول إيه بقا
""" ازيك ياأحمد..والنبي ياحمد عاوزين الحقن ياأحمد..حسابنا كام ياأحمد..طيب لو مفيش فكة ياأحمد..ممكن أجي أخد الباقي بكره يباأحمد..ماشي ياأحمد...سلام ياأحمد""""""

إيه كمية الأحمد إلي قالها دي
ومركز أوي إنه يقولي ياأحمد..حاااااااف كده
مع إنه شكله أكيد أصغر مني..مش عارف يعرفني منين علشان يقولي ياأحمد
وأنا مش طبعي إني بعرف أكسف حد
ولوقولتله إسمي ..دكتور أحمد
هيقول بيتقنعر علينا

يادي النيلة

**wassim_nasser** · 23-01-2011 01:43 AM

المشاركة الأصلية كتبت بواسطة a7med_pharma

خد الشلل ده عندك ياعم وسيم

واحد تيتتتتتتتتتتتتتتتتتتتتتت تيتتتتتتتتتتت
وكل التيتتت الي في الدنيا
داخل ياخد روشتة..ويمكن أخد مني روشتة قبل كده
المهم
ماعرفوش ..ولا ليا سابق معرفة ولا اي حاجة
بيكلمني وأنا بطلع الروشتة
بص بيقول إيه بقا
""" ازيك ياأحمد..والنبي ياحمد عاوزين الحقن ياأحمد..حسابنا كام ياأحمد..طيب لو مفيش فكة ياأحمد..ممكن أجي أخد الباقي بكره يباأحمد..ماشي ياأحمد...سلام ياأحمد""""""

إيه كمية الأحمد إلي قالها دي
ومركز أوي إنه يقولي ياأحمد..حاااااااف كده
مع إنه شكله أكيد أصغر مني..مش عارف يعرفني منين علشان يقولي ياأحمد
وأنا مش طبعي إني بعرف أكسف حد
ولوقولتله إسمي ..دكتور أحمد
هيقول بيتقنعر علينا

يادي النيلة

ههههههههه .. حلوة اوى دى .. بس خد من ده كتيييير .. ناس كتير بتقولى يا وسيم والواحد مش بيدق عشان ماحدش يتهمنا بالتناكة ولا التكبر وفى الاول وفى الاخر لما بانده اي حد بإسمه مسبوق بلقبه دي ذوقيات وكل واحد واخلاقه

**A7MED_PHARMA** · 23-01-2011 01:51 AM

منور ياعم هيثم..أنا سبتلك رقم تليفون تاجر عاوز مكوة ضروووووري في موضوع المكوجية
خش شوفه
========================
المهم ياعم وسيم
تعرف والله
ساعات بحس إن الناس إلي عاوزة تثبت لنفسها إنها حاجة مهمة .. وماعندوش ثقة في نفسه
ومش لاقيه حد تتنك عليه
يمشي في الشارع ..يلاقي صيدلية فاتحة
يقول أما أخش أتنك على الدكتور إلي جوه شوية

-

الموضوع: عندك كلبظ مقاس كبير ؟

LinkBack

أدوات الموضوع

عرض

عندك كلبظ مقاس كبير ؟ - انشر الموضوع فى :

-

-

-

-

-

-

-

المواضيع المتشابهه

ألاقي فين جواكيت سيفتي مقاس كبير؟

كاوتش مقاس 185/65 مقاس 15 عامل كام؟

عندك جولف ؟؟ هاتجيب جولف ؟؟برافو و خد عندك

عندك كام سنة؟

عندك عى ألوان

الكلمات الدلالية لهذا الموضوع

المفضلات

المفضلات

ضوابط المشاركة