من خلال تجربتى مع السيارات الكوريه " هيوانداى النترا 2007 "
ده كان اول تعامل ليا مع الكورى قبل كده كان اوبل(كورسا , استرا) متسوبيشى (لانسر99,2000)
سكودا (فليشيا) ديهاتسو (تريوس) بيجو (405)
وكُنت متخوف جدا انى اقوم بالتجربة دية على خلفيه ما اسمعه عن هذه السيارات
لكن وجدت ان الفروقات بين السيارات الكورى واليابانى على سبيل المثال هى فروقات فى درجة الجودة وليس فى عامل الجوده
بمعنى:
عربيتى مثلا التقفيل فيها عاجبنى جدا من ناحية خامات التابلوه , خامات الفرش , مستوى التكنولوجيا
الأداء الممتاز على الطريق , .....
لكن مش عاجبنى مثلا درجة الجودة بتاعت الطلاء حاسسانها بتتأثر بأى شيئ
اوذا كان اليابانى مميز عن الكورى فى درجة الجودة بتاعته (موافق على هذا الرأي)
فالألمانى مختلف تماما عن الجميع (تقيل المانيا) وده رأي ممكن يختلف او يتفق الناس معاه لكن انا بقول اللى جربته
والخلاصة ان
اليابانى - ممتاز ومعمر ويعيش معاك واسعار قطع غيار معقوله نسبيا
الكورى - ايضا ممتاز بس لو باصص انك خلال 3-4 سنوات ناوى تغير واسعار قطع غيار عقولة جدا
الألمانى - الأفضل لكن مشكله ارتفاع اسعار قطع غياره ممكن تكون عائق لناس كتير
الكلام ده رأى شخصى جدا قد يتفق او يختلف معه البعض
المفضلات