الموضوع: مزاد اوتو موتو بين الحقيقة و الضحك على الدقون

قناة أوتو موتو أول مافتحت أنا فرحت جدا و بجد كان كل أحترامى و تقديرى للقناة دى
لأنها فى بدايه أفتتاحها قدمت عروض كويسة جدا زى أنك تبيع عربيتك ببلاش و من غير عموله و تسأل على أمكانيات عربيه أو تستفسر عن حاجة عايز تعرفها طيب كل دة كان حلو و جميل بعد فتره لقينا القناه عملت أتصالات و 0900 عشان تبيع عربيتك طيب من هنا جه فى دماغى فكرة طيب أنتوا بتقولوا البيع من غير عموله أو سمسره طيب ماهو مش 0900 دة سمسره ولا أيــــــــــه ؟ و من اللحظة دى بدأت ثقتى فى القناة تقل و تقل و تقل و تقل و فى لحظة من اللحظات و فى لحظة فراغ منى قولت ياض لف على القنوات إلى بقالك كتير مشوفتهاش و أعرف الدنيا ماشيه أزاى و هوب روحت مزحلق الريموت على قناة أوتو موتو و أتفرجت لقيت فيه مزادات بتتعمل قولت طيب كويس دى خدمة جديدة و هترجعنى أننا أحب القناة دى تانى بس الصدمه أنى لقيت برضة مكتوب 0900 و الكلام دة قولت يا عم عديها مجاتش عليهم و الصدمه الكبيره لقيتها فى طريقة تقديم القناة غريبه جدا و بدائية أوى و تحس إنك بتتفرج على ناس من كوكب تانى أو الناس دى بتعمل كدة عشان حاسة أن الناس إلى بتتفرج على القناة دول من كوكب تانى ماهو يا كدة يا كدة مفيش حل تالت يعنى بصراحه الطريقة مستفزة سواء طريقة التقديم للمزاد أو الأغانى إلى بتتعرض أو الناس إلى بتكسب كمان حسيت إنهم مستفزين يعنى سبحان الله مش معقول صدفة و شروط الأشتراك أغرب و أغرب و أل أية لو ممعاكش فلوس أتصل و هتكسب الفرق بين سعر العربيه و أخر سعر انت بعته دا لو كنت أعلى نسبه طبعا كلام ميدخلش الدماغ و لو دخل يبقى لمؤاخذة يا أما سوء فهم من الجميع يا أما أحنا أتعودنا يتضحك علينا يا أما أنا مش فاهم ... طيب يا ريت لو كلامى صح تقولولى و لو كلامى غلط توجهونى و الله أعلم