الموضوع: عندى قطع غيار اكورد 1984 ماتور ومستلزماته للبيع استعمال

ان شاء الله ربنا يحسنلك بيع المحرك كقطع غيار او كامل بس كنت عايز استفسر هل عملت تغييرات كتير عشان المحرك الجديد فى التانك و طرمبة البنزين والشدادات وبالنسبة للفرامل
وياترى المحرك الجديد نفس السعة برضه 1600 سى سى واثر على اداء و ثبات العربية بشكل ملحوظ ؟؟

طيب يا باشا حيث ان عندك العربية دى
- تقدر تفيدنى بأحوال قطع غيارها و خصوصا الاكسسوارت بتاعتها موجودة و لا لاء؟؟
- و لو موجوده متوسط اسعارها كام ؟؟
- و موجوده عند مين من تجار قطع الغيار ؟؟
- عشان معروض عليا واحدة 83 اوتوماتيك ( متوسط سعرها كام لو حالتها كويسة ) ؟؟
و فى الاخر عربية تستاهل انى اجيبها و لا هتتعبنى فى شرا قطع غيارها ؟؟
و لك جزيل الشكر

المشاركة الأصلية كتبت بواسطة a_aboelseoud

طيب يا باشا حيث ان عندك العربية دى
- تقدر تفيدنى بأحوال قطع غيارها و خصوصا الاكسسوارت بتاعتها موجودة و لا لاء؟؟
- و لو موجوده متوسط اسعارها كام ؟؟
- و موجوده عند مين من تجار قطع الغيار ؟؟
- عشان معروض عليا واحدة 83 اوتوماتيك ( متوسط سعرها كام لو حالتها كويسة ) ؟؟
و فى الاخر عربية تستاهل انى اجيبها و لا هتتعبنى فى شرا قطع غيارها ؟؟
و لك جزيل الشكر

1-بالنسبة لاماكن قطع الغيار :

-حفنى فى عمارات السعودية فى حدائق القبة
-شارع دمشق فيه محل منهم قدام مدرسة الكواكب وفيه محل تانى بعد ميدان الجامع بشوية فى شارع جانبى
-توشكى فى الحرفيين
-ممكن تلاقى قطع غيار استيراد فى الحرفيين فى كذا مكان
- قورة فى جسر السويس
-محل نصر لقطع غيار الهوندا واليابانى فى شارع ابن الحكم بعد ميدان التجنيد
بالنسبة لاسعار قطع الغيار:
شبكة امامية :150 جنيه
فوانيس جانبية :35 جنيه
فلتر بنزين : 15 -20 جنيه
فلتر زيت: 15 جنيه تقريبا
فلتر هواء: 20-25 جنيه تقريبا
مرايه جانبية: 85-95 جنيه
تيل فرامل امامى:50 جنيه
كبالن : 200-210 جنيه تقريبا
كاوتش كوبلن بالشحم الداخلى: 20-25 جنيه

ودى قطع غيار تايوانى بس الاصلى اغلى منها طبعا

الاكورد 82-85 تعتبر الجيل التانى من موديلات هوندا اكورد بس للاسف الاكورد مش واخدة نفس فرصة السفيك فى الانتشار والشهرة
2-بالنسبة لمواصفات العربية: نزلت بمحركين 1600 سى سى -1800 سى سى
12 صمام-88.5 حصان تقريبا-اوتوماتيك ومانيوال-سيدان وهاتشباك.
كماليات:
-سنترال لوك-تكييف-زجاج كهربائى-فتحة سقف كهربا فى بعض الموديلات-فتح التانك والشنطة من الداخل-لوك اطفال-فرش جلد وتابلوه وفرش داخلى بلون العريبة-باورستيرنج ناعم جدا وانعم من سيارات حديثة كتير وبيفصل لما السرعة توصل وتتجاوز ال 100 عشان حفظ الاتزان-فيه مثبت سرعة فى بعض الموديلات.
فيها بعض المميزات اللى مش موجودة فى سيارات حديثة كتير ومنها:
-مؤشرات لتحديد اذا كان الباب مفتوح او مقفول لكل باب على حدة(مش زى كل العربيات يديلك علامة تعرفك ان فيه باب مش مقفول وخلاص ودور انت)
-مؤشر لتحديد اذا كانت الشنطة مفتوحة ولالا
-مؤشرات لفترة تغيير الزيت وفلتر الزيت وفترة الصيانة

الخلاصة:
العربية مريحة جدا ولذيذة بس يشترط الحالة ودى اهم حاجة لكن لو لاقيت حالة ممتازة ومناسبة هتستريح جدا ان شاء الله وربنا يكرمك لكل خير

المشاركة الأصلية كتبت بواسطة lovernan

انا عندى ماتور شغال موتور 1984 خلعه من عربيتى اكورد فيه الكاربرتير شغال قطع غيار كتير هو كامل بالكبالن الخارجيه والداخليه بالاكسات
اللى محتاج اى قطع غيار ممكن نتواصل
وشكرا
ملحوظه انا مش تاجر انا عندى العربيه ديه وغيرت الماتور