الموضوع: طلب من أهل بورسعيد أو الدايسين هناك

السلام عليكم
يا شباب أنا رايح بورسعيد يوم الخميس الجاى ان شاء الله كنت عايز حد يقولى على الاماكن الكويسيه اللى ممكن اشترى منها لبس وبرفانات وشكولاتات تكون حاجات مستورده ومش غاليه قوى انا سمعت ان فيه سوق قديم اسمه التجارى وفى سوق الافرنجىاو شارع الجمهوريه تقريبا ايه الفرق بينهم ولو حد يعرف مكان يقولى الاسم والعنوان وشكرا جزيلا مقدما

المشاركة الأصلية كتبت بواسطة samo9992003

احب اضيف ان بورسعيد بقت تعبااااانه اوى وكل حاجه غاليه اوى ومش نضيفه
احلى حاجه ممكن تتعمل فى بورسعيد انك تاكل سمك وجمبرى بس كده

بس انا مش معاك ان كل حاجه بقت تعبااااااااانه اوى وكل حاجه غاليه اوى


يعنى مينفعش تجمع كل حاجه طبعا نفس الكلام موجود في اسكندريه

والقاهره يعنى كل مكان فيه و فيه (مش فاهم يعنى ايه مش نضيفه الا لو حضرتك رحت تشتري هدوم من الباله)

بالنسبه لموضوع السمك والجمبري برضه انت غلطان فيها

انت تعرف تفرق وانت بتاكل بين الجمبري الصينى والعادي او تعرف تفرق بين سمك المزارع وسمك البحر


لو عايز تاكل صح يبقي تروح البرج واياك وطرح البحر (نصيحه اخويه)


ياريت متزعلش من ردى بس كلامك كله غلط وميصحش