الموضوع: تحذير من النصابين في سوق العقارات والأسعار اللقطة و اراضي القادسية والأمل

(1)

انا اكتر من موضوع عملته للتحذير من اراضي القادسية والأمل بمدينة العبور الجديدة ومازال برضه الناس بتشتري وبتروح تتفرج وفيه اعضاء من المنتدي من ضمن الناس دي انا مش هحتاج اني اقول تفاصيل كفاية التحذير اللى علي موقع هيئة المجتمعات العمرانية ةالتحذيرات اللى بتنزل في الجرايد وبأختصار الأراضي دي لو تنفع للبناء كان شركات الأستثمار العقاري الكبيرة كانت خلصت عليها او اصحابها كانوا بنوها وكل فترة بتحصل ازالة للمباني هناك والأراضي دي ممنوعة من التسجيل في الشهر العقاري ولو رحت تسجل هناك الموظف هيقوللك التسجيل ممنوع وروح اسحب فلوسك احسن لك وده تحذير موقع الهيئة

جهاز تنمية مدينة العبور

تنويه

حرصا من الهيئة على مصالح المواطنين وحمايتهم من الوقوع في إجراءات غير سليمة

عقب صدور القرار الجمهوري رقم (66) لسنة 2009 والخاص بضم مساحة 16409 فدان لمدينة العبور .

تهيب الهيئة بالسادة ممثلى الجمعيات الاتية :-

• جمعية مصر التعاونية الزراعية .
• جمعية الطلائع التعاونية الزراعية .
• جمعية الأمل المنحلة .
• شركة القادسية للإصلاح الزراعي والتنمية الزراعية .
• جمعية مصر الجديدة التعاونية الزراعية .
• جمعية احمد عرابي التعاونية الزراعية .
• جمعية المزارعون العرب التعاونية الزراعية .
• مشروع اتحاد الوفاق ( المقاولون العرب سابقا ) .

• والتي تدخل بعض أراضيها ضمن إحداثيات القرار الجمهوري المشار إليه وكذلك السادة الأعضاء المخصص لهم أراضى من قبل هذه الجمعيات سرعة موافاة جهاز تنمية مدينة العبور بكافة المستندات التي تثبت ملكيتهم للاراضى المخصصة لهم من قبل الهيئة العامة للتنمية الزراعية أو من قبل هذه الجمعيات " محاضر الاستلام - عقود البيع - خطابات التخصيص - ما يفيد السداد - أسماء الأعضاء المخصص لهم الأرض وعناوينهم " .
• وذلك في موعد غايته شهر من تاريخ هذا الإعلان حتى يتسنى اتخاذ ما يلزم للنظر في إمكانية تقنين أوضاعهم طبقا لأحكام القانون رقم (59) لسنة 1979 والقوانين ذات الصلة في شان إنشاء هيئة المجتمعات العمرانية الجديدة واللائحة العقارية الخاصة بالهيئة 0

· للاستعلام الخط الساخن ت / 35366033 .

12/7/2010

تحذير وتنبيه

حرصا من الهيئة على مصالح المواطنين وحمايتهم من الوقوع في إجراءات غير سليمة ونظراً لقيام بعض الشركات بالإعلان بالصحف عن بيع قطع أراضي وذلك بالمنطقة المحصورة بين حدود كردون مدينة العاشر من رمضان شرقا ومدخل مدينة العبور من طريق القاهرة الإسماعيلية الصحراوي وطريق النهضة غربا و طريق القاهرة الإسماعيلية الصحراوي جنوبا وبمساحة (16409) فداناً الصادر لها القرار الجمهوري رقم ( 66 لسنة 2009م) بضمها لمدينة العبور

وبناءً على ذلك

فان الهيئة هي الجهة الوحيدة صاحبة الولاية على هذه الأراضي و بالتالي فإن أي تعامل عليها لا يتم إلا من خلال الهيئة و جهاز المدينة و ذلك بمقتضى أحكام القانون رقم 59 لسنة 1979 في شأن المجتمعات العمرانية الجديدة .

وتحذر الهيئة من التعامل مع أي فرد أو شركة أو جمعية أو أي جهة أخرى وأن أي تعامل يتم بالمخالفة لذلك يقع باطلاً بطلاناً مطلقاً ولا يعتد به من قبل الهيئة مع حفظ حق الهيئة في اتخاذ كافة الإجراءات القانونية . الخط الساخن ت : 19388
مع تحيات هيئة المجتمعات العمرانية الجديدة

(2)

برضه انتشر موضوع الشقق اللقطة التقسيط بسعر كاش ونص التمن
التخفيض يا اخوانا بيبقي في حدود المعقول واقل من سعر السوق بحاجة بسيطة ومحفزة
مش مثلا شقة ب100000ج سعرها في التخفيض يبقي ب60 70 الف ج او سعر غير منطقي وتقسيط.... تلاقي واحد بيبيع الشقة بأقل من سعرها كاش وتقسيط علي 3 و4 سنين
اللى هيبعلك بالطريقة دي هيعمل فيك حاجة من الحاجادت دي
1-هيضربلك المساحة ويحطلك خدمات ومرافق بالعبيط
2-هيأخرلك التسليم ويفضل يشغل الفلوس في مناطق تانية وبالتالي احتمال ميكملش المبني
3-ممكن ينصب عليك ويبيع الشقة لكذا واحد وطبعا علشان انت واخد بسعر لقطة هتجبر نفسك تصبر علي الأستلام وفي الأخر هتتصدم.

في النهاية امشي سليم وخذ بالكلام الواقعي مش الكلام الوردي والحق نفسك قبل ما الحاجة ما تغلي وخذ بأراء الناس اللى فاهمة حواليك ومتتغرش انك تلاقي 100 ولا 1000 واحد رايحين يعاينوا الأرض ولا الشقة و نظام يا تلحق يا متلحق ومتاخدش كلام من اي حد غير لما يكون جهة رسمية او واحد مختص ويكون امين.

أنا شارى فى مدينه الامل من ثلاث سنوات أعمل ايههههههههههههههه