السلام عليكم

دلوقتى انا عندى مشكلة
العربية بتسخن بسرعة أوى و كمان الأمبير بيعدى النص و بيوصل لحد قبل علامة الخطر بحوالى 2 مللى و تقوم ساعتها بس المروحة تشتغل و علشان كدا انا دلوقتى شغال بالزرار اللى بيشغل المروحة يدوى
يعنى كل حاجة شغاله لكن مع الأسف الترموستات بيشتغل متأخر أوى و بيكون الماتور بالفعل سخن جدا
أنا من ساعة مجيب العربية مستعملة قومت وديتها عند كهربائى غيرلى الترموستات و ركب كتاوت للترموستات و لكن الموضوع دا موجود من ساعتها

على الطرق الطوالى الماتور و المروحة بيبقوا تمام و مفيش مشكلة
لكن جوا البلد و الأشارات بلاقى الأمبير بينط فى العالى على طول و المروحة بتشتغل متأخر

مع العلم انى عملت الأتى
1- نظفت الرادياتير عند متخصص و غيرت المياة العادية بمياة خضراء
2- ببص على المية كل شوية علشان أتأكد انها مش ناقصة
3- غيرت طرمبة المياة للماتور
4- سير الديانمو تمام و مفيهوش مشكلة
5- المية مش بتنقص يعنى مفيش تسريب

يا ريت عاجل بجد علشان كدا الماتور هيطير و شكرا