ياريت حد يعرفنا عن هذه السيارة كماليتها ومميزاتها وعيوبها
عرض للطباعة
ياريت حد يعرفنا عن هذه السيارة كماليتها ومميزاتها وعيوبها
واحد صاحبى لسة شاريها اشتكى من عضة فى نقلات الفتيس و شنشنة فى احدى السماعات تضهر و تختفى فى اوقات غير محددة و هى على فكرة سماعتين امامى فقط .
لو هاتحكم على جوده العربية من سماعاتها يبقى اسمحلى ! :?
و الله السماعات جزء من العربيه و الراجل مغلطش لما قال حاجه جايز ناس كتير ماتعرفهاش.........و شكرا :idea:
السلام عليكم ...
انا كان معايا فليشيا موديل 98 وجه اوكتافيا ...
المزايا :-
1- ثابته على الطريق ...
2- العفشه تتحمل العمل الشاق ...
3- الصاج قوى جداااا
4- الصالون واسع ...
.5- التابلوه شيك اوى ...
6- الشنطه كويسه مش صغيره ...
7- قطع غيار متوفره ..
العيوب :-
1- قطع الغيار غاليه ( لكن عمرها طويل )
2- العربيه خشنه
3- لايوجد بها باور
4- احذر الفتيس وانت بتشترى بيكون فيه ( وانه ) ودى معانه انك حاتغير فتيس فى اقرب وقت ..
5- فى حالات تشغيل التكيف العربيه ساعات بتسخن ونصحنى الميكانيكى بتركيب مروحه اضافيه ..
السلام عليكم ...
اليكم بعض اسعار قطع الغيار الخاصه بالسكودا .....
اولا اسعارقطع الغيار الجديد الاصلى :-
1- المساعدين الامامى 550 جنيه بضمان سنه ونوع اخر ( 900 ) من التوكيل ....
2- تيل فرامل اصلى 130 جنيه ....
3- كتاوت دينامو 90 جنيه ...
4- بليه عجله 75 جنيه ....
5- جير بوكس جديد 4000 جنيه .....
6- الفانوس الامامى 375جنيه ...
7- الفانوس الخلفى 275 جنيه...
8- الجكمان 700 جنيه ....
9- كبل بنزين 110 جنيه ...
10- كبل دبرياج 95 جنيه ...
11- حساس حراره ( 95 ) جنيه ...
12- بيضه مقص 165 جنيه ....
-
ثانيا قطع الغيار الاستعمال :-
1- الجير بوكس للموديلات من ( 95 الى 97 ) حوالى 900 جنيه
2- موديلات من ( 98 الى 2001 ) وجه اوكتافيا 1400 جنيه
3- الاكصدام العادى 400جنيه اما اللى بالفوج لايت 700 جنيه
4- الجكمان 500 جنيه
ولكم جزيل الشكر
عربيه جميله جدا لكن ديقه للأسف بالذات الكنبه الخلفيه زفت وبرضه تصميمها كلاسيك
لكن العربيه اثبتت وجودها وقدرتها وثبات ما لوش حل
مشوفتش فرق بينها و بين البورا 2001 عربيه ممتازة و اكتر من ممتازة
اما موضوع عضه الفتيس برضه واحد صاحبي اشتكى منه بس ده غيار زيت الفتيس لازم يتعمل
اما موضوع السمعات فهتلي عربيه الماني اصلا مهتمه بطقم الصوت ده كويس انها بتنزل بالكاست كتر خيرهم <البسات و البورا و البولو موديلات قديمه 99 و 2000 كان الكاست كماليات من غير لازمة > العربيه اداء و صيانه اما كاست في اتلياباني و الكوري
ممكن اسعار قطع غيار a4
يا جدعان الراجل بيسال عن السكودا a4 مش الفليشيا
أنت حولتوا الموضوع لموديل تانى خالص