انا والرادار

**Frozen_Pain** · 23-01-2011 02:39 PM

بسم الله الرحمن الرحيم
اللهم صل على محمد وعلى آله وصحبه أجمعين

السلام عليكم ورحمة الله وبركاته

ازيكم يا احلى اعضاء لاحلى منتدى يارب تكونوا كلكم بخير دايما

انا ساكن فى 6 أكتوبر ،، الساعة 10 بليل نازل على المحور رايح المهندسين وماشى على سرعة 81 كم وعند الرادار اللى قبل النفق لاقى سعادة الباشا بيصور لدرجة انى كلمت الرادار قولتله: انا انت صورتنى انا،، قولتها وانا مستغرب جدا لانه عمل الفلاش

لدرجة انى فضلت ابص ورايا وجنبى يمكن يكون صور حد تانى غيرى فانا قولت انه عمل كده ل3 احتمالات

1- انه بيخرف
2- انه شاف عفريت ماشى بعربيته بسرعة فصوره
3- انه بيلاغى السواقين علشان تفوق وتصحصح
4- كل ما سبق

بس فى سؤال هى المخالفات لما بتوصل لنيابة المرور بتوصل بيقول السرعة كانت كام ولا مجرد انك كسرت السرعة وخلاص؟

انا كمان اخدت بالى انهم ضافوا 3 رادارت جديدة على المحور بس الحق يتقال فى مصر لازم مش فى كل شارع يتحط رادار او كل طريق لالالا على كل عربية وكل عجلة وكل موتوسيكل لان بجد الحوادث كترت بشكل مخيف جدا فى مصر

يلا ربنا يستر طريقنا وطريقكم يارب ويكفيكم شر المخالفات

**ameirnabel1977** · 23-01-2011 02:53 PM

هو تقريبا الردار ده بيخرف او هو مظبوط على 80 لاني انا برضه اتصورت عليه مرتين وانا ماشي على 82 ومش عارف اعمل ايه .

**Frozen_Pain** · 23-01-2011 03:02 PM

المشاركة الأصلية كتبت بواسطة ameirnabel1977

هو تقريبا الردار ده بيخرف او هو مظبوط على 80 لاني انا برضه اتصورت عليه مرتين وانا ماشي على 82 ومش عارف اعمل ايه .

ايه ده مش انا لوحدى بئا يبقى قدامنا حل من 4

1- منطلعش المحور
2- نستخدم الدائرى
3- نركب ميكروباصات
4- كل ما سبق

عمرك شفت ديموقراطية اكتر من كده 4 حلول اهم اختار منهم ولو عاوزهم كلهم والله مش هقولك لا