الموضوع: هذا الموضوع لكل من يفكر فى شراء نيسان صنى مهم جدآ

المشاركة الأصلية كتبت بواسطة sedyrohy

لا دي بقى استحاله حد يصدقها من المنتدى انا اصدق جميع المشاكل الي حصلت لكن حكايه ترييح الصاج بتاع العربيه دي ان ممكن البويا تطبع لكن الصاج يريح لجوا دي بقى لا تصدق


انا بطن ان خت عربيه من التوكيل كانت معروضه للجمهور يعني ليل نهار فتح و اعقده على الكراسي و فرهده للعربيه

الحل صغير جدآ اسند على العربية على الباب او الشنطة و شوف الى هيحصل للصاج بس اسند كويس انا عندى باب كامل كلة كدة بسبب ان الناس بتسند علية بس او قول لك حاجة اسهل دوس بايدك على صاج الباب هتلاية بيتحرك معاك الصاج خفيف ممكن ابقى اصورها و اعملها ابلود اصل مش هدحك عليكم يعنى مش فادى للكلام دة مش عارف حاسس ان انا اكنى غلطان انى قلت المشاكل فى المنتدى دة كل الناس عايزة تفضل عايشة فى حلم ان العربية حلوة و ذى الفل و 10/10 و مفهاش اى حاجة خلاص انا كنت عايز انصح الناس بس بدل م واحد يتدبس فى عربية ذى دى

المشاركة الأصلية كتبت بواسطة mohamedsunny

الحل صغير جدآ اسند على العربية على الباب او الشنطة و شوف الى هيحصل للصاج بس اسند كويس انا عندى باب كامل كلة كدة بسبب ان الناس بتسند علية بس او قول لك حاجة اسهل دوس بايدك على صاج الباب هتلاية بيتحرك معاك الصاج خفيف ممكن ابقى اصورها و اعملها ابلود اصل مش هدحك عليكم يعنى مش فادى للكلام دة مش عارف حاسس ان انا اكنى غلطان انى قلت المشاكل فى المنتدى دة كل الناس عايزة تفضل عايشة فى حلم ان العربية حلوة و ذى الفل و 10/10 و مفهاش اى حاجة خلاص انا كنت عايز انصح الناس بس بدل م واحد يتدبس فى عربية ذى دى

يا باشا انت فى مصر المحروسة
طالما بتعترض يبقى اكيد هيتقال عليك انك جديد فى العربيات و السواقة و مش بعيد تضرب بالنار
طبعا موضوع ان هيتقال هجوم شرس على العربية و الكلام بتاع المصريين اللى عواطفهم بتخليهم يحسوا انك بتغلط فى حد قريبهم الموضوع دة عادى و مفروغ منه
انا مش بتكلم على المنتدى دة بالذات لانه اكبر منتدى للسيارات فعلا ممكن تستفيد منه
انا بتكلم بصفة عامة
دى طبيعة شعبنا الطيب
بدل مانحاول ندور على العيوب علشان نصلحها و نرتقى بمستوى الحاجة بندور على المميزات و نقول ان الحاجة مية مية
يا ناس اذا كان البى ام الفئة السابعة فى ناس اشتكت من حاجات فيها
مش معقول الصنى يعنى احسن من اقل فئة من البى ام
وعلى فكرة انا عندى صنى 2011

المشاركة الأصلية كتبت بواسطة ahmed.tv

منقدرش نقول لحد ابعد عن كذا وحب كذا واكره كذا
جميل اننا ناقش المشاكل ومعاكم حق جداااا ولازم نتكلم فيها

ولكن نتحاور بهدوء وبعقل ,عشان لازم نحترم عقل القارئ عشان حتى نوصله المعلومة اللى حتى بنشتكى منها
وكلنا بنقبل النقض طالما النقض بناء وهادف ومحترم فى طريقة الحوار ومفيش اى غلط فى حد ولا استخفاف براى حد ولا فى اى سخرية ولا تهكم فى الحوار
ولازم نراعى مشاعر بعض , لان مينفعش اقول ا\حيتريقوا علينا وحيطلوعنا مريض نفسى ومش بعرف اسوق وحنضرب بالنار والكلام ده
لان الكلام ده بيجرح مشاعر القارئ وكمان بيدل على ان صاحبه مش بيتقبل اى نقد

الواحد لما بيفتح موضوع فى موقع سيارات الاف الناس بتدخل وبتقراء وزى ما حلاقى ناس موفقة لرائى فى ناس حتختلف معايا فى الراى , الا بقا لو انا فى اول الموضوع قولت اللى بيوافقنى يدخل ويشارك واللى بيخالفنى الراى ميدخلش

ده بس كان توضيح فى بداية الكلام
ندخل بقا الموضوع
مش معنى ان لما نقولك شيك على هواء الكاوتش وروح التوكيل شيك وظبط العربية على الكمبيوتر , وانك ممكن تكون بتمشى فى زحمة كتير يبقا انا كدا بتريق عليك وعلى سواقتك وعلى كلامك وعلى مشكلتك , فكرك كدا حيكون خاطى ,لان الحقيقة احنا بنحاول بنقف جنبك وبنحاول نحط ايدنا على حل للمشكلة ونطرح كذا فكر وكذا حل وبنقولك ممكن يكون من كذا او كذا
ولا نسكت ومنردش زى باقى المواقع الاخرى , نفضل نقول يا جماعة , النبى حد هنا , ارجوكم ردوا عليه , حد يقول انى غلطان طيب و انتوا فين الحقونا !!
والناس تبص وتقرا ومحدش يخمن ولا يشخص المشكلة , ولا يحترم العضو ويرد عليه
وفى الاخر لما نحاول نقوله ممكن يكون من كذا او كذا يبقا احنا كدا بنتريق عليكم لسمح الله !!!

احنا مش بنهاجم العربية ومش حنعرف لان العربية بترد علينا فى السوق المصرى فى الانتشار اللى محققاه

واذا كنا بنتكلم بعواطفنا , لكن معتقدش اننا بنشترى بعواطفنا وبندفع من دم الحى بعواطفنا !

ولو قولنا اللى اشترى ده مكنش يعرف السر واتدبس , طيب , احنا معروف اننا احسن بلد ينتشر فيها الخبر , يعنى لو واحد اتدبس حتلاقيه بيقول لده ولده والده والمعلومة سهل تنتشر

طيب ما بالكم لو 100 الف شخص اضحك عليهم واتدبسوا مش حيقصروا فى سرعة انتشار الخبر ويزيد , وساعتها لو فى مشاكل فى العربية فعلا مش حيقصر فى انتشارها زمش حتحقق كل المبيعات دى

السوق فى عربيات اكتر منها يعنى مش حنقول ان مفيش قدامه الا هى !! عشان تكون مفروضة عليه

فى حاجات مش عجباك فى العربية ممكن تعجب غيرك فى حالة الشراء, وفى حالة المشاكل ممكن يظهر عندك وعند 100 ومش يظهر عند 1000 غيرك

فى 16 واحد اشتكوا من مشكلة مثلا وبيبعتوا يجيبوا مثلا ليهم القطعة دى , طيب ال16 دول او لو كانوا 100 بردوا من كام واحد , انتوا عارفين اى موزع معتمد بيوزع كام للصنى فى الشهر من 30 الى 50 سيارة تقريبا !!! فمعنى كدا ان فى مثلا ملايين مش اشتكوا

وبعدين على نقطة الصاح والكابوت اخباره ايه وباقى اجزاء السيارة , انا عن نفسى شوفت صاج باقى العربية محترم جدا وتقيل عن سيارات اخرى
اومال السيراتو تعمل ايه , اللى صاج الباب تزقه بايدك ولما قولنا كدا و قالوا ده عشان الصاج ياخد ويدى وفعلا طلع كلامهم صح فى الصدمات لاقدر الله , وان الصاج لما بيخف عشان العربية تجرى اكتر , فاغلب العربيات الحديثة كداا يا جماعة

موضوع التزيق واى مشاكل تانى بتظهر ما زى ما انتى بتشتكى فى ناس معانا فى الموقع وبره الموقع كتير مش بيشتكوا , وانا بركب معاهم وبقعد معاهم ولا بسمع اتى مشكلة خالص من اللى بتحكوه فهل كدا , يبقا بكدب اللى بيشتكى مثلا

لا انت عندك مشكلة , والتوكيل بيفضل ورا الحاجة وبيحل , غيره من التوكيلات التانى بتنفض بجد , وسوء معاملة كبيرة

وبعدين خالو بالكم فى توكيلات بتتعامل معاها مباشرة , لكن نيسان انت بتتعمل مع مركاز خدمة معتمدة ليها مش معاها مباشرة
فطبعا عقبال ما المراكز دى تخاطب نيسان ويتاكدوا ان الحاجة دى عاوزة تتغير فى الضمان , ويبعتوا يجبوها من بره اذا كانت مش متوفرة فى المصنع بياخد وقت ,
وبعدين الحاجة اللى بتتجاب من بره مش بتيجى لشخص واحد , لازم يجمعوا اورضرات لكذا واحد
وفى النهاية بتتحل المشاكل بردوا ,

ولو بلغت عن مشكلة ليك وبعتوا جابوا الحاجة وخلص فترة الضمان , بتتعمل بردوا , او لو فى عندك مشكلة ومش بتتحل واتسجل عندهم انك كنت بتشتكى منها قبل كدا ومش بتتحل وانتهى فترة الضمان بردوا بتتحل

التوكيل بيحاول يرضى العميل بشتى الطرق
وعلى فكرة فى عربيات كتيرة مستوردة فى السوق وبيكون فيها مشاكل بردوا وماركات معروفة فوارد جدا تلاقى مشاكل فردية فى اى نوع سيارة

بخصوص بردوا موضوع الضفيرة عشان تتغير باليابانى ويزودوا تمن الفلوس على العربية , حتزيد مش 2000 حيزيد اكتر , ولو مش اتعملت العربية واتصنعت هنا سعر العربية حيعدى جامد
هى الضفيرة طبعا المسئولة عن جزء الكهرباء وحاجات كتير جداااا فى العربية , ولو حصل اى خلل بيكون منها عشان هى العامل الاساسى , ولكن بردوا منقدرش نقول ان كل السيارات نازلة فى مشاكل فيها
ولما بنقيم حاجة بنقيمها على اساس الحاجة ناحجة ومنتشرة بنسبة قد ايه , والشكوى منها قد ايه
ولو هما شافوا ان فى شكوى بنسبة كبيرة اكيد حيتحركوا
وموضوع تغير الضفيرة بيابانى , مش بيحصل بنسبة دايمة , بيغيروها فى الاساس بضفيرة مصرى بردوا , ولو فى شكوى اخرى من نفس الضفيرة بيغيروها بيابانى ,
وبعدين موضوع الاستهلاك , انا معايا التيدا ويابانى بالكامل وبتعمل جوة البلد معايا من 185 الى 190 الى 200 واحيانا 210 حسب الزحمة وظروف الطريق اللى ماشى فيها , هل بقا فى مشكلة يبقا فى العربية ومشكلة عامة , المشكلة بتيجى من الزحمة المميته ولو انت بتمشى فيها كتير , يعنى مش مرة والباقى كله على الطوالى , انا بتكلم على طريقك كله يبقا جوة المدينة فى وقت الزروة والزحمة المقرفة , اغلب العربيات شبه بعضها فى نفس النسب

وبخصوص نسب الكاوتش اللى زودوه عشان يكون الاستهلاك مش عيب بدل ما نتريق , كويس انه بيفكروا وبيطوروا , والنسبة دى كمان زادت عشان تتوافق كمان مع السنسور بتاع البنزين عشان دى كلها حساسات وماشية على وزن عربية معين

فعلا الحاجة اللى بتفق معاكم فيها هى تنجيد الكنب والكراسى , اللى كنت بتمنى فعلا ان يخرج بصورة احسن من ناحية الراحة
لكن الله يشهد عليه انا قعدت فى عربيات ناس كتيرة , مش لقيت واحد اتكلم فى ضفيرة , ولا تزيق ابدا
ولو حد هنا قال انها بتزيق وظهر معاه مثلا بيروح وبيعملوه فىا لتوكيل
وفى ملاك معاهم العربية من 2006 كمان وبيشكروا فيها
ومش معنى كدا اننا بنكدب اللى بيشتكى ولا حنقول اللى داخل يقول ان العربية مريحاه انت بتنافق ومتحيز , لان زى ما انت بتقول ان عندك فى مشاكل , هو بيقول ان عنده مفيش

احنا مش بنهاجم بعض هنا فى حاجة

ولا حنسمح بكدا يا جماعة موقعنا موقع محترم , مش زى باقى المواقع الاخرى , اللى بيدخلوا فيها الناس وبيهاجموا فيها بعض بعض باسلوب سخريه و مفيش احترام للراى , وانتوا بتشوفوا وعارفين المواقع دى لانك اغبلكم اعضاء فيها بردوا وبتتطلعوا وبتابعوا الاخبار هنا وهنا , وعارفين كويس الفرق فى موقعنا وقسمنا و اللى قايم على احترام الراى والراى الاخر , طالما كان بموضوعية وبنقض بناء ومحترم
واحترام مشاعر بعض
وتحت اطار الود والمتبادل بين الاعضاء
فده اللى بناشد بيه دايما
هدوء , نقد بناء , حوار مفيد ,عقلانى,ود ومعرفة بين الاعضاء و مراعاة مشاعر الاخرين فى الرد واسلوب الحوار , واننا بنخدم بعض لوجه الله


وتقبلوا تحياتى

شكرآ للرد
مع العلم انا حبيت اقول المشاكل كلها للافادة فقط و كمان زهقت من التوكيل المفرود الواحد يجيب عربية زيرو تريحو كذا سنة مش من اول ما اجبها افضل رايح جاى على التوكيل بس ف قولت اشاركم مشاكلى