الموضوع: رحلة الى القاهره

السلام عليكم اخوانى الاعزاء أعضاء أحلى منتدى
بعد اذنكم انا من طنطا واريد ان أذهب بالاولاد فى اجازة نصف السنه الى حديقة الحيوان بالجيزة ثم الى القلعه ثم الى الحسين والعوده مره اخرى وانا اعرف الطريق حتى مدخل شبرا ( المؤسسه ) الطريق اللى بيدخل ع الكورنيش واخرى كده ؟ ياريت لو تتكرموا بشرح الطريق بعد ذلك ولكن بشىء من التفصيل أعزكم الله
وشكرا مقدما لكل اخ كريم سيشارك فى الموضوع

المشاركة الأصلية كتبت بواسطة mohamed_selim

بص يا سيدى
بعد ما تمسك الكورنيش خليك طوالى و عدى التحرير و لما توصل عند القصر العينى الجديد (هتشوف المبنى على الشمال بعد الاشاره) خش يمين هتلاقى القصر العينى القديم فى وشك و الشارع بيلف بيك شمال و تكمل يمين مع سور القصر العينى ... هتخش على كوبرى الجامعه ... جنينة الحيوانات بعد الكوبرى على الشمال

من هناك لو عايز تروح القلعه هترجع من فوق كوبرى الجامعه و تخليك طوالى هتعدى اشارة المنيل و بعدين اشارة الكورنيش و تكمل برضه و تعدى اشارة شارع القصر العينى و تاخد كوبرى ابو الريش و تكمل طوالى بعده شويه حلوين ... هتلاقى نفسك فى اشاره و يا تاخد يمين او شمال (هيكون سور مجرى العيون فى وشك) تاخد شمال و تمشى لحد اشارة تقاطع الطريق بتاعك مع صلاح سالم و تخش شمال تاخد كوبرى السيده عيشه و هتلاقى القلعه على شمالك (هتحتاج تلف و ترجعلها بس اللفه بعيده شويه)

شكرا أخى الكريم على هذا الشرح الوافى وانا سجلته فى ورقه وننفذ كمان يومين ان شاء الله وعالبركه
وجزاك الله كل خير
اخوك / احمد الشوره