الموضوع: ملحوظة وبس

المشاركة الأصلية كتبت بواسطة atefadel

كلام حضرتك سليم
وياريت نساعد اي احد من الاعضاء عندة مشكلة
ونقف بجانبة
وغير كدا لو حد ليه مشكلة فعلا
و لو في حد يعرف المهندسين في التوكيل معرفة شخصية يبقي نقف بجانبة
والماية تكدب الغطاس زي ما بيقولوا
ولو هي دعاية سيئة او هي موضوع حقيقي يبقي كل حاجة هتبان

بص يا استاذ عاطف عشان تكون متابع معانا , لان الواحد يكاد بايت هنا فى القسم وحافظ اغلب الاعضاء

الناس اللى عندها مشاكل دى كانت فاتحة قبل كدا مواضيع هنا وفى منتديات اخرى وعرضوا مشاكلتهم على الاعضاء
والناس طمنوهم وبردوا مفيش فايدة , والناس قالواهم انهم حساسين جدا , لدرجة انهم راحوا وكشفوا على مشاكلهم وعرفوا الحل , ورجعوا اصحاب المشاكل دى ذكروا على روحهم انهم حساسين فعلا ,
وبعد كدا رجعوا سالوا تانى على نفس المشكلة !!!!!!, لغاية ما الناس بطلت ترد فى الموضع من الزهق والوسوسة !!!

فالمواضيع دى مش حقولك بتتفتح ليه هنا , واصحاب المواضيع فتحنها ومش بيشاركوا مع انهم بيدخلوا !! وبيكتفوا بالمشاهدة !!
وسابين الموضوع مفتوح والناس تخبط فى بعضها يعنى !!

احنا بنقبل النقد بس لازم يكون بصورة منجرحش بيها شعور بعض

وبخصوص اننا نتدخل فى حل المشاكل لو بنعرف مهندسين فى مراكز الخدمة :

بيحصل بالفعل , بس احنا مينفعش نيجى نحكى ونقول انا ساعدت فلان وكلمت له فلان , عشان ثوابها ميضعش لاننا بنخدم بعض زى ما انت عارف لوجه الله

وبنبعت للناس على الخاص عشان مشاكلها وبنكلم الناس اللى نعرفهم فى اى مركز خدمة لحل مشكلاتهم

بس بندخل فى المشاكل اللى هى فعلا مشاكل
لان مينفعش اى مشكلة حلها بسيط حنكلم حد
ومينفعش حد حساس وموسوس وبيمشى يحط ودنه جوة الماتور , وياريت عنده مشكلة !!!!!!!!!!!! من الاصل ونروح نكلم حد !!!!!!!!!!!!

الحمد لله المهندسين اللى نعرفهم فى مراكز الخدمة ناس متعاونة ومش بتتاخر ابدا على حد حتى لو كان مفيش بينك وبينه سابق معرفه
ودى ميزة نيسان عن اى توكيل اخر