الموضوع: ايه رأيكم فى الى يقفل تلفونه ويتهرب منك وانت مسافر لحد عنده

المشاركة الأصلية كتبت بواسطة magyver

طيب هما مين ياخميس
بس معني انهم مش بيردوا علي الموضوع كمااان
يبقي فية حااجة !!

لا امبارح زميلنا التانى بعتلى رساله هنا على المنتدى واتأسفلى بعد مشاف الموضوع وكان ساعه متصلت بيه نايم
لكن زميلنا الاول بالرغم من انى بعتله رساله واكيد شافها على الموبايل وانا فى القاهره مكلمنيش ولا على الموبايل ولا هنا فى المنتدى مع انه موجود عل المنتدى
وصعب اقول اسم حد عشان مهما كان محدش يزعل منى

المشاركة الأصلية كتبت بواسطة ahmed4000

ياباشا الله اعلم بظروف الناس
ويمكن مكسوفين يكلموك

لو حد مكسوف يكلمنى يبقى ده عذر اقبح من زنب
وعلى العموم زميلنا التانى بعتلى رساله اتأسفلى لما شاف الموضوع

المشاركة الأصلية كتبت بواسطة miss_mona

طيب خليك انت تاخد الثواب يمكن حصلهم حاجه وكلمهم

لا يا باشا لو اى حد مكانى مش حيكلمهم يقولهم قفلتو تلفونتكم ليه

المشاركة الأصلية كتبت بواسطة moh.fahmy

هارد لك خميس باشا و ما تزعلش نفسك - و ان شاء الله يكون المانع عندهم خير عشان نعرف نعمل قعدة عرب عند قدورة و نجيبلك حقك منهم جمبري و سبيط و كاليماري ههههههههه مش برضه يرضيك الحل ده
و بصراحة انا زعلت جدا لانك من الناس المحترمة جدا و من غير مجاملة و الله - و انا ازعل قوي لما الاقي حد محترم و جدع يتعرض لموقف زي ده و ان شاء كله خير ماحدش عارف ايه اللي كان ممكن يحصل لو المشوار ده قضي
بس برضه كان ممكن تعمل كام تليفون بأخوانا في القاهرة احتمال كنت تلاقي حد ظروفه مناسبة يساعدك في طلبك
و حمدا لله علي سلامتك

ربنا يخليك يا باشا شكرا على كلامك الجميل الف شكر والحمد لله فعلا الله اعلم كان ايه الى حصل
وان شاء الله اشوفك على خير المقابله الجايه قريييبااااااااااااا
ورجاله القاهره برضه موجوده الحمد لله ربنا يخليكم لينا

المشاركة الأصلية كتبت بواسطة أبو إياد

ياظالمنى
ياظالمنى ياظالمنى
بقا كان فى بينا اتفاق ساعتها وانا معملتش بيه
ولا سيادتك حبيت تعملها مفاجاءه وتكلمنى كده
لا لا لا يادكتور بعد اذنك لو عاوز تتصل بيا عرفنى انك هاتتصل علشان ارد عليك ههههههههههههههههههههههههه ههههه
طبعا الكلمتين دول يكرهوا الناس فيا بس انا مش كده والله والناس اللى كانت معايا وقتها تشهد انى مامسكتش التليفون حتى فى ايدى ياعنى التليفون ماطلعش اساسا من جيبى فى اليوم ده
وده طبعا من سؤ حظى

احقاقا للحق انا عمرى متصلت بأبو اياد ومردش عليا الا لو نايم عشان شكله نومه تقيل ههههههههههههههههههه
بس فعلا ابو اياد متأخرش عليا او على حد فى اى سؤال او طلب قبل كده

المشاركة الأصلية كتبت بواسطة moustafa_saad

عرفنا اسمهم علشان تفضحهم
لان حتى لوعندهم ظروف كان المفروض يتصلوا بيك ويقولولك ومكانشى حيبقى فيه مشكله لكن التنفيض بالشكل ده يحرق الدم فعلا

بالنسبه لموضوع الاسم صعب اقوله عشان محدش يزعل منى
وهو ده فعلا الى زعلنى ان لو حد عنده ظروف يقول مفهاش اى مشكله كل واحد وظروفه

المشاركة الأصلية كتبت بواسطة bmw323

بلاش ارد عليك علشان ممكن أخد أيقاف



بلاش سؤ الظن وخليك سالك من جوا قلبك بس أهم حاجة

هههههههههههههههههههههههه ماشى يا احمد

وبعدين انا اعترفت اهو انى ظلمتك

وبعدين لو عاوز تقوللى حاجه وخايف تاخد ايقاف تعالى المقابلات وقولهالى فى وشى