الموضوع: النصب في عداد الكيلومترات...

يااااة فى مصر خد من دة كتير !!

فكرتنى بايام ماكنت ببيع عربيتى كانت مازدا 323 82 وحالتها ماشاء الله تقريبا متفكش فيها مسمار وكانت عاملة 214000 , واحد جة يتفرج عليها فابقولة العربية حالتها كذا وكذا والموتور الاصلى بتاعها متفتحش قبل كدة واسطوانة دبرياج الفابريكة بتاعتها والعربية ماشاء الله بتقفل عدادها ... ساب الكلام دة كلة وساب العربية وقالى استحاااااااالة اسطوانة دبرياج الفابريكة دة كبير اسطوانة الدبرياج لما تتنطط 100 او 120 الف بالكتير انما 214 واسطوانة الفابريكة استحااااالة
قلتلة هسألك سؤال .. لما جيت سألتنى عداد العربية عامل كام قلتلك 214 ( عداد العربية بيقلب كل 100000 يعنى بعد ال 100 بيصفر ويعد من الاول ) كان اية المانع انى اقولك 114 وساعتها كنت هتصدق حالة العربية وان الاسطوانة متغيرتش ومش هقولك لو جبت شيخ الميكانيكية لأ لو رجعتها مصنع مازدا عمر ماهتعرف ان فى فرق 100 ... انا كنت صريح معاك وقلتلك العربية عاملة كام بأمانة لأنى مش هقبل على نفسى فلوس حرام فا مش هاجى اضحك عليك فى دى والفيصل بينا الكشف ... الراجل اتكتم !!!

عربية تانية استرا كانت عاملة 40000 والراجل بيتكلم بثقة , المهم الموتور من تحت الغطا البلاستيك غرقاااااااااااااااان زيت وباقى الحوض اية فابريكة .. الراجل وبمنتهى الثقة بيقولى تلاقية جوان غطا تاكيهات بس محتاج يتغير باعتبار انى راكن الفيل على اول الشارع

واحد قريبى كان بيتفرج على لانوس كانت عاملة حاجة واربعين الف كيلو والعربية اية مغسولة تمام والدريكسيون نضيف مش متبهدل وشكلة جديد ... بس الناصح نسى لما جة يغير الدريكسيون يغير معاة عصاية الفتيس والدواسات !!!! :))
وعربية لانوس تانية فى السوق كانت عاملة 60 ... عربيتى اللانوس اللى عاملة فوق ال 300000 صالونها والدريكسون والدواسات والفتيس انضف منها بمراااااااااااحل !!!

فى السوق المصرى هتشوف عجب العجاب خلى نفسك طويل وبلاش تتأثر كدة من اولها انت لسة مشوفتش حاجة !!

المشاركة الأصلية كتبت بواسطة mailo

اللي يخلي المعارض بتاعت الزيرو تفصل فيشة العداد بتاع العربية مش عايز اللي يبيع مستعمل يعملها

فى الاخر كل واحد بيتحاسب على افعالة
يعنى ساعة الحساب مش هيتغفرلة علشان معارض الزيرو بتفصل العداد وهو ياعينى بيبيع عربية مستعملة فا لعب فى عدادها شوية

الكلام دا قديم
حسبى الله و نعم الوكيل

والله دى حاجه تحزن وده السبب الرئيسى الى يخلينى اكره المستعمل انى مليش خبره خالص فى الحاجات دى وممكن يضحك عليه بسهوله خالص

حاجه قرف انا بجد مش عارف الى فاكر نفسه حدق ده ممكن يصرف الحاجات دى على صحته ولا صحه ولاده والله حاجه بجد تقرف

انت فكرتونى بواحد صحبى ودخل حوار العربيات دى وكنا قاعدين فى قعده وقعد يحكى هوا بيعمل ايه فى العربيات من غش ورش وانه مش عارف كان بيعمل حاجه فى التوكيل ويختم كان العربيه متصلحه فى التوكيل والصيانه بتاعتها تمام ومكن بيعمل كدا

وكان بيحكى بكل فخر وانه يا لابس ناس انا من كتر العصبيه الى بقيت فيها مقدرتش استحمل وبصتلوا وقولتيله انت عارف ليه انا مبحبس اشترى مستعمل فقالى ليه قلتله علشان النصابين الى زيك وبعدين انا خفت يزعل وكده بس لاقيت العكس لقيته قعد يضحك

والله حاجه تكسف

وجزاكم الله خير

المشاركة الأصلية كتبت بواسطة can_be

والله دى حاجه تحزن وده السبب الرئيسى الى يخلينى اكره المستعمل انى مليش خبره خالص فى الحاجات دى وممكن يضحك عليه بسهوله خالص

حاجه قرف انا بجد مش عارف الى فاكر نفسه حدق ده ممكن يصرف الحاجات دى على صحته ولا صحه ولاده والله حاجه بجد تقرف

انت فكرتونى بواحد صحبى ودخل حوار العربيات دى وكنا قاعدين فى قعده وقعد يحكى هوا بيعمل ايه فى العربيات من غش ورش وانه مش عارف كان بيعمل حاجه فى التوكيل ويختم كان العربيه متصلحه فى التوكيل والصيانه بتاعتها تمام ومكن بيعمل كدا

وكان بيحكى بكل فخر وانه يا لابس ناس انا من كتر العصبيه الى بقيت فيها مقدرتش استحمل وبصتلوا وقولتيله انت عارف ليه انا مبحبس اشترى مستعمل فقالى ليه قلتله علشان النصابين الى زيك وبعدين انا خفت يزعل وكده بس لاقيت العكس لقيته قعد يضحك

والله حاجه تكسف

وجزاكم الله خير

يابن ادم افعل ماشئت فكما تدين تدان
هو فاكر نفسة ذكى وشاطر بكرة يقابل اللى اذكى منه وان كان هو بينصب فى الف ولا اتنين هيتنصب علية فى 10
وفى الاخرة مفيش فهلوة ولا شطارة ولا جدعنة كل يحاسب على افعاله